Daniɛl 11:8 - BII BILA

⁸ O cuanin piɔmnda a halaa co o lɛŋnde len nin-nda, o cuanin vɛlɛ ɲɛm cɔwnun a volin humbon-ndon a ɲɛm cɔwnun a sianion-ndon, mò kɔɛnnun a mun o lɛŋnde Esipte len nin. O tosanin vɔsilan taw, o sɔɔnguunin masaa a ba luaŋ-ndo ikɛi le.

Daniɛl 11:8 Referans Kwoze

Esai 37:19

Handɔɔ o kon coo, má viaw halaa ndaa o yinnden nin, má loam nda. Kɛ halaa kan nda nda, vanndacieea ndáà toosiaa nda a laba ni, yɔmnde a powta ndáà sɛl-tan halaa kan va ni, mí masaa kan tɛɛmbuu nda few-few.

Osee 13:15

Cuavaa-imamaa Efraim-nda, ndáà pɛlnun ladio puapilɛa ndaa tɛɛn. Kɛ hoeyii cɛn a ba paalen le can-ndo-e co hunɔɔ, hoeyii Mɛlɛka-e co cɔnɔnndo o lɛŋnde veselɛilen nin, mì va heeloo. I veesiaanin peela lebolta cuavaa Efraim-nda, mì soonnda kólaala ndalan la vela. Bolofaa ndaa a ɲɛm vɔngu ndan báà kalan cuannunnin mì n kɔɛnnun.»

Osee 8:6

Kani Israɛl naw téndé niaa kon fula ni. Vana cɔavaa pum cɔw ndu ni, o co hala le o co le. Lelan, le naw téndé kon Samari pesipesinnin vɔ́-vɔ́.

Daniɛl 10:3

I ve ɲɛdiaa hɛnan ya-o dio le, i ve n visi dio le, i ve mamɔi kolɔɔ le, i ve vɛlɛ macuɛi suunɔn te, háá mí lɔ́ɔ́la yáálan la cuu.

Yeremi 46:25

Mí Mɛlɛka-Nɔ-Kpaayaa-Kpow-vo, Hala Israɛlla dimi aa: ‹I co Amon simul, mì simul hala co Tɛb-o, mì simul masaa Esipte, halaa ndɔa a simlacia ndɔa, mì simul masaa Esipte a vanaa tiindan ndu-a.

Esai 2:16

le dɛ̀ndɛ̀la mamɛnndan Tarsis kpow a le ɲɛ-ɲɛ naŋ o tofaa a lehɔl cɔlɔbaa!

Masaa kialaa n'yamaa 18:24

Mí Mika mulul nda aa: «Ɔ́ɔ̀ ɲuna niaa co ya-o? La cii piɔmaa niaa ya cɔw-va cua, mí la bii vana-solia-lasálà nuu le kɔnndan a ndu. Ɲɛ-ɲɛ celen bɛɛ i loo lɛhau le.»

Tɔŋ miingua 12:3

La bɛnda mì la puusiaa máánnda ndalan, mì la pesi powta ndala sálàlan, mì la lom sungbuma ndama soolan, mì la koombiaa piɔmaa ndaa, mì la ɲumi diola ndalan a tɔ́ɔ́ ndaa o tàndà kon nin.

Kundalan 33:4

Esiptea va poaa ndaa tasea Mɛlɛka diw-va kumbɔɔ. Kani mí Mɛlɛka tuisi halaa Esiptea dɛnɛ palaa coo.

Fulaa 12:12

Icɔl kon, i keinin o lɛŋnde Esipte len tɛɛn, mì poaa tasea a cɔlua piaandua tasea Esipte kpede a sɔla piɔ́mndo, kandɔɔ a poaa tasea vanndacieea, kɔlan tiiyaa a cɔlua piaandua tasea cɔlua kom-nda. Mɛɛ nuaa ya kialunin halaa nda co sooloo Esipte-a iyama ni. Ya co Mɛlɛka ni.

O Kandɔɔ 31:30

Mɛɛ n kɔɛnnun nihau yɛ, kani yeemɛi va nɔm taw le muungoo o fuɲa nɔm ndo, kɛ le yɛɛ n ciimbuu yɛ piɔmaa nia?»

Daniɛl 11:9

Masaa a ba luaŋ-ndo cannin, mò kɔɛ o masa co a ba too-o lo. O kon kɔɔli, o muungunin o lɛŋnde ndɔlen nin.

2Samiɛl 5:21

Mí Filistia ɲaanun, má mɛi piɔmaa ndaa lon. Mí David nda langbaa ndɔa kɔannun a nda.