Daniɛl 12:1 - BII BILA

¹ «O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.

Daniɛl 12:1 Referans Kwoze

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

Matie 24:21

Kani tuma kon, sanga bɛndoo yɔŋnunnin. Kabi ceendo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Marke 13:19

Kani palɛi ken vanin bɔɔ palɛi sanga bɛndu. Kabi ceen Hala cɔw-vo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Daniɛl 10:13

Mɛlɛkanɔ kandà lɛŋnde Pɛrse len-ndo simul-la o palɛi bidiin a lepilɛ bɛngu, kɛ mí Misɛl, o co simlacinɔ pilɛ o mɛlɛkaa tɛɛn-ndo, hun mala ya. Mí lo lon masaa Pɛrse ikɛi.

Daniɛl 10:21

Kɛ i co nɔm ɲɛ sɛvan o Sɛbɛ Toɲaa nin-ndo dimul. Vana-vana mala ya o sɔɔn mun nin te, fɔ Misɛl, simlacinɔ niaa.›»

Dɛnnda cɔɔmuanndan 12:7

Mí cɔwvo tosan o halataala. Mí Misɛl nda mɛlɛkaa ndɔa cɔlɔba tambálakáà. Mí tambálaká kon bɛɛ cɔlɔba a mɛlɛkaa ndɔa,

Dɛnnda cɔɔmuanndan 20:15

Vana-vana diola ndɔlan la ve lasɛvaa o sɛbɛ cindaa nin te, má viaw nda o dala leyin kon nin.

Dɛnnda cɔɔmuanndan 20:12

Mí ca vanvílɛ́iya, kaasonnda a cuaambɔa, a va isisi o kpɛŋɛ lemasaa hɔl-ndɔ. Mí sɛbɛlan la kumbin, mí sɛbɛ celen kumbin, sɛbɛ cindaa va kon ni. Mí yamɛi vanvílɛ́iya kiolu, maa mɛɛ sɔɔn va n sɛvaa o sɛbɛla lan nin-ndon va yɛ, maa mɛɛ dɛnnda vana-vana la va yɛ.

Dɛnnda cɔɔmuanndan 3:5

O kon vana nɔlanin-ndo vownunnin volɔɔla humbulan, i vɔɔsuunin diola ndɔlan o sɛbɛ yoomaa nin te, i pialnin diola ndɔlan Fuɲa nuu a mɛlɛkaa ndɔa o hɔl.

Luke 10:20

Kɛ nduyɛ, la naŋ kɔl le tùú ɲinaa vɔɔnda co niaa diom tueyɔɔ-o le, kɛ la naŋ kɔl le tùú diola niaalan la co lasɛvaalan o halataala-o.»

Daniɛl 9:12

Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

Dɛnnda cɔɔmuanndan 13:8

Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Yude 1:9

Nduyɛ, hali lɔ́ɔ́ Misɛl simlacinɔ mɛlɛkaa va sɛɛngianndo nda masaa ɲinaa vɔɔnda le dialun Moise-on ndo, o dimul ndu diomnda vɔɔnda vaa lende le, kɛ nuaa o dimul ndu ni aa: «Màá Mɛlɛka tuisi nɔm dɛnɛ palaa coo!»

Filipea 4:3

Nɔm vana naa n co baalaa latulu ɲɛkɛndɛi-yo bɛɛ, i co nɔm dimul mà mala vanlaandua ŋiɔŋaa kan. Kindinndo pila nda co le Yoongu kɛndɔɔ yondaa naa ndaa a Kileman a caaŋaa naa tɔ̀a naa n va vallo latulu-a ni. Caaŋaa naa diola ndalan la co lasɛvaalan o sɛbɛ cindaa nin-nda pɛɛn.

Efɛsea 1:21

Mó kɛsi ndu bollen masɛi kpow coo, kpaayalan kpow, vanaa mayoomua kpow a simlacia kpow coo, a le diola kɛ́-kɛ̀ co piɔlnɔnndo, o co ko le telenndo ho daama le, kɛ le telen co hunɔɔ-o bɛɛ.

Rɔmnda 11:26

O kon mí Israɛlla kpow a sɔla cindaa maa mɛɛ o sɛvan yɛ aa: «Vana baŋaa fulanin Siɔn, mò ɲindu vanaa tosaa dɛnnda vɔɔŋaa co o cuavaa-imamaa Yakɔb-a tɛɛn-nda ikɛi.

Esekiɛl 13:9

Ba nuu tisanin vanaa-tɛɛngaa-diom Hala-a co vunduma lacòòvan tɛɛnguuo a sɔɔn lacòòvan dimio-a coo cili. A venin o cuungian vanaa niaa coo le, diola ndalan la sɛvannin o diola cuavaa Israɛlla coo le, a tiiyanin o lɛŋnde Israɛl-ten nin di le. O kon niaa sinanin ni maa ya co Maalii ni, Mɛlɛka pɛɛn.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Esai 4:3

Vanaa lonin yoomuu Siɔn-nda, vanaa lonin kan Yerusalɛm-nda a sɔlanin veeloo aa vanaa diandaa, vanaa diola ndalan la sɛvannin Yerusalɛm-nda lonin yoomu.

Condii lisai 69:28

Hala, cɔm haki nda kon o hakila ndala tɔ̀lan coo. Tuinun nda iɲii le few.

Condii lisai 56:8

Éé Hala, vɛ̀ɛ̀ ma mal nda hiɔlɔnndo a yɔŋ vɔɔn nda co hoo tosaa-o? Tuisi kɔltuw nɔmndo vanaa kan coo.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Rɔmnda 11:15

Kani te siɛinɔn ndaa tosa pɛ mì ceendo muungu Hala o ibuŋ, mɛɛ yɛɛ tosan yɛnin, taa mingi pɛ hɔlla o Hala lo? Kon co macoaa mɛɛ vanvílɛ́iya-a muungu yoomu nuaa yɛ.

Daniɛl 11:45

O baŋnin cɛila-kolala-toandaala ndɔla lemasalan o mɛmma ihɛllan a o Pembii-Diandɛi co o lɛŋnde hiow naŋɔɔ len nin-nden tɛɛn. Lon mɛɛlula ndɔlan la vanin ni. O sɔlanin vana malaa le.»

Esekiɛl 34:24

Ya Mɛlɛka, ya vanin Hala ndaa ni, David vana baala nuu vanin simlacinɔɔ nda tɛɛn ni. Nduyɛ ya Mɛlɛka, ya soo lende ni.

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Esekiɛl 5:9

Sangala yáà tuisi vɔ niaa coo le lan, i tuisinin ndan niaa coo. Hali sangala ya tuisi lɛnin vana coo le lan, i tuisinin ndan niaa coo. I tosanin kon le dɛnnda lamààla niaalan kpede.

Daniɛl 7:10

Pee bɛndu leyinndo va fulaa mó va hiovɔɔ ndu laci. Mí sɛ́lɛ́ bɛndu-bɛndoo va ndu baalaa tosallo. Mí sɛ́lɛ́ bɛndu cuu cɔm too va isisi ndu laci. Mí vanaa kialaa n'yamaa cal, mí sɛbɛlan la kumbin.

Yɔɛl 2:2

Paale maɲumnden a paale ɲumma n'kpungbalen paale len le vanin ni. Paale yumbuyumbulen a paale mɔ́m bɛndulen le vanin ni. Le hunnin mɛ̀ɛ́-mɛ̀ɛ́ ɲɛ-tengaa paale siaa tiw o pembon coo nuaa yɛ. La tofa vɔ! Vanaa-mangalaa-isɔɔa ha, a co sɛ́lɛ́ taw, a nɔ kpaayaa. Kabi masindɛ, vanaa súú vaa lende fula vɔ le, hali o nda kɔɔli, vanaa súú vaa lende fula lɛnin le fɛɛn a fɛɛn te.

Malasi 3:16

O kon, mí vanaa nɔ siòòŋii Mɛlɛka-e-a dimulan vellaa-velle aa: ‹Se Mɛlɛka yaŋ nilan, mó tuɛi. O kon mí sɛbɔɔ sɛvan ndu o hɔl le loonɔnndo a sɔɛi ken, le vanaa nɔ siòòŋii Mɛlɛka-e, má va ndu bɛɛlen keo-va.›

Yeremi 30:10

Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»