Daniɛl 2:18 - BII BILA

¹⁸ Má cɛlan le Hala co o halataala-o ɲunaa o piɛilen nin, haliko mi ndóò tuinun nda iɲíí a dɛnɛ kaamaa kon o kɔɔ, yɔŋii ndáà diw nda a vanaa kɔlkalua tɔ̀a Babilɔn latulu.

Daniɛl 2:18 Referans Kwoze

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Matie 18:19

Mì dimul niaa vɛlɛ toɲaa maa te vanaa ŋiɔn o niaa tɛɛn a cɛlan pɛ o lɛŋnden coo le ɲɛ-ɲɛ ɲunaa o piɛilen nin, Fuɲa ni co o halataala-o kenin nda ndu.

Matie 18:12

Mí Yeesu dimi taloo aa: «Vɛ̀ɛ̀ niaa yiyan yɛ? Te vanndo pum nɔ pɛ saa kɛmɛ, mì o pilɛ o nda tɛɛn o lo, vɛ̀ɛ̀ o mɛi saa belaŋɔmahiɔɔlu a à ŋɔmahiɔɔlua o pembei coo mò kɔɛ o lo-o nuwviaa le?

Condii lisai 91:15

Taa piɛi pɛ ya, i mululnin nɔm. O sangaa nin bɛɛ, i vanin nɔm ikɛi. I baŋanin nɔm mì ke nɔm bɛɛlen.

Condii lisai 50:15

O kon, paale niaa vanin o buulanndo nin-nden, la piɛi ya. I baŋanin niaa, mì la biilu ya.›

Malasi 3:18

La canin vɛlɛ hiyanndo vana kɛndɔɔ nda vana kɔlvesɛiyo tɛɛn, vana co Hala baalaa tosallo-o nda vana co Hala baala tosal too tɛɛn.

Esai 37:4

Bɔɔle Mɛlɛka Hala nɔmndo tuei sɔɔn fula bolle vanaa yɔngù masaa mɔiyan-nda-o o sondo-on, o vana ndɔ bɛndoo, o co masaa Asiri-o vem le hunɔɔ Hala yoomaa yeowlan-ndo pɛɛn, bɔɔle Mɛlɛka Hala nɔmndo soaŋnin ndu le sɔɔn o tuei mun-ndon. Lelan, piɛi Hala le vanaa tɔ̀a lo vɔ haa yoomu-a, yandi!

1Samiɛl 17:37

Mí David dimi vɛlɛ aa: «Mɛlɛka kanda ya lɔ́ɔ́ kon, yɛmbɛn yàlàá a yɛmbɛn kɔ́lɔ́vúloo n nɔla ya loo, kandanin vɛlɛ ya. Nduyɛ Filistinɔɔ ho bɛɛ nɔlanin ya le.» O kon, mí Saul dimul ndu aa: «Mɛɛ kɔ! Màá Mɛlɛka va nɔm ikɛi!»

O Kandɔɔ 18:28

Bɔɔle mì vanaa ŋuɛɛnu faŋan o vanaa sandaa beleŋuɛɛnua ha coo. Le vanaa ŋuɛɛnua faŋan kan-nda, mà tɛɛmbuu kobio ho?» Mí Mɛlɛka mulul ndu aa: «Ɛ-ɛ, te i saalun pɛ vanaa sandaa belehiɔɔlu a à ŋuɛɛnu, i tɛɛmbuunin ndu le.»

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

Rɔmnda 15:30

Puapilɛa nia, i co niaa yoomuan luei, la yiyan le Maalii Yeesu Krista a le kaola Kɔl-Diandaa ke naa-o, mì la mala ya cɔlɔba kon o piɛilen nin,

Dɛnnda kiilaa 12:4

Mɛɛ o bii ndu, mó mal ndu o kaasoo, mó handu vanaa cɔwva a hiɔɔlu-hiɔɔlu kundalan tan hiɔɔlu le ndu hɔlten vaa coo. Ndóò yeema, te paale kafo-hiavaa-coo léè hiow pɛ, ndóò kelu ndu iyama vannda kpow o hɔl.

Daniɛl 3:17

Òó masaa! Mɛɛ te lende ni, Hala naa naa n co baalaa tosallo-o tiwba mò baŋa naa. O solinin naa o tóndó bɛndu leyinndo nin, mò baŋa naa nɔm o ba.

Esekiɛl 36:37

Nuaa Maalii Hala dimi ni aa: «I cɛlnin vɛlɛ mì cuavaa Israɛlla piɛi ya le nda dɛnɛ kɛndɔɔ tosallo. I vangalanin vanndacieea ndaa maa kunda n'cɔlu.

Daniɛl 2:23

Nɔm Hala fuɲaa nia mamaa, i co nɔm sangalaa a nɔm balikaa mello le yɔngu n yɔngu ya kɔlkaloo a kpaayaa-o. Tofa vɔ! A cɔm naa ɲɛ naa n ɲuna nɔm-ndo, a cɔm naa sɔɔn dɔw masaa kɔndɔfili-on.»

Daniɛl 4:26

Kani paangon tɔ́ a n'miun hiovɔɔ, o va balɔɔ o cɛi ndɔ bɛndu lemasaa coo Babilɔn,

Yonas 1:9

Mí Yonas mulul nda aa: «Hebreenɔɔ ya co ni, Mɛlɛka ya biilù ni, Hala co o halataala-o pɛɛn. Ndu toosiaa mɛmma ihɛllan a lɛŋnde kɔngɔlen ni.»

Condii lisai 136:26

La mel Mɛlɛka co o halataalaa-o balika, kani kaola ndɔɔ nɔ lamɛɛlu le.