Daniɛl 11:2 - BII BILA

² Nihau, i co nɔm toɲaa cɔm: Tofa vɔ! Masaa nda yáá cannin vɛlɛ mà tosa masalen o lɛŋnde Pɛrse len coo. O hiɔɔlundɔɔ sɔlanin bolofaa mò hiow a yáá-aa kan kpow. Lɔ́ɔ́ o sɔlanin yoomuan taw a bolofaa ndɔɔ-o, o nuwviaanin nɛilan le masaa Yavan cɔlɔbaa.

Daniɛl 11:2 Referans Kwoze

Dɛnnda cɔɔmuanndan 21:5

O kon mí vana va icali o kpɛŋɛ lemasaa coo-o dimi aa: «I co ɲɔɔn kpow mingi n'sɛnɛi.» O kon mó dimi aa: «Sɛva sɔɔn mun, kani sɔɔn vana bɛnda le laalanndo-on a sɔɔn toɲan n co ni.»

Daniɛl 8:26

Vundule n ce o telenndan, icɔl a idii, coo len, toɲaa le co ni. Kɛ nɔm, vion vundule len kpíŋ o kɔl nɔmndo nin, dimul vana-vana le. Kani telen ndɔɔ bandu vɔ taw.›

Nsaŋ 10:35

Tɔŋndo veelu vanaa sɔɛi Hala-e dimulun-nda aa halaa. Nduyɛ, o Sɛvan-ndo ndu nɔla faŋan te.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Daniɛl 11:25

O tiindannin yoomuma ndɔan, mò kuel masaa a ba too a vanaa cɔwva taw. Masa kon bɛɛ bɛɛndiannin a vanaa cɔvaa kpaayaa taw le ndu cɔlɔbaa, kɛ o nɔlanin ndu simullo le, kani o miingulnin ndu yaŋɔɔlan.

Daniɛl 8:4

Mí ca saa kóndóó, o va kundɔɔ a ba paalen le del-lo, a ba too a á ba luaŋ-ndo a leela ndɔlan. Visi oo visi óò nɔla ndu simullo le. Vana-vana óò nɔla ɲɛ-ɲɛ hiɔlɔɔ ndu o ba le, ɲɛ hɛnan ndu-o o va tosaa ni. Mó sɔla kpaayaa taw.

Daniɛl 7:5

Visi diinndɔ ya ce-o, ndóò velan a kɔ́lɔ́vúloo. O va maa ɲɛ kandu le cɔnɔn isisi. Kpɛndɔn va ndu o sondo mún yáá, n va o ciŋun ndɔn tɛɛn. Má dimul ndu aa: ‹Cɔn ma de vision taw!›

Talelan 22:21

haliko ma sina sɔɔn toɲan a sɔɔn kpeekpeiyon. O kon vanndo vem nɔm pɛ a caa ndu mulul a sɔɔn toɲan.

Daniɛl 10:1

O vɔsi yàándɔɔ nin o masale Siris, masaa Pɛrse len bɛngu, mí sɔɛi pum dimulun Daniɛl, o nda ke diolan aa Bɛlsasar-o. Sɔɛi ken va sɔɛi toɲɛi a sɔɛi cɔw bɛnduei ni. Mí Daniɛl bii sɔɛi kalɛi bila. Mó sina ndi pɛɛngu o vundulen nin.

Daniɛl 8:21

Cuin toovi yiiŋii bɛndoo, ndu co tɔɔmasele masaa Yavan ni. Lee bɛndu co ndu o hɔltan tɛɛn-ndo, masa tasoo co kon ni.

Ɛsdras 4:7

O masale Artasɛrsɛs len bɛngu bɛɛ, mí Bislam, Mitredat, Tabeɛl a caaŋaa ndaa tɔ̀a sɛval Sɛrsɛs masa Pɛrsea sɛbɔɔ. O aramei nin a o sɛva Aramiia nin ndáà sɛva ndu ni.

Ɛsdras 4:24

Kandɔɔ ɲinkon, baala tangulaa Cɛi-Hala kon tosan ndɛ le, mó lo lende háá o vɔsi diinndɔɔ nin o masale Darius masa Pɛrsea len bɛngu.

Ɛstɛr 1:1

O telen Sɛrsɛs-o dɛnndan ndan la yɔŋnun ni. Sɛrsɛs kon pɛɛn, ò masale ndɔlen le va kandɔɔ o lɛŋnde Ɛnde len, kɔlan tiiyaa háá Kus-o. Faw-faw, tàndàlan kɛmɛ a bidiin a laŋɔmmɛw la va o masale ndɔlen nin ni.