Daniɛl 2:11 - BII BILA

¹¹ Ɲɛ n co ɲunaa-o kendu taw. Vanaciee oo vanaciee nɔla nɔm mulio yɔngu le, fɔ halaa, a fonda nda calaa co vanndacieea tɛɛn te-a.»

Daniɛl 2:11 Referans Kwoze

Daniɛl 5:11

Langbanɔ pilɛ co o masale nɔmnden nin, o nɔ kɔlkalu halaa diandaa nin. O paale fuɲa nɔmnden, mí n ca ndu ɲɛ-tengaa, dɛnɛ sinaa a kɔlkalu velan a kɔlkalu halaa-o nin. Lelan, mí Nebukanɛsar fuɲa nɔm kɛsi ndu bolle vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow.

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

Nsaŋ 14:23

Mí Yeesu mulul ndu aa: «Te vanndo kaola ya pɛ, o biinin sɔɛi nii, mì Fuɲa nuu kaola ndu. N hunnin o vana kon-ndo, mì n kila calta naalan o ndu lo.

Nsaŋ 14:17

ndu co Kɔl toɲaa ni, o ceendo nɔlà sɔla loo, kani o co ndu cɔ le, o sina ndu le. Kɛ niaa la sina ndu, kani o co niaa ikɛi, o vanin niaa nin.

Nsaŋ 1:14

Mí Sɔɛi siŋnun falon, mí i va naa tɛɛn. I co i piaa a kɛndɛi a á toɲaa. Mí n mɛɛndan biilu ndɔɔ, biilu ndɔ kon co maa o Po pilɔɔ sɔla fulaa Fuɲa ndɔ o ba-o.

Matie 19:26

Mí Yeesu tofa nda, mó dimul nda aa: «Vanndacieea nɔla ken tosa le, kɛ Hala ndu nɔla dɛnndan kpow tosaa.»

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Fulaa 29:45

I kɛsinin calta nilan Israɛlla tɛɛn, mì va Hala ndaa.

O Kandɔɔ 41:39

Mó dimul Yosɛf aa: «Le tùú Hala cɔm nɔm sɔɔn mun kpow-vo, vana celen co mò nɔ kɔlkaloo a taasio maa nɔm te.

Dɛnnda cɔɔmuanndan 21:3

Mí tuɛi diom bɛndoo pum fulaa a ba kpɛŋɛ lemasaa aa: «La tofa vɔ Cɛi-Diandaa Hala-o vanndacieea tɛɛn! O vanin nda tɛɛn, a vanin vanaa ndɔa, mì Hala pila va a nda latulu.

Esai 8:18

Tofa vɔ, ya a cuavaa Mɛlɛka yɔngu ya-a, naa n co tɔɔmaselelan a ɲɛ cɔm siɔdii lacio-o o lɛŋnde Israɛl-ten nin fulaa Mɛlɛka-Nɔ-Kpaayaa-Kpow-vo o ba ni, o co icali o pembei Siɔn coo-o.

Condii lisai 132:14

O dimi aa: Nanu ya vanin pɛngio lɔ́ɔ́-lɔ́ɔ̀ ni, nanu ya vanin masalen tosaa ni, i yeema mì cal Siɔn.

Condii lisai 68:18

Hala nɔ ɲɛla ɲaanannda cɔlua nan-ndan taw-taw, la co vàálan o vàálan nin. Maalii co lan tɛɛn o pembei Sinai coo, o fonda diandaa.

2Dɛnnda lemasalan 6:18

Kɛ vɛ̀ɛ̀ Hala tiw yɛnin ba le calle lekɛ́ndɛi nda vanndacieea o lɛŋnden coo? Tofa vɔ mɛɛ halataala co o bɔɔ yɛ, kɛ hali a kon kpede nɔm Hala, a nɔla sulɔɔ lon te. Vɛɛ n tiw yɛnin ba sulɔɔ o cɛile pɔmbɔle ya tangul len-nden nin?

1Masaa 8:27

Kɛ nduyɛ, vɛ̀ɛ̀ Hala nɔla pá calle o lɛŋnden coo? Tofa vɔ mɛɛ halataalaa pɛngɛlan mó tiw tɛngɛ̀-tɛngɛ̀ yɛ, a kon kpow Hala sul o halataala le, o co vɔ le sulɔɔ o Cɛile ya tengul ndu len-nden nin te!

Kundalan 35:34

La nɔ́ɔ́liàà lɛŋnde niaa vanin icali nin-nden te, ya Mɛlɛka pila bɛɛ vanin o lɛŋnde len nin, kani ya co Mɛlɛka cal Israɛlla tɛɛn-ndo ni.›»

Fulaa 8:19

O co tosa mì kpundɛ co kon niaa tolɔɔ coo-o kpakpala cuavaa ndɔa. Nduyɛ siɔdii kpundɛ kalaa tosannin ni.»

O Kandɔɔ 41:8

Idiiyo, mó va buulanndo taw, mó veelu vanaa viamaa yavaa a vanaa kɔlkalua Esipte kpow, mó tombolal nda lɔma sala tiɔmma o sɔl man-ndan. Kɛ vana pilɛ bɛɛ nɔ́lá ndu kɔlɔ lɔma sɔlaama man tɛɛsiallo le.

Esai 47:12

La lo o mangalala niaalan coo a o kueile niaale bɛndu-bɛndulen nin. Le kueile len a mangalala lan niaa co baalaa tosaa kabi o felengiyɛi niɛi nin ni, bɔɔle la sɔlanin tɔnɔɔ lenin, bɔɔle la siŋnunnin kpúlúnkùmaa lenin.

Daniɛl 4:4

Mɛɛ vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow a tiiya o ya lo, mí cɔm nda lɔma ya sɔl-lan, kɛ a nɔla ya kɔlɔ ndɔɔ cɔmndo le.