Daniɛl 2:21 - BII BILA

²¹ Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.

Daniɛl 2:21 Referans Kwoze

Daniɛl 4:17

Yɔm bɛndu-bɛndu n ce hoo mó nɔ kpaayaa taw, mó tiiya bandei háá o halataala-o, o vanáà sim kon nɛɛ-nɛɛ ka o ceendo coo ma ce ndu-o,

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 4:32

Vanndacieea o ceendo coo kpow a co a bɔɔ ndu o hɔl te, mɛɛ hɛnan ndɔɔ co yɛ o tosa a mɛlɛkaa cɔwva o halataala a á vanndacieea o ceendo coo ni. Vana-vana nɔla baala ndɔɔ kuuna le, o co vɔ bɛɛ le ndu ɲunaale aa: «Vɛ tosaa nuaa?»

SƐBƐ YƆB-O 12:18

Ndu tiimbuu yavii lemasɛi masaa o caŋ ni, mò mingi yoei lecɛe bayiaa nda o caŋ.

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

Luke 21:15

Kani i sɔaanin niaa sɔɔn o lasondo, mì ke niaa kɔlkaloo, o yaamɔaa niaa nɔlanin niaa simul mà sɛɛngiaa niaa loo.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

1Masaa 3:28

Mí Israɛlla kpow a tuɛi a yamɛi Salomɔn ndóò kelu ken-nde o kɔɔ. Mí vannda kpow a vo ndu taw, kani má sina maa kɔlkalu Hala-o va ndu nin le yaman kiolɔɔ o sandei nin.

Fulaa 31:3

mí pei ndu a kɔl Hala-o haliko mo kendu kɔl, mò va vana caa baalaa, mò nɔ dɛnɛ sinaa, mò sina baala labaa taw,

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Daniɛl 2:9

Kɛ te la cɔm ya man te, sɔɛi ya kelun o kɔl-le peelunnin. La cɛlan le ya còòlan dimullo a le ya palaa, háá mí telenndo va cuvɔɔ. Lelan, la cɔm ya lɔma ya sɔl-lan. O kon, i sinanin te la nɔla pɛ le ya man kɔlɔ cɔmndo.»

1Dɛnnda lemasalan 22:12

Màá o ke nɔm taasio a kɔlkaloo telen o kenin nɔm masalen Israɛlla coo-o, haliko ma bii tɔŋnda ndɔlan!

1Masaa 10:24

Lelan vannda o lɛŋnden kpow coo ndáà yeema le ndu cɔu a le nilan yaŋɔɔ o kɔlkalu ndɔɔ, kani Hala ndóò vow ndu kɔlkalu kon o kɔl ni.

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

Daniɛl 11:6

Te vɔsilan taw la hiow pɛ, a yii kpemaa. Cua laandu masaa a ba too calnin masaa a ba luaŋ-ndo o ba o nɔ̀u nin, le diom pilɔɔ yiiyo. Kɛ kpaaya cua laandu kon tambunin. O malnunnin vannda o ba, a hɔ́ɔ́ ndɔɔ, a vanaa kɔanin a ndu-a, a vana ndɔ malaa o telen kon nin, vana-vana lonin yoomu le.

1Dɛnnda lemasalan 29:30

o sɛbɛla lan nin, má tɛɛsiaa mɛɛ masale ndɔlen le va yɛ a cɔwla bɛndula o tosa lan, má cɔm vɛlɛ dɛnnda ndɔla ndu pilalan, dɛnnda tosalan ndu o masalen coo Israɛl-tan a dɛnnda tosalan ndu o masɛi va o lɛŋii celen nin-nde lan kpow.

Fulaa 31:6

Vana ndɔ malaa co Oholiab ni, po Ahisamak-o, fulaa o polale Dan-nden nin. Handɔɔ o kon coo, i yɔngu vanaa caa baalala labalan-nda kpow dɛnɛ sinaa, haliko ma tiwba le ɲɛm ya dimul nɔm le cɔvɔɔ-on cɔwva.

Ɛstɛr 1:13

Le hee, mí masaa ɲuna silaa o vanaa kɔlkalua sina sɔɔn tɔŋndon-nda lo, kani lende sɔɔn masaa mun dimin vanaa sina tɔŋndo-a a vanaa dimi sɔɔn sandan-nda tɛɛn ni.

Rɔmnda 13:1

Vana-vana bɛnda mò tuisin simlacia lebolla o labɛngunin, kani masale kɛ́-kɛ̀ co le, le kɛɛ fula Hala o ba len. Simlacia co-a, ndu kɛsi nda ni.

Daniɛl 1:17

Mí Hala ke felengia hiɔɔlua kan sinapɛngoo a dɛnɛ sinaa pɛɛkaa o sɔɛi mangalɛi a o kɔlkaloo nin. Daniɛl ndóò nɔla vɛlɛ vunduan a lɔma sɔlaan kɔlɔɔ sinaa.

Daniɛl 2:20

«Màá diola Hala lan la sɔla biiloo le fɛɛn a fɛɛn! Kani ndu nɔ kɔlkaloo a kpaayaa ni.

Daniɛl 2:23

Nɔm Hala fuɲaa nia mamaa, i co nɔm sangalaa a nɔm balikaa mello le yɔngu n yɔngu ya kɔlkaloo a kpaayaa-o. Tofa vɔ! A cɔm naa ɲɛ naa n ɲuna nɔm-ndo, a cɔm naa sɔɔn dɔw masaa kɔndɔfili-on.»

Daniɛl 10:1

O vɔsi yàándɔɔ nin o masale Siris, masaa Pɛrse len bɛngu, mí sɔɛi pum dimulun Daniɛl, o nda ke diolan aa Bɛlsasar-o. Sɔɛi ken va sɔɛi toɲɛi a sɔɛi cɔw bɛnduei ni. Mí Daniɛl bii sɔɛi kalɛi bila. Mó sina ndi pɛɛngu o vundulen nin.

Daniɛl 4:14

Sɔɛi fula mɛlɛkaa Hala-a o sondo-e i co hee ni, ɲaa yoomaa diandaa pɛɛn, haliko mi vanndacieea kpow a sina maa Ó-Hiow-Ɲɔɔn-Kpow-vo masalen o ceendo coo le co o labɛngunin ni. Vana o yeema pɛ le masalen yɔngoo, o yɔngu ndu. O tiwba mò heelu vana hiow dɔɔnanndo vannda o hɔl-lo.»

Daniɛl 4:22

A toawnunnin ma faŋan vanndacieea tɛɛn. Nɛɛ nɔmaa calaa vanin yondoo nin niaa visia latulu ni. A yɔngunin nɔm billo le dioo maa naw. A liwviaanin nɔm yɔ́-yɔ́ o kɛmndan nin, ma lo lende háá vɔsilan laŋɔmmɛw, háá ma sina maa Ó-Hiow-Ɲɔɔn-Kpow-vo nɔ masalen o ceendo coo o labɛngunin ni. Nduyɛ vana hɛnan ndu-o, ndu o sííngùù masaa ni.