Daniɛl 2:23 - BII BILA

²³ Nɔm Hala fuɲaa nia mamaa, i co nɔm sangalaa a nɔm balikaa mello le yɔngu n yɔngu ya kɔlkaloo a kpaayaa-o. Tofa vɔ! A cɔm naa ɲɛ naa n ɲuna nɔm-ndo, a cɔm naa sɔɔn dɔw masaa kɔndɔfili-on.»

Daniɛl 2:23 Referans Kwoze

Daniɛl 2:18

Má cɛlan le Hala co o halataala-o ɲunaa o piɛilen nin, haliko mi ndóò tuinun nda iɲíí a dɛnɛ kaamaa kon o kɔɔ, yɔŋii ndáà diw nda a vanaa kɔlkalua tɔ̀a Babilɔn latulu.

Fulaa 3:15

Mó dimul ndu vɛlɛ aa: «Ma dimul vɛlɛ nda aa: ‹Mɛlɛka vem ya o niaa lo ni, Hala fuɲaa niaa mamaa pɛɛn: Hala Abraham-ndo, Hala Isaak-o a Hala Yakɔb-o.› Diola nilan la co lán le fɛɛn a fɛɛn ni. Nuaa yungulan kpow la bɛnda mì la veelu ya le fɛɛn a fɛɛn ni.

Luke 10:21

O telen kon, mí Yeesu dɔawnun ɲaale a kpaaya Kɔl-Diandaa, mó dimi aa: «I mel nɔm balika, Pua, Mɛlɛka co o halataala a o lɛŋnden coo-o, kani a vin vanaa kɔlkalua a vanaa sinaa dɛnɛa dɛnndan ndan, má cɔm cuaambɔa. Lende i co ni Pua, hɛnan nɔmndo n tosa nuaa ni.

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Daniɛl 1:17

Mí Hala ke felengia hiɔɔlua kan sinapɛngoo a dɛnɛ sinaa pɛɛkaa o sɔɛi mangalɛi a o kɔlkaloo nin. Daniɛl ndóò nɔla vɛlɛ vunduan a lɔma sɔlaan kɔlɔɔ sinaa.

Esai 12:1

«La diminin paale len aa: ‹Éé Mɛlɛka! I co nɔm lisaa. Kani nɔm óò tuulu kɔl a ya, kɛ kɔl nɔm tuwvo ɲulul, má ɲɔɔlu ya.

Condii lisai 50:14

O co fisa mì la solul-la sálàla malaa balikalan, ya Hala niaa pɛɛn, mì la peelu ciɛ́ɔn niaa cua o ya lo-on, ya Hala-Hiow-Ɲɔɔn-Kpow-vo.

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

Dɛnnda cɔɔmuanndan 5:5

O kon mí bɛndua yuuvɛiyaa kan o pilɛ dimul-la aa: «Caŋ te, tofa yàlá fula o polale Yuda len nin-ndo, o co pulun David-on-ndo. O nɔla mò kumbi sɛbɔɔ ho a tɔɔmaselela ndɔla ŋɔmmɛwlan.

Dɛnnda cɔɔmuanndan 1:1

Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

Nsaŋ 11:41

O kon má faŋa powvo. Mí Yeesu heelu hɔlla coocoo, mó dimi aa: «Pua, i mel nɔm balika le tùú n mulul-la-o.

Vana Kɔlkaloo 9:18

Kɔlkaloo co fisa a ɲɛm cɔwvon. Vana nɔ taasi loo tiwba mò tɛɛmbuu ɲɔɔn taw.»

Vana Kɔlkaloo 7:19

Kɔlkaloo tiwba mò ke vana kɔlkaloo kpaayaa, mò hiow masaa n'bungaa n'van tɔ́a co masalen tosaa o kobio ndu pilɛ nin-nda.

Talelan 24:5

Vana kendu pɛ kɔl ndu nɔ kpaayaa, vana taasio vángalà yoomuma ndɔan ni.

Talelan 21:22

Vana kɔlkaloo nɔlà mò kɔ del kobi kuubaa cɔvaa mayoomua co kandaa-o coo, mò koomba kpaki kobi kon ndóò tiindan-ndo.

Talelan 8:14

Baala nuu co vanndacieea silaa a nda kanalanndo ni. Ya co dɛnɛ sinaa ni, ya nɔ kpaayaa ni.

2Dɛnnda lemasalan 20:6

mó piɛi aa: «Mɛlɛka, Hala fuɲaa naa mamaa co o halataala-o. Vɛ̀ɛ̀ o co nɔm te co masalen tosaa o masɛi co o lɛŋnden kpow coo-e coo le? Nɔm o ba yoomuan a kpaayaa co ni. Lelan, vana-vana nɔla mò simul nɔm te.

1Dɛnnda lemasalan 29:13

Sisa Hala naa, n mel nɔm balika mí n lisa diola nɔmnda sɔvɛlan.

1Dɛnnda lemasalan 29:10

Mí David mel Mɛlɛka balika vannda kpow o hɔl, mó dimi aa: «Biiloo co le nɔm, Mɛlɛka, Hala Yakɔb, fuɲa naa mamaa-o, nɔm co fuɲa naa le fɛɛn a fɛɛn ni.

1Masaa 18:36

Telen solia lasálàá tiiyaa, mí Elii vana-tɛɛngaa-diom Hala-o sɔɔnguu, mó piɛi aa: «Mɛlɛka, Hala Abraham-ndo, Hala Isaak-o a Hala Yakɔb-o! I yeema mì vannda sina hau maa nɔm kpeekpei co Hala o lɛŋnde Israɛl-ten nin ni, maa vana nɔm baalaa ya co ni, maa nɔm cɛl vɛlɛ ni mí tosa dɛnndan ndan kpow.

1Masaa 8:57

Màá Mɛlɛka Hala naa lo naa ikɛi mɛɛ o va fuɲaa naa mamaa ikɛi yɛ! Màá ò múlùl naa kɔɔ mo mal naa le!

O Kandɔɔ 18:17

Mí Mɛlɛka pila ɲunan aa: «Bàà mì vin Abraham ɲɛ ya co hunɔɔ tosa-o?

Nsaŋ 15:15

I co lɛ niaa veelu aa vanaa baala le, kani vana baalaa sina ɲɛ vana ndɔ bɛndoo co tosaa-o le. Caaŋaa nia ya vanin niaa veeloo ni, kani o kɛ́-kɛ̀ ya sɔla Fuɲa nuu o ba, i cii niaa ndu cɔm.

Vana Kɔlkaloo 9:16

O kon, mí yiyan maa kɔlkaloo fisa a kpaayaa. Kɛ te vana kɔlkaloo co pɛ vana bala fondoo, vannda ci ndu ɲɛ le, a yeŋnun bɛɛ sɔɛi ndɔɛi le.

O Kandɔɔ 31:42

Te ndóò ve mí Hala Abraham-ndo, Hala Isaak fuɲa ni ndóò ɲiiya o hɔl-lo ndóò ve ya ikɛi le, a va ya hau tovɔɔ mì yáà muungu bala fondo. Kɛ Hala ce mɔnɛi luɛi ya-e a yɔkpa ya yɔkpa o vallo nin-ndo. Lelan, mí ndu pila kialu ciɛi icɔl yamɛi.»

Condii lisai 21:2

Mɛlɛka, Masaa dɔwnun ɲaale le kpaaya nɔmndo, o naŋ kɔl le baŋa n baŋa ndu-o.

Condii lisai 21:4

A co hunɔɔ ndu o hɔl a duaalan taw, a co mɔsil lemasa n'sianio handɔɔ ndu o lebol.

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›