Daniɛl 2:22 - BII BILA

²² Ndu soli sɔɔn yingilɛiyon a sɔɔn viannanndon ceen ni, ndu sina ɲɛ co o ɲumndan nin-ndo ni, kani ɲɛ-ɲɛ co o viannan ndu o hɔl te.

Daniɛl 2:22 Referans Kwoze

SƐBƐ YƆB-O 12:22

Ndu solì ɲɛm co n'viannandon o ɲumndan nin di-di-on ceen ni, mò tuisi ɲɛ-tengaa le vunduma piɔ́mndan teengiaa.

1Nsaŋ 1:5

Yoongu naa n tuei Yeesu Krista o sondo mí n va niaa ndu dimul-lo co hoo ni: Ɲɛ-tengaa Hala co ni, ɲumma co o ndu nin te.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Yeremi 23:24

Vɛ̀ɛ̀ vanndo nɔla vionnɔnndo nɛɛ yililia pum mì bumba ndu cɔu?» Sɔɛi fula Mɛlɛka o sondo-e co hee ni. «I co nɛɛ-nɛɛ fee, o halataala a o lɛŋnden coo, vɛ̀ɛ̀ la sina ken te?» Mɛlɛka ɲuna lende ni.

Condii lisai 25:14

Vanaa nɔ siòòŋii Mɛlɛka-e-a, nda Mɛlɛka cɔm sɔɔn ndɔn viannanndon ni, le nda kpema ndɔɔ cɔmndo.

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.

Condii lisai 36:9

A co nda pimio a ɲɛm fàngà-fángàn co o nɔm ndo cɛinin-ndon, a co nda koesio a pee nɔm ɲɛm kɛndɔɔ.

Daniɛl 2:11

Ɲɛ n co ɲunaa-o kendu taw. Vanaciee oo vanaciee nɔla nɔm mulio yɔngu le, fɔ halaa, a fonda nda calaa co vanndacieea tɛɛn te-a.»

Esai 45:7

I toosiaa ɲɛ-tengaa, mí cɔaw ɲumndan. I yɔngu dɛnɛ kɛndɔɔ, mí cɔaw dɛnɛ vɔɔndo. Ya Mɛlɛka, i tosa ɲɛm mun kpede.

Efɛsea 3:5

Paandu, dɛnɛ viannan kon ndóò cɔmnun vannda le, kɛ sisa Hala cɔm kiilaa ndɔa diandaa a vanaa-tɛɛngaa-diom Hala ndɔa diandaa ndu a Kɔl ndɔ Diandaa o kɔɔ.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Nsaŋ 21:17

Mó ɲuna ndu o yàándɔɔ aa: «Simɔn po Yonas-o, vɛ̀ɛ̀ a kaola ya pá?» Mí kɔllo tambu Piɛr le peelu Yeesu peelu ndu sɔɛi ken ɲunaa bɛmbɛ leyáá-o. O kon mó mulul ndu aa: «Maalii, a sínà dɛnndan kpow, a sínà maa i kaola nɔm.» Mí Yeesu dimul ndu aa: «Landu hɔlla saa niaa coo.

Esai 41:22

Màá a soli sɔɔn mun ceen kpendekele, ma dimul naa ɲɛ hun yɔŋnunnin-ndo! Ɔ́ɔ̀ dɛnnda niaa dimi sindɛ maa la co hunɔɔ yɔŋnɔn-ndan? La cɔm naa lan haliko mi naa bɛɛ n va lehɔl o nɛi, te kon te mi n sina mɛɛ sɔɔn mun peelunnin yɛ. Te o co kon te, mɛɛ la dimul naa ɲɛ hun yɔŋnunnin siɔdii laci-o.

Condii lisai 104:2

Mɛlɛka simbulun o pangeloo nin maa o doma nin. A cii halataalaa tondɔɔ maa cɛi-kola-toandaa,

SƐBƐ YƆB-O 26:6

Kani ciee-piɔ́m co kpendekele Hala o hɔl, soon bɛndu nɔ lamɛɛlu loo co o kumbaa ndu o hɔl te.

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Nsaŋ 1:9

Ɲɛ-tengaa kpeekpeiyo o va ni, le vanndacieea kpow teengiaa o hin o ceendo coo ni.

Matie 13:13

Lelan ya soaa o nda lo o talelan nin ni, kani a co tofaa, kɛ a co cɔ le, a co tueyɔɔ, kɛ a co bila biyɔɔ le.

Daniɛl 5:14

I tuei maa a nɔ kɔlkalu halaa, ɲɛ-tengaa a dɛnɛ sinaa, a nɔ kɔlkaloo hiovɔɔ ba.

Esai 42:9

Tofa vɔ, sɔɔn tason peelun, n sɛnɛiyon ya co vɛlɛ niaa dimullo nuaa ni. Tuma pá mì dɛnnda lan la hun tiiya, i co niaa pɔɔ dimul maa la hun yɔŋnunnin.

Esai 41:26

Nɛ̀ɛ́-nɛ̀ dimi yɛ kabi o kandɔn tasoo maa dɛnɛ kon hun tosanin, haliko mi n sina ndi? Nɛ̀ɛ́-nɛ̀ yonda yɛ a ndi o kɔɔ kabi paandu pá, haliko mi n dimi aa toɲaa i co ni? Vana-vana co ndi yonda le, vana-vana co ndi dimi le, n co bɛɛ niaa diom tueyɔɔ le.

O Kandɔɔ 41:16

Mí Yosɛf dimul Faraɔnnɔɔ aa: «O co ya le co tɛɛsiaa le, kɛ Hala co nɔm masaa kɔlɔ lɔma sɔlaama nɔmndan tɛɛsial ni.»

Daniɛl 2:19

Mí dɛnɛ kaamaa kon cɔmnun Daniɛl o vundulen nin icɔllo. O kon, mó lisa Hala co o halataala-o aa:

Daniɛl 2:47

Mó dimul Daniɛl aa: «A toɲa, Hala niaa co Hala hiow halaa kpow-vo ni. Ndu co masa hiow masaa kpow-vo ni. Ndu co vana cɔɔmuu sɔɔn kɔndɔfillon-ndo ni, kani a cɔm ya dɛnɛ kɔndɔfillo ho.»

Tɔŋ miingua 29:28

Le Mɛlɛka Hala naa kínɛí dɛnnda viannanndan la co ni. Le naa a cuavaa naa imamaa dɛnnda cɔmnun-ndan la co le fɛɛn a fɛɛn ni, haliko mi n kela o sɔɔn tɔŋndo ho coo.»

Vana Kɔlkaloo 8:1

«A toɲa, vana-vana nɔ kɔlkalu kon te, kɔlkalu o tiwba mò cɔm ɲɛ co hunɔɔ yɔŋnɔn-ndo-o. Nduyɛ, hɔlla kɔlkaloo teengiaa vana ni, mò faŋa vana suumaa o hɔl.

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›