Daniɛl 11:35 - BII BILA

³⁵ O vanaa hiow kan kɔlkaloo-a tɛɛn, a pum malnin nɛiyo, kɛ Mɛlɛka tuisinin nda dɛnɛ palaa coo haliko ma tɔɔnun, ma dendu, mà muungu a kɛndɛ háá o telen kon mɛɛlulan, kani telen kelun-ndo tiiya vɔnin te.

Daniɛl 11:35 Referans Kwoze

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Talelan 17:3

A yinnden vana sina naŋɔɔ n'sianio a naŋɔɔ n'volio ni, kɛ kɔlta vanndacieea lan, Mɛlɛka yaasiaa ndan ni.

Nsaki 1:2

Puapilɛa nia, la cɔ̀ tɔɔndannda niaa co keiyo nin-ndan kpow maa dɛnɛ kɔlkɛndɛ bɛndu,

Daniɛl 11:40

O telen mɛɛlaa, masaa a ba too hinulnin ndu a kɔltuwvo, kɛ mì masaa a ba luaŋ-ndo tol ndu coo a ɲɛla ɲaanannda ndɔla cɔwla cɔlua nan-ndan, a vanaa tosa cɔwvo o soa coo-a, a dɛ̀ndɛ̀la bɛndula cɔwlan taw o mɛnndan coo. O luɛinin o lɛŋii bɔɔ-bɔɔ nin, mì vanaa ndɔa cɔwva tiw lenin pindo maa mɛmma hunaa.

Daniɛl 8:10

Mó bandu háá mó sulan a kunda mɛlɛkaa cɔwva o halataala, mó viaw a pum lɛŋ a loeon latulu. Mó nɛw nda a labɛngu.

Tɔŋ miingua 8:16

O lɛŋnde veselɛile len nin, mó dɔaw niaa balo a manne, o fuɲaa niaa mamaa ndáà sina sindɛ loo. O tosa kon kpow le niaa siɛmbulan tuisio a le niaa tɔɔndanndo, haliko mo tosal niaa dɛnɛ kɛndɔɔ siɔdii laci.

Dɛnnda cɔɔmuanndan 17:17

Kani Hala mal nda o kɔl le yiyan ndɔɔ tosaa, mà nɔ yiyannda pilɛlan le visi kon masale ndalen yɔngoo, háá mi sɔɔn Hala dimi-on peelun.

Dɛnnda cɔɔmuanndan 14:15

Mí mɛlɛkanɔ celen fula o Cɛi-Hala-o nin, mó yondal vana va icali o yumbuyumboo coo-o kpélén aa: «Baa vɔlɔtɔ nɔmndo mà kow, telen koavaa tiiya, kani lɛŋnden le vesa le kovɔɔ.»

Nsaŋ 20:25

O kon mí kaandeŋaa tɔ̀a dimul ndu aa: «N ce Maalii se!» Kɛ mí Tomas dimul nda aa: «Te i ci foofola n'pɔɔndɔlan ndu o laba, mì vow suei nɛɛ pɔɔndɔn n luɛi ya le, te i vow ndu baa o ilungbu le, i laalàn ndi le.»

Nsaŋ 15:2

Lɛvii-lɛvii co pɛ o ya nin, mì i kum te, o kialunin ndi. Lɛvii-lɛvii kom yɛ pɛ, o kɛɛya ndi haliko mi i cɔɔlu komɔɔ.

Matie 26:56

Kɛ hee kpede tosan, haliko mi sɔɔn vanaa-tɛɛngaa-diom Hala-an sɛvan-ndon peelun.» O kon mí kaandennda kpow mal ndu, má sɔɔndian.

Matie 16:17

O kon mí Yeesu dimul ndu aa: «Dɛnɛ kɛndɔɔ co le nɔm Simɔn po Yonas-o, kani o co vanaciee le cɔm nɔm dɛnɔɔ ho le, kɛ Fuɲa ni co o halataala-o.

Daniɛl 12:4

Nɔm Daniɛl-lɛ, mandan sɔɔn mun o kɔl kpíŋ mà kinda sɛbɔɔ, mà yikpa ndu kpiliki háá o palɛi mɛɛlɛi. Vannda taw a pɛɛkunin ndu, mì dɛnɛ nda sinaa kui taw.»

Daniɛl 11:33

Vanaa hiow kɔlkaloo nda tɛɛn-nda pɛɛkunin vannda taw. Telen pum o kon kɔɔli, a diwnin a bɔɔ-bɔɔ nda tɛɛn a mɔɔn cɔwvon, a loamnin a pum a yinnden, a malnin a pum o kaasoo ma puu nda ɲɛm ndan o laba.

Daniɛl 11:29

Te telen kelun-ndo tiiya pɛ, o cannin vɛlɛ mò kuel masaa a ba too, kɛ sɔɔn tosan ndɛnin o mɛɛlula lan maa o kandɔɔ le.

Daniɛl 11:27

Yeemɛi biinin masaa ŋiɔŋaa kan le dɛnɛ vɔɔndo tosaa, a vanin icali nɛɛ pilɛ ma dimulan còòlan, kɛ còòla lan la nɛŋinin ɲɛ-ɲɛ le, kani telen kelun-ndo tiiya vɔnin te.

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

Daniɛl 8:19

Mó dimul-la aa: ‹I co nɔm cɔm ɲɛ yɔŋnunnin o mɛɛlula kɔltuwvo-o, kani telenndo kelun le mɛɛlulan.

Daniɛl 8:17

Mó va sɔɔnguuo ya ikɛi, mí siòònde bii ya taw, mí del o kuumbuan o kɔl coo. Kɛ mó dimul-la aa: ‹Po vanacieo sei! Sina pɛngu maa vundule n ce len-nden le co tɔɔmasele palɛi mɛɛlɛi ni.›

2Dɛnnda lemasalan 32:31

Kɛ nduyɛ, telen simlacia Babilɔn a vem kiilaa le ndu ɲunaa a dɛnɛ kɔndɔfili óò tosan o lɛŋnde len nin-ndo o kɔɔ-o, mí Hala mal ndu le ndu tɔɔndanndo, haliko mo sina yiyan va Esekia o kɔl-lo kpow.

Dɛnnda kiilaa 13:13

Mí Pol a vanaa va ndu kɔɔli-a a luɛi o dɛ̀ndɔ̀ɔ́ nin Pafɔs, má muungu Pɛrkɛn o lɛŋnde Pamfilii len nin. Mí Nsaŋ mɛi nda lon, mó muungu Yerusalɛm.

Habakuk 2:3

Kani telen vundulen nden le peelunnin-ndo co nin o tuaa, o co nin kpɛɛlun le tiiyaa, o venin sɔɛi yom lɔ́ɔ́ le. Hali, ɲɔɔ viow bɛɛ mɛ̀ɛ́-mɛ̀ɛ́, nɔm calnun ka sii, ma cum. Kani fɔ mì sɔɛi ken hun peelun kangalan.

Esai 27:9

Nuaa cuavaa Yakɔb-a sɔlanin baŋaa a tɛɛmbuu ndaa ni, tofa vɔ kɔmnde fulanin o haki nda malnin nda-o nin-nden, Mɛlɛka siinguunin powta nda cɔw máánnda soolaalan-ndan, maa powta humbula cuinun mì la cacun maa cundu lan, yɔmii soolɛi a piɔmaa nɔ tuulaa maa lepala-a la muungu lɛnin isisi lɔ́ɔ́-lɔ́ɔ̀ le.

Daniɛl 12:3

Vanaa hiow kɔlkaloo-a tenganin a naŋɔɔ mɛɛ halataalaa tenga nuaa yɛ. Vanaa cɔm vannda nɛi dɛnɛ sandaa ma pɛɛku nda ndu-a diandunin le fɛɛn a fɛɛn maa loeon o halataala.