Daniɛl 11:45 - BII BILA

⁴⁵ O baŋnin cɛila-kolala-toandaala ndɔla lemasalan o mɛmma ihɛllan a o Pembii-Diandɛi co o lɛŋnde hiow naŋɔɔ len nin-nden tɛɛn. Lon mɛɛlula ndɔlan la vanin ni. O sɔlanin vana malaa le.»

Daniɛl 11:45 Referans Kwoze

2Tesalonikea 2:4

Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.

Daniɛl 8:25

O palanin vannda a kɔlkalu ndɔ vɔɔndo, mó saangiaa nda. O kuundiannin o kɔl ndɔɔ nin, o voolunin vanaa co yiyanndo maa a co o kɔlɲuloo nin-nda, mó diw nda taw-taw. O simulnin bolle simlacia, kɛ vana pilannin ndu le, mó yomiyomi, mó cuinun.

Dɛnnda cɔɔmuanndan 20:9

Má fula o lɛŋnden coo ba-ba fee, má tiila dɔ́ɔ́ngɔ́ vanaa diandaa a kobi Hala kaola taw-vo. Kɛ mí yinnden lepum le toal fulaa o halataala, mí le cii nda.

Dɛnnda cɔɔmuanndan 20:2

Mó bii tambálakáà, kɛwvo sindɛ, o co masa ɲinaa vɔɔnda-o, Setana pɛɛn, mó yii ndu le vɔsilan vàá pilɛ.

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

2Tesalonikea 2:8

O kon vana kɔlvesɛi kon cɔmnun niko, o Maalii Yeesu tɛɛmbuunin a hoeyii fulanin ndu Maalii o sondo-e-o, mò tɛɛmbuu biilu hunɔɔ ndɔɔ-o pɛɛn.

Sakari 14:8

O palɛi ken, mɛmma soonndan ma vanin fulaa Yerusalɛm. Matiŋ ma vanin kɔlan a ba mɛmma ihɛlma co a ba paalen le can-ndo-an, mì matiŋ ma va kɔlan a ba mɛmma ihɛlma co a kpengii paalen le del-lo-an. Lende ɲɔɔ vanin tosanndo vɔɔlen a sialten ni.

Misee 4:2

Vanaa-mangalaa-isɔaa bɔɔ-bɔɔ a kɔanin ndon, mà dimi aa: ‹La hun mì n helnun o pembii Mɛlɛka-e coo, o Cɛi Hala Yakɔb-o nin, haliko mo kɔ pɛɛku naa sɔɔn ndɔn, mì n kela o nɛila ndɔlan coo.› Kani Siɔn tɔŋndo fulanin ni, Yerusalɛm diom Mɛlɛka-o fulanin ni.

Yɔɛl 2:20

I co yaamɔɔ fula a ba luaŋ-ndo-o faŋa niaa ikɛi polon. A toɲa, i toawnin ndu o poli vesɛi niŋ tɔlɔɔ loo nin. I viawnin vanaa cɔvaa co ndu laci-a o mɛmma ihɛlma co a ba paalen le can-ndo-an nin, mì viow vanaa cɔvaa co ndu kɔɔli-a kpengii mɛmma ihɛllan Mediteranee. Lon nda solinin hoeyii ndɛi cun vɔɔnde ni. Lon cun nda siovɛiyo tiwnin ni kpede. Kani a tosa bɔɔ dɛnnda bɛndulan.

Daniɛl 11:41

O luɛinin o lɛŋnde hiow naŋɔɔ len nin, mò bii vanaa bɔɔ-bɔɔ, kɛ Edɔmnda, Moabua a cuavaa lebolla o cuavaa Amɔn-nda tɛɛn a hialunnin ndu.

Daniɛl 11:16

O tosanin ɲɛ hɛnannin kɔl ndɔɔ-o, vana-vana nɔlanin ndu simullo le. O calnin o lɛŋnde hiow naŋɔɔ len nin, o nɔnin kpaayaa le ɲɔɔn tɛɛmbuuo.

Daniɛl 7:26

O kon kɔɔli, vanaa kialaa n'yamaa o halataala a cuungiannin mà cal o fonda kialaa n'yamaa, mì vanabɛnduyɛi puunun ndu o ba, mì i tambu háá mì siŋnun ɲɛ fondoo le lɔ́ɔ́-lɔ́ɔ̀.

Daniɛl 2:35

O kon, mí cilinnde, puulu loamaa, daɲan, volin humbon a sianion cuinun kpow o lepilɔɔ, mí n siŋnun mɛɛ foeende va o kpele lɔaa n'mallo coo a vɔɔlen nuaa yɛ. Mí hoeiye kɔandu mun selemenden, hali foofoo lo le. Mí pow soŋ kon piɔmndo-o siŋnun pembii bɛnduei, mí i pia lɛŋnden ca.

Esekiɛl 39:2

I sasunin nɔm mì kɔɛ a nɔm. I cuanin nɔm o lɛŋnde maluaŋ-nden nin di-di mì yɛɛ nɔm o pembon Israɛl coo.

Esai 14:13

A va dimio o kɔl nɔmndo nin aa: I helnin o halataala mì kɔ kɛsi kpɛŋɛ ni lemasaa o loeon Hala-on coo. I calnin o pembii halaa celennda bɔɔŋian coo-e coo, o lɛŋnde maluaŋnden mɛɛlulan.

Esai 2:2

Ɲɔɔ yɔŋnunnin o palɛi co hunɔɔ siɔdii laci-e nin, mì pembii Cɛi-Mɛlɛka-o co coo-e sim o pembun bɛndon kpow bollen, mì i bandu háá mì i hiow pembun pɔmbɔn. O kon, vanaa-mangalaa-isɔɔa kɔanin ndon sɛ́lɛ́ bɛndoo taw.

Condii lisai 48:2

Mɛlɛka co o bɔɔ! Le ndu lisaa kpow bɛnda o kobi Hala naa nin a o pembii ndɔɛi diandɛi coo ni.

Esai 11:9

Vana tosanin dɛnɛ vɔɔn a dɛnɛ tambɛi o pembii nii diandɛi kpow coo le, kani lɛŋnden le vanin lepiaalen a Mɛlɛka sinaa mɛɛ mɛmma ihɛllan ma pia o fonda ma co coo-o nuaa yɛ.

Esai 27:13

Paale len a hɔŋnin bulu bɛndoo, o kon, vanaa va ɲawvo o lɛŋnde Asiri len nin-nda a vanaa va o ɲaanɔnndo nin o lɛŋnde Esipte len nin-nda hunnin, mà hun baŋ vulan Mɛlɛka o labɛngunin o pembii diandɛi coo, Yerusalɛm ciee.

Esai 65:25

Tun yondoo a saa téndóó a dianin o fonda pilɔɔ, yàlàá dianin billo maa naw. Kɛwvo ndu ndu, cundoo vanin ɲɛdiaa ndɔɔ ni. Dɛnɛ vɔɔndo a dɛnɛ kɔlvesɛi tosan ndɛnin o pembii diandɛi coo le». Mɛlɛka soo lende ni.

Esai 66:20

O kon kɔɔli, a muungunin a puapilɛa niaa co o lɛŋnden nin vanaa-mangalaa-isɔɔa tɛɛn-nda nanu o soa coo, o ɲɛla ɲaanannda soa nan-ndan coo, o kutukutula nɔ kuulen lecoo lan coo, o milɛɛa coo a o ɲɔɔmɛɛa coo, mà heelu nda o pembii nii diandɛi coo Yerusalɛm. Mɛlɛka soo lende ni. A hunnin a nda maa mɛɛ cuavaa Israɛlla a hun a kpeyan sálà ndaa, o bonyii diandɛi nin o Cɛi-Mɛlɛka-o nin yɛ.

Daniɛl 9:16

Maalii, mɛɛ dɛnnda nɔmnda sandaalan kpow la co yɛ, faŋa kɔltuw nɔmndo Yerusalɛm coo, kobi nɔmndo a pembii nɔmii diandɛi pɛɛn. Kani le hakila naalan a yɔŋ vɔɔn fuɲaa naa mamaa kobi nɔmndo Yerusalɛm, a yungu nɔmndo a tambu labɛɛ vanaa balu nda-a o sondo ni.

Daniɛl 9:20

«I va hiovɔɔ laci a sɔɛi o piɛile nilen nin, i va hakila nilan a hakila yungu nuu Israɛl sɔlɔlanndo, i va Mɛlɛka Hala nuu tɛɛlɔnndo le pembii ndɔɛi diandɛi,

Daniɛl 11:44

Kɛ siòònde biinin ndu a sɔɔn fulanin a ba paalen le can-ndo-on a á sɔɔn fulanin a ba luaŋ-ndo-on, mò cɛn a kɔltuwvo le kɔlan vannda taw diwvo.

Kundalan 34:5

Pɛɛngulan la kei pɛ a lon, la kɔɛ a ba pee pɔmbɔɔ Esipte le kɔlan delɔɔ o mɛmma ihɛllan coo.

Esai 10:12

Kɛ Maalii dimi aa: ‹Lɔ́ɔ́ ya ciinin baala nuu kpow tosa o pembei Siɔn coo a o kobio Yerusalɛm nin-ndo, i soaŋnin masaa Asiri le yiyan ndɔ kuundianndo a le tofa ndɔ yongaa.