Daniɛl 11:15 - BII BILA

¹⁵ Masaa a ba luaŋ-ndo hunnin, mò tangul nɛiyo a powtan háá o kpakio bollen, mó del kobi nda kunga a kpakio-o coo. Vanaa cɔwva a ba too a nɔlanin ndu simullo le, kani kpaaya ndaa venin o bɔɔ le ndu simullo le.

Daniɛl 11:15 Referans Kwoze

Esekiɛl 17:17

Masaa Esipte nɔ bɛɛ vanaa cɔvaa mayoomua taw a vanaa cɔwva sɛ́lɛ́ bɛndu-bɛndoo nuaa, o nɔlanin ndu mala o paale cɔwlen coo, lɔ́ɔ́ vannda hun tiilanin ndu, má tangul fondala cɔwlan, mà yaŋ yaŋɔɔla cɔwlan le vannda taw-taw diwvo-o len coo le.

Yeremi 6:6

Kani o Mɛlɛka-Nɔ-Kpaayaa-Kpow-vo dimi-o co hoo ni aa: «La kioŋ yɔmnde le keiyo lecoo, mì n kei o kpakio coo, mì n kuel Yerusalɛm.» Kani kobi bɛnda le tambei-yo o co ni, delɔɔ coo daama co lon ni.

Esekiɛl 4:2

O kon kɔɔli, a handu fondaa ndu o hɔl-ndɔ le ndu tiilaa. Mà tow soonndan, mà handu kpengbalan le helɔɔ o kpakio le ndu cɔlɔbaa, mà toosiaa piŋndan ndu balɔɔ sɔ́, mà handu dɔ́ɔ́ngɔ́la cɔwlan ndu o hɔl-ndɔ, mà tuula ciliŋii balamaniei, mà simi ndi o kobi kalaa balɔɔ pindo le ndu cɔlɔbaa.

Daniɛl 11:6

Te vɔsilan taw la hiow pɛ, a yii kpemaa. Cua laandu masaa a ba too calnin masaa a ba luaŋ-ndo o ba o nɔ̀u nin, le diom pilɔɔ yiiyo. Kɛ kpaaya cua laandu kon tambunin. O malnunnin vannda o ba, a hɔ́ɔ́ ndɔɔ, a vanaa kɔanin a ndu-a, a vana ndɔ malaa o telen kon nin, vana-vana lonin yoomu le.

Daniɛl 8:7

Mí ca ndu saa kóndóó hinullo a kɔltuwvo. Mó kundu ndu kpoku! Mó yimi ndu leela tiɔnndan. Hali ɲɛ-pɔmbɔ saa kóndóó nɔla ndu simullo le. Mó yɔl ndu lɛŋ, mó nɛw ndu a labɛngu. Vana-vana nɔla ndu saa kóndóó puu o ba le.

Yeremi 52:4

Vɔsi Sedekia suili vɔsilan laŋɔmahiɔɔlu o masalen-ndo, paangii tɔ́ndɔɛi va malɔ tɔ́, mì Nebukanɛsar cua vanaa ndɔa cɔwva kpow, mó hinul Yerusalɛm. Mí vanaa ndɔa cɔwva kila dɔ́ɔ́ngɔ́ ndaa Yerusalɛm ciee-lekɔɔ, má tiila kobio, má yaŋ yaŋɔɔ cɔwvo o kobi kalaa balɔɔ sɔ́.

Yeremi 33:4

Kani diom Mɛlɛka, Hala Israɛlla dimi le cɛila kobio ho a cɛila masaa Yuda, la nda co hunɔɔ pesi mà koombiaa a mɔɛi cɔwve lan-ndo co hoo ni aa:

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Yosue 1:5

O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.

Daniɛl 11:14

O telen kon, vannda taw a cannin le masaa a ba too cɔlɔbaa. Hali langbaa hɔlta vesɛiya o yungu nɔm Daniɛl-lo nin, a simulnin ndu a cɔwvo, haliko mi dɛnɛ cɔmnun o vundulen nin-ndo peelun, kɛ a nɔlanin ndu le.