Daniɛl 2:20 - BII BILA

²⁰ «Màá diola Hala lan la sɔla biiloo le fɛɛn a fɛɛn! Kani ndu nɔ kɔlkaloo a kpaayaa ni.

Daniɛl 2:20 Referans Kwoze

Condii lisai 113:2

Màá diola ndɔlan la sɔla biiloo kandɔɔ sunsun háá le fɛɛn a fɛɛn!

SƐBƐ YƆB-O 12:13

Kɛ o Hala nin kɔlkaloo a kpaayaa co tum ni, ndu nɔ silaa a sinapɛngoo o ba ni.

Dɛnnda cɔɔmuanndan 5:12

A va dimio coocoo aa: «Saa téndé nda kelu bololan-ndo bɛnda mò sɔla kpaayaa, bolofaa, kɔlkaloo, yoomuan, bɛɛlen, biiloo a sangalaa.»

Yeremi 32:19

A nɔ bɔɔ tuula bɛndulan, la n peelu a kpaaya bɛndoo lan pɛɛn! A nɔ hɔlten o kelala vanndacieea coo. Mɛɛ kela vana-vana co yɛ n bii vanndacieea ni, mɛɛ kɔmnde dɛnnda ndalan le co yɛ.

Condii lisai 147:5

Mɛlɛka naa co o bɔɔ, o nɔ kpaayaa taw, kɔlkalu ndɔɔ nɔ lamɛɛlu le.

Yude 1:24

Biiloo co le Vana nɔla niaa kandaa la del too, haliko mi la hun fula ndu o hɔl a ɲaaloo, la sɔla yaalaa loo,

Talelan 8:14

Baala nuu co vanndacieea silaa a nda kanalanndo ni. Ya co dɛnɛ sinaa ni, ya nɔ kpaayaa ni.

Condii lisai 115:18

Kɛ naa, n melnin ndu balika kandɔɔ sunsun háá le fɛɛn a fɛɛn. La lisa Mɛlɛka!

1Masaa 8:56

«Biiloo co le Mɛlɛka, le ke o ke vanaa ndɔa, Israɛla pɛngio mɛɛ ndóò dimi yɛ-o. Lekɛ́ndɛi, sɔɔn kɛndɛn ndóò dimi a sondo Moise vana ndɔ baalaa-on kpow, ikɛ́-kɛ̀ lo le peelɔnndo le.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Condii lisai 62:11

La tííndàn delɔɔ coo le, la handu kɔltan o vannda ɲɔɔn puuwvo o laba coo le. Bolofaa niaa va bɛɛ handɔnndo lecoo, la handu kɔltan lecoo le.

Condii lisai 50:23

Vana-vana solul-la pɛ sálà malaa balikaa, mɛɛ ndu biilu ya. Vana-vana caa pɛ kelaa, i cɔmnin ndu maa ya co vana ciindiaa ndɔɔ ni.›»

Condii lisai 41:13

Nɔm, a tosanin i venin vana tɛɛmbua isɔɔ le, A mandanin ya nɔm ikɛi lɔ́ɔ́-lɔ́ɔ̀.

2Dɛnnda lemasalan 20:21

Mí Yosafat cɛlan nda vannda, mó hɛli vanaa solia n'condua, mó simi nda vanaa cɔwva laci, domala ifalenndan la va nda lekɔɔ, má va Mɛlɛka sangalaa o condon nin aa: «La biilu Mɛlɛka, kani kaola ndɔɔ nɔ la mɛɛlu le.»

1Dɛnnda lemasalan 29:20

O kon mí David dimul vannda kpow aa: «La mel Mɛlɛka, Hala niaa balika.» Mí nda kpow mel Mɛlɛka, Hala fuɲaa ndaa mamaa balika. Má tundun háá lɛŋ, Mɛlɛka a masaa o hɔl.

O Kandɔɔ 14:20

Biiloo co le Hala-Hiow-Ɲɔɔn-Kpow-vo-o, o yɔngu nɔm kpaayaa má tiw yaamɔaa nɔmnda ba-o.» O ɲɛm Abram puu yaamɔaa ndɔa kan o ba-on nin, mó cua ipilɛ o tɔ́ oo tɔ́ coo, mó yɔngu Mɛlkisedɛk.

Condii lisai 113:1

La lisa Mɛlɛka. Niaa vanaa baalaa Mɛlɛka-a kpow, la lisa ndu, la lisa diola ndɔla diandaa lan.

Esekiɛl 28:3

A co yiyanndo maa a hiow Daniɛl kɔlkaloo, a nɔ o kɔl maa ɲɛ-ɲɛ ve o viannan a nɔm te.

Nehemi 9:5

O kon kɔɔli mí leviia: Yosue, Kadmiɛl, Bani, Hasabnia, Serebia, Hodia, Sabania a Petahia dimi aa: «La cɔn mì la mel Mɛlɛka Hala niaa balika. La mel ndu balika le fɛɛn a fɛɛn.» «Màá diola nɔmnda tɔ́ɔ́lan la sɔla biiloo, kani diola hiow naŋɔɔ lan la co ni.