Daniɛl 12:6 - BII BILA

⁶ Mí o pilɔɔ ɲuna langbanɔ va a kola keesoo lekɔɔ mó va isisi o peo coo kɛ o pilan mɛnndan too aa: ‹Lɔ́ɔ́ kuɛɛ dɛnnda kɔndɔfiltan-ndan la cuu yɛnin?›

Daniɛl 12:6 Referans Kwoze

Daniɛl 8:13

Mí tuɛi vana diandaa sɔɛi, mí vana diandaa celen ɲuna o va sɔɛi-yo aa: «Vɛ̀ɛ̀ kpɛ́ dɛnnda cɔmnun-ndan o vundulen nin-ndan la viaw yɛnin? Háá telen kuɛɛ sálà solin lepalaa-lepala-o lo yɛnin faŋanndo? Háá lɔ́ɔ́ kuɛɛ dɛnɛ vɔɔn bɛndu kon lo yɛnin tosanndo o cɛi-kola-toandaa diandaa nin, mì kunda mɛlɛkaa cɔwva lo nɛwnɔnndo a labɛngu?»

Esekiɛl 9:2

Mí ca langbaa hunɔɔ nda ŋɔmpum, má kei a nɛi dio luɛyaa bɛndu muli hɔlla a ba luaŋ-ndo-o, vana-vana óò nɔ ɲɛ cɔw tɛɛmbua n'vanndacieo o ba. Vanndo pum va nda tɛɛn a kola keesoo lekɔɔ, kpɛkilen le va ndu lelandaa o yáwlen. Mí vanaa kan a hun sim o fonda-loamaa-lasálà cɔwnun a daɲan-ndo ikɛi.

Daniɛl 8:16

Mí tuɛi diom vanacieo deŋio o pee bɛndoo Ulai coo aa: ‹Kabriɛl, tɛɛsial ndu kɔlɔ vundulen-nden!›

Dɛnnda cɔɔmuanndan 19:14

Mí kundala vanaa cɔvaa co o halataala-a va ndu kɔlan kɔɔli o soa humbua coo, volɔɔla toosian a kola keese humbu fɛtufɛtu diandaa lan la va nda lekɔɔ.

Dɛnnda cɔɔmuanndan 15:6

Mí mɛlɛkaa ŋɔmmɛvaa dɛnnda palaala ŋɔmmɛwlan la va o laba-a fula o cɛi kon nin, kolala keesela diandaala few-fewlan la va nda lekɔɔ, a yavii n'sianiei nda o latakpa.

Dɛnnda cɔɔmuanndan 6:10

A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

Efɛsea 3:10

Kon yɔŋnun, haliko mi vanaa laalannda tosa, mì vanaa nɔ masalen o ba-a a ɲɛm kpaayan o halataala n sínà kɔlkalu Hala-o o nɛilan kpow coo.

Condii lisai 74:9

N co lɛ latɔɔmasele cɔ le. Vanaa-tɛɛngaa-diom Hala-a co lɛ le, nduyɛ o naa tɛɛn, vana-vana sina telen dɛnndan ndan la cuunin-ndo le.

Matie 24:3

Mɛɛ Yeesu va icali o Pembii oliviei coo, mí kaandennda hun ɲuna ndu nda pilɛ kínɛí aa: «Dimul naa, telen kuɛɛ dɛnnda lan la yɔŋnun yɛnin? Ɔ́ɔ̀ tɔɔmasele hunɔɔ nɔmndo a tɔɔmasele mɛɛlula ceendo?»

Marke 13:4

«Dimul naa, telen kuɛɛ dɛnnda lan la yɔŋnun yɛnin? Ɔ́ɔ̀ tɔɔmasele cɔmnin mɛɛlula dɛnndan ndan kpow-vo?»

Daniɛl 12:5

«Ya Daniɛl, i va tofaa, mí ca mí vanaa celen fula nda ŋiɔn, a va isisi o kɔngɔla tiɔnnda pee bɛndoo coo.

Daniɛl 12:8

Ya Daniɛl, mí tuɛi sɔɔn mun, kɛ i bii mun bila le. Lelan, mí ɲuna aa: ‹Maalii nuu, vɛ̀ɛ̀ sɔɔn mun n mɛɛlu yɛnin?›