Daniɛl 11:37 - BII BILA

³⁷ Masa kon nɔnin lebɛɛ le halaa fuɲaa ndɔa mamaa biilu-a le, o nɔnin vɛlɛ lebɛɛ a hala vanlaandua kaola taw-vo le. O vonin vɛlɛ hala celen te, kani o cannunnin maa ndu hiow halaa kpow ni.

Daniɛl 11:37 Referans Kwoze

2Tesalonikea 2:4

Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.

Esai 14:13

A va dimio o kɔl nɔmndo nin aa: I helnin o halataala mì kɔ kɛsi kpɛŋɛ ni lemasaa o loeon Hala-on coo. I calnin o pembii halaa celennda bɔɔŋian coo-e coo, o lɛŋnde maluaŋnden mɛɛlulan.

1Timote 4:3

Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

Esekiɛl 24:16

«Po vanacieo sei, i co (lanɔ) hɛnan nɔm hoo o tofaa-o yomɔɔ o lepilɔɔ kpɔsu, mò lo nɔm o hɔl telele. Kɛ a bɛnda ma tosa biisi ndɔɔ le, a bɛnda ma caŋ ndu le, a bɛnda ma tuisi mamɛmɛ le.

Condii kɛndɛ-kɛndɛi 7:10

Màá sondo nɔmndo va maa mɔima kɛndɛ-kɛndɛ! … Mɔima kɛndɛan ma co fulaa taw le vanapɔnɔɔ ya kaola hoo-o, ma co talaa vanaa co o lɔan-nda o n'cɔcɔ.

Tɔŋ miingua 21:11

mì vana pum niaa tɛɛn ce cuaambɔ laandu kɛndɛ-kɛndɔɔ pum, mò luɛi ndu lehɔl, mò yeema le ndu cuaa mò siŋnun laa ndɔ,

Tɔŋ miingua 5:21

La fúlà lanɔ pilaa lehɔl te, la fúlà cɛi pilaa lehɔl te, la fúlà ciɛi pílɛi, cɛ piaandu pilaa, cɛ laandu pilaa, naw pilaa, sofɛlɛ pilaa lehɔl te. La fúlà ɲɛ-ɲɛ co ɲɛ pilaa lehɔl te.›

O Kandɔɔ 3:16

Mí Mɛlɛka dimul vanalanɔɔ aa: «I tuisinin nɔm sangalan coo taw telen n vanin a folio-o. Mɛɛ ma diw lahɔl malan n vialu. Yeemɛi biinin nɔm le pɔnɔ nɔm hɛnanndo, kɛ ndu vanin nɔm bollen ni.»

O Kandɔɔ 3:5

Kɛ Hala sinà ɲɛkɛndɛi maa te la de dɔ́ɔ́ pɛ kɔmnde yɔm kon, hɔlta niaalan la kumbin, la siŋnun maa ndu Hala, la sina dɔ́ɔ́ pɛɛngulan ɲɛ kɛndɔɔ a ɲɛ vɔɔndo tɛɛn.»

Daniɛl 8:11

Mó simul bolle kunda mɛlɛkaa cɔwva, mó faŋa sálàla solin lepalaa-lepala lan. Mó nɔɔliaa cɛi-kola-toandaa diandaa.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Daniɛl 11:38

Yɔŋii o biilu halaa kan, o biilunin hala kobi nda kunga a kpakio-o, o fuɲaa ndɔa mamaa sina loo, mò yɔngu ndu sianion, volin humbon, powta báà kàlàlan a ɲɛm vɔngu bɛndon.

Esai 14:14

I helnin o yumbuyumboo coo mì siŋnun kpen-kpen a Ó-Hiow-Ɲɔɔn-Kpow-vo.

Esekiɛl 28:2

«Po vanacieo sei, dimul masa co kobio Tir bollen-ndo aa nuaa Maalii Hala dimi ni aa: ‹Kɔl nɔmndo pɛ a kuundianndo háá má dimi aa hala n co ni! A co icali o ɲɛ-calaa Hala-o coo o mɛmma ihɛllan tɛɛn. Nɔm yɛ, vanacieo n co ni, a co Hala le, kɛ má tuu maa yiyan nɔmndo a yiyan Hala-o kpen-kpen la co ni.