Daniɛl 11:6 - BII BILA

⁶ Te vɔsilan taw la hiow pɛ, a yii kpemaa. Cua laandu masaa a ba too calnin masaa a ba luaŋ-ndo o ba o nɔ̀u nin, le diom pilɔɔ yiiyo. Kɛ kpaaya cua laandu kon tambunin. O malnunnin vannda o ba, a hɔ́ɔ́ ndɔɔ, a vanaa kɔanin a ndu-a, a vana ndɔ malaa o telen kon nin, vana-vana lonin yoomu le.

Daniɛl 11:6 Referans Kwoze

Daniɛl 11:13

Kani masaa a ba luaŋ-ndo muungunin, mò cuungiaa vɛlɛ vanaa cɔvaa celen hiovɔɔ a tasea. Vɔsila pum la hiow pɛ, o kuel ndu a vanaa cɔvaa sɛ́lɛ́a kan, a ɲɛm cɔwvon taw.

Daniɛl 11:40

O telen mɛɛlaa, masaa a ba too hinulnin ndu a kɔltuwvo, kɛ mì masaa a ba luaŋ-ndo tol ndu coo a ɲɛla ɲaanannda ndɔla cɔwla cɔlua nan-ndan, a vanaa tosa cɔwvo o soa coo-a, a dɛ̀ndɛ̀la bɛndula cɔwlan taw o mɛnndan coo. O luɛinin o lɛŋii bɔɔ-bɔɔ nin, mì vanaa ndɔa cɔwva tiw lenin pindo maa mɛmma hunaa.

Daniɛl 11:15

Masaa a ba luaŋ-ndo hunnin, mò tangul nɛiyo a powtan háá o kpakio bollen, mó del kobi nda kunga a kpakio-o coo. Vanaa cɔwva a ba too a nɔlanin ndu simullo le, kani kpaaya ndaa venin o bɔɔ le ndu simullo le.

Daniɛl 11:7

O telen kon, vana pilɛ o yungu ndɔɔ nin cuanin fonda fuɲa ndɔ-o, mò hinul masaa a ba luaŋ-ndo, mò soŋ vanaa ndɔa cɔwva, mò luɛi masaa coo o kobi nda kunga a kpakio-o nin. Mò cɔlɔba nda a yoomuan, mò nɔla nda.

Sakari 11:16

Kani tofa vɔ, ya Mɛlɛka, i yɔngunin niaa vana manda n'cɔloo o lɛŋnden nden nin, o nɔnin lehɔl saa vanin yɛɛvɔɔ dɔwnɔnndo-a coo le few. Hali saa pilɛ luusian bɛɛ, o nuwviaanin ndu le, o pilɛ yɔŋulun bɛɛ, o cɛwnin ndu le, o downin a vanin kɛndia-a balo le. Kɛ o sɔamnin visin saa celulaa mò yimi a tɔ̀a buukulan.›

Esekiɛl 30:21

«Po vanacieo sei! I yem Faraɔnnɔɔ, o co masaa Esipte-o baa. Vana-vana yíí ndu ba kon le ndu ndu cɛwvo le, vana yíí ndu ba kon a kola ipɛngɛ, haliko mo simul, mò nɔla vɛlɛ mɔɛi cɔwve hiŋndo le.

Condii lisai 10:5

Ɲɛ-ɲɛ o co tosaa, o co simndan ndu o ba, Mɛlɛka nɔla ndu iyama kiolɔɔ le. O hul pɛ fuu, yaamɔaa ndɔa cuu o lepilɔɔ.

SƐBƐ YƆB-O 38:15

Kɛ ɲɛ-tengaa vanaa kɔlvesɛiya ɲumnun, ba va helɔɔ le lɔɔ-o yom kpɔsu.