Daniɛl 12:11 - BII BILA

¹¹ Kandɔɔ o telen nda kuuna sálàla nda solul Mɛlɛka lepalaa-lepala-o lan-ndo kɔlan biyɔɔ háá a telen nda kɛsi ɲɛ lamàà tɛɛmbua o cɛi-diandaa nin-ndo, palɛi vanin vàá pilɛ kɛmɛ lediin a belaŋɔmahiɔɔlu.

Daniɛl 12:11 Referans Kwoze

Daniɛl 11:31

O viamnin vanaa cɔwva mà hun nɔɔliaa cɛi-diandaa a kobi nda kunga a kpakio-o. A kuunanin sálà nda solul Mɛlɛka lepalaa-lepala-o, mà hun kɛsi mààla tɛɛmbualan ndon.

Matie 24:15

«Tuma niaa canin mì dɛnɛ nɔɔlɛi tɛɛmbua bɛndoo, ò Daniɛl vana-tɛɛngaa-diom Hala-o dimi sɔɛi ndɔɛi-yo, kɛsin o fonda diandaa-o, (vana co sɛbɔɔ ho dimio-o bɛnda mò bii bila),

Marke 13:14

Tuma niaa canin vana nɔɔlɛi tɛɛmbua bɛndoo o kɛsiaa nɛɛ o bɛnda le va le-a-o, (vana co sɛbɔɔ dimio-o bɛnda mò bii bila), o tuma kon vanaa vanin o tàndá Yuda-o nin-nda bɛnda ma ɲaanun le kɔnndan o pembon coo.

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

Dɛnnda cɔɔmuanndan 13:5

Mí sondoo kennun visi kalaa le yongaa sɔɛi a le sɔɔn tanan dimio a Hala. Mí kpaayaa kennun ndu le masalen tosaa le paangon belehiɔɔlu a n'miun.

Dɛnnda cɔɔmuanndan 11:2

Kɛ tongo Cɛi-Hala-o ndu, mɛi ndu lende, tuu ndu le, kani ndu yɔngun vanaa-mangalaa-isɔɔa niɛwnin kobi diandaa o paangon belehiɔɔlu a n'miuun bɛngu-a ni.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 8:26

Vundule n ce o telenndan, icɔl a idii, coo len, toɲaa le co ni. Kɛ nɔm, vion vundule len kpíŋ o kɔl nɔmndo nin, dimul vana-vana le. Kani telen ndɔɔ bandu vɔ taw.›

Daniɛl 1:12

«I tɛɛlun nɔm, mɛɛndan-ndɔ buɛyaa nɔmnda o palɛi tɔ́ bɛngu, mà va naa lam lapeo daama yɔngoo le dioo, a mɛnndan daama le kolɔɔ.

Dɛnnda cɔɔmuanndan 12:6

Mí vanalanɔ kalaa ɲaanun o lɛŋnde veselɛilen nin, nɛɛ Hala ndóò toosial ndu fondaa, haliko mi ndóò kɔ va baloo sɔlaa lon o palɛi vàá pilɛ kɛmɛ lediin a belaŋɔmpum (1 260) bɛngu-a.

Esekiɛl 4:6

Lɔ́ɔ́ n ciinin palɛi ken-ndo, a hini vɛlɛ o ba kɛndɔɔ coo, a cua yɔŋ vɔɔn polale Yuda len o palɛi belehiɔɔlu bɛngu. I kilu nɔm paalen lepilɛ le vɔsi oo vɔsi.

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Fulaa 29:38

«Ɲɛ n bɛnda vɛlɛ ma tosa o fonda-loamaa-lasálàá coo le fɛɛn a fɛɛn-ndo co hoo ni: lepalaa-lepala, a bɛnda mà soli sálàá a saa téndéa nɔ vɔsio pilɛ-a nda ŋiɔn o fonda-loamaa-lasálàá coo.