Daniɛl 11:4 - BII BILA

⁴ Kɛ telen o calnin ɲɛkɛndɛi o masale ndɔlen coo-o, masale ndɔle len le tambunin mì le piɔwnun o kpengun hiɔɔlun lelɛŋndon coo. Cuavaa ndɔa imamaa loonin masalen te. Le tosan ndɛnin a kpaaya bɛndoo maa paandu le, kani le vanin le piɔvaalen vanaa celen o ba.

Daniɛl 11:4 Referans Kwoze

Daniɛl 8:22

Lee yom-ndo, a leela hiɔɔlula vil o fonda ndɔɔ lan, kon cɔm masɛi hiɔɔlui fulanin o vanaa-mangalaa-isɔaa kan tɛɛn-nde ni. Kɛ ken ndi nɔnin kpaayaa maa masale taselen te.

Daniɛl 8:8

Mí cuin toovi kon sɔla kpaayaa taw-taw. Kɛ mɛɛ o kindun a bɛmɛi véŋ-véŋ, mí lee ndɔ bɛndoo yom, mí leela kaamaalan tan hiɔɔlu la vul dɔ́ɔ́ o fonda kon, mí la sim o kpengun hiɔɔlun ceendo.

Yeremi 12:17

Kɛ vanaa kɛɛnin le ya nilan yaŋɔɔ-a, i sungunin nda o lɛŋnde ndalen coo, mì mal nda, mà vi.» Mɛlɛka dimi lende ni.

Daniɛl 7:8

Tuma ya va leela ndɔlan mɛɛndianndo-o, mí lee celen fula o lan tɛɛn, o pɔmbɔ-pɔmbɔ o va ni. Mí leelan tan yáá la suingin o leela taselan tɛɛn, mí la mel lee mɛɛlaa kon fondaa. Hɔltan la va o lee kon maa hɔlta vanaciee, ndóò nɔ vɛlɛ sondo, sondo va sɔɔn yongan dimio-o.»

Daniɛl 7:2

mó dimi aa: «Icɔllo, mí ca vundulen-nden: Mɛɛ hoeiye hɔŋ fulaa o kpengun hiɔɔlun ceendo, mí i biiŋuu mɛmma ihɛllan.

Yeremi 18:7

Lɔ́ɔ́ lepum, mì soo a lɛŋnden, te kon te a masalen lepum o kɔɔ, mì yiyan le sungɔɔ, le puusiaa a le tɛɛmbuuo.

Yeremi 12:15

O kon kɔɔli, ɲííye biinin ya vɛlɛ a nda, mì mingi nda, vana-vana o kɛ́ ndɔ coo, vana-vana o lɛŋnde ndɔ nin.

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Matie 12:25

Kɛ Yeesu ndóò sina yiyannda ndalan, mó dimul nda aa: «Lemasa oo lemasa le piɔvan pɛ, le tambu. Kobi oo kobi, te kon te cɛi oo cɛi piɔvan pɛ, ndu nɔ lɛ mayoomu le.

Daniɛl 7:6

O kon kɔɔli, mí ca vɛlɛ visi celen, velanndo a tambillo. Ndóò nɔ kumbanndan tan hiɔɔlu o kɔɔ maa yow, a bolle ndii hiɔɔlu. Mí kpaayaa yɔngun ndu le masalen tosaa.

Yeremi 45:4

Lelan diom Mɛlɛka dimul-la le nɔm-ndo co hoo ni aa: ‹I co ɲɛ ya tangul-lo komba, mì sungu ɲɛ yáà tɔl o lɛŋnden kpow nin-ndo.

Yeremi 31:40

Ból vanvílɛ́iya a ból lapullo kpede, keiyo a fondala helaalan kɔlan fulaa a bóllo Sedrɔn, kɔlan tiiyaa háá o sɔngilen o Dio-soa a ba paalen le can-ndo kpow vanin le Mɛlɛka ni. Ɲɛ-ɲɛ faŋan ndɛnin lecoo le, ɲɛ-ɲɛ sungun ndɛnin le fɛɛn a fɛɛn te.»

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Condii lisai 39:6

A yɔngu yoomu nuu buo maa tongii ba ninndo, Ɲɛ fondoo fúú bandii yoomu nuu i co nɔm o hɔl ni. Vanacieo co balɔɔ o pelun ndɔn coo, kɛ hoeiye daama yoomu ndɔɔ co ni.

Dɛnnda cɔɔmuanndan 7:1

O ken kɔɔli, mí ca mɛlɛkaa nda hiɔɔlu isisi o kpengun hiɔɔlun ceendo. Hoyun hiɔɔlun ceendo va n biyaa nda o ba, haliko hoeyii ndíì hɔŋ o lɛŋnden coo, o mɛmma ihɛllan coo a o yɔm oo yɔm coo le.

Yeremi 49:36

I solinin hoeiye o kpengun hiɔɔlon coo, fulaa a ba luaŋ-ndo a á ba too, a ba paalen le can-ndo a á ba le del-lo, mì i hinul Elam. I puusiaanin Edɔmnda mà kɔɛ ba-ba fee. Elamnda kɔanin cɔwvo ɲaanɔn o lɛŋnde kpow nin.

Esekiɛl 37:9

Mó dimul-la aa: «Tɛɛnguu diom Hala-o mà soo o hoeyii yoomuɛi lo aa ‹Nuaa Maalii, o co Mɛlɛka-o dimi ni aa: Nɔm hoeyii yoomuɛi sei, fula o kpengun hiɔɔlun ceendo mà hɔŋ vanvílɛ́iya haa coo, haliko ma muungu yoomu.›»

Sakari 2:6

Mí ɲuna ndu aa: ‹Kuɛɛ nɛ n co yɛ kɔlan?› Mó muli aa: ‹Yerusalɛm ya co kɔlan tuuvo ni, le bu ndɔɔ a bandii ndɔɛi sinaa.›

Sakari 6:5

Mí mɛlɛkanɔ kon mulul-la aa: ‹Hoiyun sala hiɔɔlun fula o halataala-on co mun ni. N co fulaa nɛɛ n va isisi Maalii lelɛŋ kpow-vo laci-a.›