Daniɛl 11:16 - BII BILA

¹⁶ O tosanin ɲɛ hɛnannin kɔl ndɔɔ-o, vana-vana nɔlanin ndu simullo le. O calnin o lɛŋnde hiow naŋɔɔ len nin, o nɔnin kpaayaa le ɲɔɔn tɛɛmbuuo.

Daniɛl 11:16 Referans Kwoze

Daniɛl 8:9

Mí lee pɔmbɔɔ vul o leela lan o pilɛ, mó sɔla kpaayaa a ba too, a ba paalen le can-ndo a á ba lɛŋnde hiow naŋɔɔ len.

Daniɛl 11:41

O luɛinin o lɛŋnde hiow naŋɔɔ len nin, mò bii vanaa bɔɔ-bɔɔ, kɛ Edɔmnda, Moabua a cuavaa lebolla o cuavaa Amɔn-nda tɛɛn a hialunnin ndu.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

Daniɛl 11:3

Kɛ masa dialun kalaa pum sulnin o lɛŋnde Yavan-nden coo, mò tosa masalen a kpaaya bɛndoo taw. O tosanin ɲɛ hɛnannin kɔl ndɔɔ-o.

Daniɛl 8:7

Mí ca ndu saa kóndóó hinullo a kɔltuwvo. Mó kundu ndu kpoku! Mó yimi ndu leela tiɔnndan. Hali ɲɛ-pɔmbɔ saa kóndóó nɔla ndu simullo le. Mó yɔl ndu lɛŋ, mó nɛw ndu a labɛngu. Vana-vana nɔla ndu saa kóndóó puu o ba le.

Daniɛl 8:4

Mí ca saa kóndóó, o va kundɔɔ a ba paalen le del-lo, a ba too a á ba luaŋ-ndo a leela ndɔlan. Visi oo visi óò nɔla ndu simullo le. Vana-vana óò nɔla ɲɛ-ɲɛ hiɔlɔɔ ndu o ba le, ɲɛ hɛnan ndu-o o va tosaa ni. Mó sɔla kpaayaa taw.

Daniɛl 11:45

O baŋnin cɛila-kolala-toandaala ndɔla lemasalan o mɛmma ihɛllan a o Pembii-Diandɛi co o lɛŋnde hiow naŋɔɔ len nin-nden tɛɛn. Lon mɛɛlula ndɔlan la vanin ni. O sɔlanin vana malaa le.»

Yeremi 3:19

«Mí ya pila va dimio maa i yeema mi siinguu niaa po tasoo cuavaa niaa coo, mì ke niaa lɛŋnde kɛndɛ-kɛndɛlen, lɛŋnde hiow naŋɔɔ o lɛŋii tɔ̀ɛi tɛɛn-nden. I va yiyanndo maa la veelunin ya aa: ‹Fuɲa naa›, maa la mulul-lɛnin ya kɔɔ le few.

Esai 8:8

Ma luɛinin o tàndá Yuda-o nin, ma hunnin taw-taw mì ma sɛŋin nɛɛ-nɛɛ ka. Ma helnin mì ma bii nda háá o bololan, tindima ndɔma vanin fasaŋanndo-an ma kumbunin lɛŋnde nɔmnden kpow, nɔm Emmanuɛl!»

Yosue 1:5

O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.

Daniɛl 5:19

Le bɔɔbɔɔyɛi Hala ndóò yɔngu ndu ken-nde, vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda kpow ndáà nɔ siòònde a ndu ni. Vana ndóò yeema pɛ le diyɔɔ, ndóò dii ndu, vana ndóò yeema pɛ le mɛiyo yoomu, ndóò mɛi kon yoomu. Vana ndóò yeema pɛ le heeloo, ndóò heelu ndu. Vana ndóò yeema pɛ le tuisio, ndóò tuisi ndu.