Daniɛl 11:30 - BII BILA

³⁰ Vannda cannin Kitim mà hinul ndu, mà hun simul ndu. O kon, o vunin n'dial, mò muungu. O mulinnin mò kuel kpema diandaa a kɔltuwvo. O va pɛ muungoo, o nuwviaa vanaa malnin kpema diandaa-a le bɛndaa a nda.

Daniɛl 11:30 Referans Kwoze

O Kandɔɔ 10:4

Poaa Yavan-nda yɔŋnun haa ni: Elisia, Tarsis, Kitim a Dodanim.

Kundalan 24:24

Dɛ̀ndɛ̀la bɛndula mamɛnndan la cɛn Kitim mí la hun. Vanaa hin a lan-nda delnin yungu Asur-o coo, a biinin cuavaa-imamaa Hebɛr-a, kani cuavaa-imamaa Hebɛr-a kan bɛɛ, tambei co nda laci.»

Daniɛl 11:28

Masaa a ba luaŋ-ndo muungunin o lɛŋnde ndɔlen nin a bolofaa taw. Kɛ o nɔnin nɛyɔnndo a kpema diandaa, mò yiyan le ndu tɛɛmbuuo. O kon, o muungunin o lɛŋnde ndɔlen nin.

Yeremi 2:10

La kɔ Kitim, lɛŋii co o mɛnndan tɛɛn-nde pɛɛn, mì la vem vannda mà kɔ fɛfɛla kobio Kedar, mà kɔ mɛɛndian ɲɛkɛndɛi, mì la sina te dɛnɛ súú vaa nuaa tosan nin!

Esai 23:12

O dimi aa: «Niaa Sidɔnnda, kɔlkɛndɔɔ cuu le niaa, la co macoaa maa cuaambɔ laandu nda kpuva-o! Lelan la cɔn, la taŋ mi la kɔɛ o lɛŋnde Kitim-nden nin! Hali lon bɛɛ, pɛngi ve lɛnin le niaa le.

Esai 23:1

Sɔɛi dimin o kobio Tir coo-e co hee ni aa: «Niaa vanaa co kelaa yulalen o mɛnndan coo Tarsis-a, la somisomin! Kani fonda niáá tiindan-ndo piɔl vɔ́-vɔ́! Hali cɛiyo ndu pilɛ, o lo lɛ lon te! Tuma nda va cɔnɔnndo o lɛŋnde Kitim-nden nin le muungoo-o nda saalun fonda niaa kon ni.

Dɛnnda cɔɔmuanndan 12:12

Lelan, la dɔwnun ɲaale, nɔm halataalaa a niaa vanaa co lon-nda! Dɛnɛ palaa co le lɛŋnden a le mɛmma ihɛllan! Kani masa ɲinaa vɔɔnda tol o niaa lo a yolɛi, o sínà nin maa telen ndɔɔ co lɛ o bɔɔ le.»

Matie 24:10

Ken tosanin mì vanaa bɔɔ-bɔɔ a del, mà huinan, mà nɛɛnɛan vellaa-velle.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Esekiɛl 27:6

má toosial nɔm bombola pɔmbɔlan a yálánnde Basan. Má toosial nɔm fonda fɛkɛiyo o dɛ̀ndɛ̀ bɛndu mamɛnndo coo a ciŋun kamaa, n nda fula o lɛŋnde Asiri len nin-ndon, la nda cua o lɛŋii co o mɛnndan tɛɛn Kitim-ndan.

Nehemi 6:12

Mí sina maa o ve Hala le ndóò vem ndu le. Kɛ Sanballa nda Tobiya ndáà luɛi ndu nin a volion ni le ya diom lacòò kon dimullo.

1Dɛnnda lemasalan 1:7

Poaa Yavan-nda yɔŋnun haa ni: Elisia, Tarsisa, Kitim a Rodanim.

Daniɛl 11:29

Te telen kelun-ndo tiiya pɛ, o cannin vɛlɛ mò kuel masaa a ba too, kɛ sɔɔn tosan ndɛnin o mɛɛlula lan maa o kandɔɔ le.