Daniɛl 2:12 - BII BILA

¹² O kon, mí masaa tuulu kɔl taw-taw. Mó yii tɔŋndo le vanaa kɔlkalua Babilɔn kpow diwvo.

Daniɛl 2:12 Referans Kwoze

Daniɛl 3:13

O kon, mí masaa tuulu kɔl taw-taw, mó viam vannda le hunɔɔ a Sadrak, Mesak a Abɛd-Neko. Má hun a nda o ndu lo.

Matie 2:16

Herɔde cɔu maa vanaa kɔlkalua hui ndu, mó tuulu kɔllo taw-taw. Mó viam vannda le kɔlan cuaambɔa ndáà hiw-vɔ vɔsila tiɔn te-a kpede diwvo, kandɔɔ Bɛtlɛhɛm kɔlan a cieon balu ndu-on kpow, maa mɛɛ vɔsila vanaa kɔlkalua ndáà dimul ndu lan la va yɛ.

Daniɛl 3:19

O kon, mí masaa Nebukanɛsar tuulu kɔl taw-taw, háá mí hɔlaa ndɔa diw vaŋ. Mí mɔnɛi bii ndu a Sadrak, Mesak a Abɛd-Neko. Mó viam vannda le tóndó bɛndoo tuuloo bɛmbɛ leŋɔmmɛw hiovɔɔ maa paandu.

Condii lisai 76:10

Ken tosan tuma kon kpeekpei, tuma nɔm Hala cɛn le dɛnɛ sandaa simio-o, telen n cɛn kon le vanaa co sangaa o lɛŋnden coo-a kpow baŋaa-o.

Daniɛl 2:5

Mí Nebukanɛsar muli aa: «I cii kiolɔɔ o kɔl nuu nin maa te la cɔm ya lɔma ya sɔl-lan a kɔlɔ ndɔɔ le, i co niaa sɛɛsiaa mì pesipesi cɛila niaalan vɔ́-vɔ́.

Talelan 29:22

Vana kɔltuwvo nɔ sɛɛngianndan ni, vana yala kɔllo fulaa-o tɛɛmbuu vannda kɔllo taw ni.

Talelan 20:2

Maa pɛɛliaa yàlà téndé kɔltuw masaa co ni, vana biiŋuu pɛ kɔl ndɔ tuwvo o vɔngulu yoomu ndɔɔ.

Talelan 19:12

Maa pɛɛliaa yàlà téndé kɔltuw masaa co ni, kɛ maa mɔ́m toal o billo coo-o ɲiacɔ ndɔɔ co ni.

Talelan 16:14

Kiilanɔ piɔ́mndo kɔltuw masaa co ni, kɛ vana kɔlkaloo ndu tiwba mò ɲulul ndu kɔllo.

SƐBƐ YƆB-O 5:2

Toɲaa, kɔltuwvo dii diɔm sondo vesɛiyo ni, paŋalaa dii vana nɔ taasi loo ni.

Matie 5:22

Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

Daniɛl 2:24

O kon kɔɔli, mí Daniɛl kɔa o Ariɔk lo, o masaa ndóò vem le kɔlan vanaa kɔlkalua Babilɔn diwvo-o. Mó dimul ndu aa: «Diw vanaa kɔlkalua Babilɔn te. Yɔɔ ya o masaa lo. I cɔmnin ndu kɔlɔ lɔma o sɔl-lan.»

Daniɛl 5:19

Le bɔɔbɔɔyɛi Hala ndóò yɔngu ndu ken-nde, vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda kpow ndáà nɔ siòònde a ndu ni. Vana ndóò yeema pɛ le diyɔɔ, ndóò dii ndu, vana ndóò yeema pɛ le mɛiyo yoomu, ndóò mɛi kon yoomu. Vana ndóò yeema pɛ le heeloo, ndóò heelu ndu. Vana ndóò yeema pɛ le tuisio, ndóò tuisi ndu.