Daniɛl 12:3 - BII BILA

³ Vanaa hiow kɔlkaloo-a tenganin a naŋɔɔ mɛɛ halataalaa tenga nuaa yɛ. Vanaa cɔm vannda nɛi dɛnɛ sandaa ma pɛɛku nda ndu-a diandunin le fɛɛn a fɛɛn maa loeon o halataala.

Daniɛl 12:3 Referans Kwoze

Matie 13:43

O telen kon, vanaa sandaa vanin tengaa maa lepala o masale Fuɲa nda len nin. Vana nɔ pɛ nilan, mɛɛ ndu tueí!»

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

Daniɛl 11:33

Vanaa hiow kɔlkaloo nda tɛɛn-nda pɛɛkunin vannda taw. Telen pum o kon kɔɔli, a diwnin a bɔɔ-bɔɔ nda tɛɛn a mɔɔn cɔwvon, a loamnin a pum a yinnden, a malnin a pum o kaasoo ma puu nda ɲɛm ndan o laba.

Daniɛl 11:35

O vanaa hiow kan kɔlkaloo-a tɛɛn, a pum malnin nɛiyo, kɛ Mɛlɛka tuisinin nda dɛnɛ palaa coo haliko ma tɔɔnun, ma dendu, mà muungu a kɛndɛ háá o telen kon mɛɛlulan, kani telen kelun-ndo tiiya vɔnin te.

Talelan 11:30

Dɛnnda vana sandaa la co maa yɔm yɔngu cindaa-o. Vana nɔ pɛ kɔlkaloo, o sɔla vannda.

Hebreea 5:12

Vana yiyan pɛ telen hiow nin-ndo, niáá bɛnda nin le caanda pɛɛkoo ni, kɛ niaa nda co vɔ sɔɔn kindu o sɔɛi Hala-e nin toon pɛɛkoo ni. La tiw vɔ ba ɲɛdiaa kàlà-kálàá dioo le, fɔ mɛɛyan.

Nsaŋ 5:35

Fitinaa va biyɔɔ mì ɲɔɔ va tengaa-o Nsaŋ yɔŋnun ni. Niáà yeema le ɲaaloo dɔwnɔnndo o ɲɛ-tengaa ndɔɔ le telen bingi.

Nsaŋ 4:36

Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.

1Korɛntea 3:10

Maa mɛɛ kɛndɛi Mɛlɛka-e i yɔngun ya-e. Ya ya, i tosa baalaa maa vana caa baalaa taw-vo, mí kila cɛiyo, mí vana celen tangul lecoo. Kɛ, mɛɛ mì vana caa taw a mɛɛ n co cɔwva lecoo yɛ.

Yeremi 23:22

Te ndáà va pɛ nɛɛ ya va sɔɛi-ya, a va vanaa nia sɔɔn ya dimi-on tɛɛngul, mì ndáà faŋa nda o nɛi nda vɔɔndo coo, mì ndáà mal dɛnnda vɔɔnnda nda co tosaa lan.»

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

2Piɛr 3:15

La sìna maa biuvɔn bɛndu Mɛlɛka-o tosa ni mí la sɔla cindaa. Sɔɛi pilɛi ken koni Pol puapilɛ naa bɛɛ sɛval niaa maa mɛɛ kɔlkalu kennun ndu-o yɔŋnun yɛ ni.

Efɛsea 4:11

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa.

Matie 24:45

«Ɔ́ɔ̀ vana baala kɔlkalu lò kon o diomnden coo-o, ò vana ndɔ bɛndoo handu buɛyaa ndɔa bollen le nda baloo keo o telen bɛnda-o-o?

Matie 19:28

Mí Yeesu mulul nda aa: «Mì dimul niaa toɲaa, telen dɛnndan kpow la muungunin lasɛnɛi, mì Po vanacieo va icali o kpɛŋɛ ndɔ lemasa biilaa nin-ndo, niaa vanaa del-la kɔɔli-a bɛɛ, la vanin icali o kpɛŋɛla lemasalan tɔ́ a latiɔn nin le yamɛi polama tɔ́ a mamiɔmma Israɛlla kiolɔɔ.

Dɛnnda kiilaa 13:1

Vanaa-tɛɛngaa-diom Hala-a a vanaa pɛɛkaa latɔŋnda pum a va vanaa Krista-aa tɛɛn Antiɔs: Barnabas, Simeɔn o ndáà ke diolan aa Vana-Tiŋio-o, Lusius fula Sirɛne-o, Manaɛn sul nɛɛ pilɛ nda Herɔde-o, Herɔde va masalen tosaa Kalile-o pɛɛn, a Sol.

Talelan 3:35

Vanaa kɔlkalua sɔlanin biiloo maa kɛ́, kɛ diɔmnda nda sɔlanin pɛɛsa hiow pɛɛsalan kpede-o.»

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Daniɛl 12:10

Vannda taw a tɔaanunnin, mà siŋnun a humbu, mà dendu mɛɛ yinnden le dindi ɲɔɔ yɛ. Vanaa kɔlvesɛiya biinin ɲɛ-ɲɛ bila le, a vanin hiovɔɔ laci a yɔŋ vɔɔndo tosaa. Kɛ vanaa hiow kɔlkaloo-a biinin bila.

Fulaa 34:35

Israɛlla ndáà tofa pɛ Moise hɔlla, ndáà ce maa hɔlaa ndɔa co tengaa ŋɛlɛngi-ŋɛlɛngi. O kon, ndóò mingi kolaa kuumbɔn o hɔl, háá mɛɛ mì ndóò muungu le suukanndo a Mɛlɛka malan ndóò faŋa.

Masaa kialaa n'yamaa 5:31

Àá Mɛlɛka, màá yaamɔaa nɔmnda cuu lende muɛɛn! Màá vanaa kaola nɔm-nda diondu mɛɛ ɲɔɔ tenga a paalen kalale ŋama-ŋama len nuaa yɛ.» Mì kɔlɲuloo muungu o lɛŋnden nin háá le vɔsilan belehiɔɔlu!

Vana Kɔlkaloo 12:9

Mí ca maa vana kɔlkaloo tosà kɔlkaloo le ndu pila daama le. O pɛɛkù vɛlɛ vannda kɔlkalu ndɔɔ, mò dimi talelan taw, mò keela kɔllo lecoo, mò soli lan kɔlɔ.