Daniɛl 11:34 - BII BILA

³⁴ Telen nda vanin kon o sanga imɔnɔɔ nin-ndo, a sɔlanin malaa ɲɛ-pɔmbɔ kínɛí. Kani vannda taw a sɔɔnguunin nda ikɛi a kɔlta muuluanndan.

Daniɛl 11:34 Referans Kwoze

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Dɛnnda cɔɔmuanndan 12:13

Tambálaká kon cɔu maa a viow ndu o lɛŋnden coo, mó can vanalanɔ velu kon hɔ́ɔ́ piaandoo-o kiltan kɔɔli.

Dɛnnda cɔɔmuanndan 2:20

Kɛ sɔɛi ya hini kɔl a nɔm tei co hee ni: a co Yesabɛl, cua co veelɔnndo aa vana-tɛɛngaa-diom Hala-o-o malɔɔ vannda pɛɛkoo, mò va vanaa nia baalaa faŋaa o nɛi, haliko ma luɛi laasianndo, mà luɛi vɛlɛ visin nda solul piɔmnda sálàá-on dioo.

Yude 1:4

Kani vanaa vɔɔnda pum a sɔɔŋa niaa tɛɛn, a co dɛnɛ kɛndɛi Hala-e yɛlɛmaa le kela nda laasi-laasio cɛwcɛwvo, nduyɛ Maalii Yeesu Krista, Vana Bɛndu co Maalii-yo nda co kɛɔ lende nuaa ni. Kɛ nduyɛ, kabi sindɛ, Sɛbɛ Hala-o cii nin vanaa vaa lende yaala.

2Nsaŋ 1:7

Vanaa luei vannda o pɔwlan nin-nda kui o ceendo coo taw, a kɛɛ le sɔlɔlanndo maa o falon nin Yeesu Krista hin lekɛ́ndɛi ni. Nduyɛ vanaa vaa lende a co vannda malɔɔ o pɔwlan nin ni, yaamɔa-Krista-a nda co ni.

1Nsaŋ 4:5

Ceendo nɔ vanaa kan ni. Lelan nda soaa maa vanaa ceen ni, mì ceendo yaŋ nda nilan.

Tite 1:11

Mɛɛ mì la kinda nda sondolan, kani a co yungulan kpede pesipesio a pɛɛkula bɛnda le lan le ɲɛm lakafan sɔlaa.

2Timote 4:3

Kani telen pum co hunɔɔ tiiya, kaannde kpeekpeile Mɛlɛka len le hɛnannin vannda le, kɛ nda pila vanin yeemɛi le ɲɛ hɛnannin nda-o tueyɔɔ o pɛɛkoo.

Kalatea 2:4

Kɛ a kon kpede, vanaa pum a va naa tɛɛn o kunda vanaa laalannda nin, ndáà yeema le ndu toomaa diyɔɔ. Nduyɛ, fɛɛlɔɔ kínɛí vanáà luɛi naa kan tɛɛn-nda a va toofia kon ni, le sinaa mɛɛ naa n co hɔ́ɔ́yɛi naa n sɔla o Yeesu Krista nin-nde vilio yɛ, o kon mì ndáà mingi naa o cɛle tɔŋndo bɛngu.

Daniɛl 11:21

Vana vannda luei yii loo siŋnunnin masaa o fonda ndɔɔ, a yɔngunin ndu bɛɛle lemasalen te. O telen kɔlɲuloo vanin-ndo o hun cuanin masalen a kɔlkalu vɔɔndo ni.

Daniɛl 11:32

O lueinin vanaa kɛɛ kpemaa-a o pɔwlan nin a candula ikpaavalan. Kɛ yungu vanaa sina Hala ndaa-a nda simnin yili o dɛnnda ndalan nin ma lo lecoo.