Daniɛl 11:12 - BII BILA

¹² O puusiaanin nda, mò kuundian taw le vanaa sɛ́lɛ́a o tɛɛmbuunin kan-nda, kɛ o lonin o nɔla kon coo le.

Daniɛl 11:12 Referans Kwoze

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

1Timote 3:6

O va vana laalan sɛnɛi-yo le, yɔŋii yongaa piɔ ndu nin, mò sɔla yaalaa maa mɛɛ ɲina vɔɔndo sɔla yaalaa yɛ.

Daniɛl 8:25

O palanin vannda a kɔlkalu ndɔ vɔɔndo, mó saangiaa nda. O kuundiannin o kɔl ndɔɔ nin, o voolunin vanaa co yiyanndo maa a co o kɔlɲuloo nin-nda, mó diw nda taw-taw. O simulnin bolle simlacia, kɛ vana pilannin ndu le, mó yomiyomi, mó cuinun.

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Esekiɛl 28:17

Le naŋɔɔ nɔmndo kɔl nɔmndo pɛ a kuundianndo ni, má laasiaa kɔlkalu nɔmndo le iŋɛlɛngi-ŋɛlɛngii nɔmnde. Lelan, mí viaw nɔm fakolo o lɛŋnden coo, mí siɛmbulan la bii nɔm masaa o hɔl kpendekele.

Esekiɛl 28:5

A vangala bolofaa nɔmndo o yulale n caa taw len nin, le bolofaa nɔm kon, mí kɔl nɔmndo pia a yongaa.

Esekiɛl 28:2

«Po vanacieo sei, dimul masa co kobio Tir bollen-ndo aa nuaa Maalii Hala dimi ni aa: ‹Kɔl nɔmndo pɛ a kuundianndo háá má dimi aa hala n co ni! A co icali o ɲɛ-calaa Hala-o coo o mɛmma ihɛllan tɛɛn. Nɔm yɛ, vanacieo n co ni, a co Hala le, kɛ má tuu maa yiyan nɔmndo a yiyan Hala-o kpen-kpen la co ni.

Talelan 16:18

Kuundianndo hun a dɛnɛ palaa ni, yongaa cuu vana tambei ni.

2Dɛnnda lemasalan 32:25

Kɛ Esekia yɔŋnun vana sinaa ikɛndɛ le dɛnɛ kɛndɛ ndóò sɔla Mɛlɛka o ba-o le, kani mí kɔl yongaa luɛi ndu nin. O kon mí kɔltuw Mɛlɛka-o toal ndu pila coo, Yudaa coo a Yerusalɛmnda coo.

2Dɛnnda lemasalan 26:16

Kɛ mɛɛ Osias sɔla kon kpaayaa lende, mí yongaa luɛi ndu o kɔl, mó mulul Mɛlɛka Hala ndɔɔ kɔɔ. Paale pilɛ, mó luɛi o Cɛi-Mɛlɛka-o nin le sálàla cuɛima cun kɛndɛlan lomɔɔ o fonda-loamaa-lasálàá coo.

2Dɛnnda lemasalan 25:19

Le tùú n nɔla Edɔmnda-o n heelu hɔlla nuaa ni nɛ? Cal o nɔm ndo ma kuundian mɛɛ n yeema yɛ. Le yɛɛ n yeema yɛ le dɛnɛ palaa tuisio nɔm pila a vanaa cɔwva Yuda coo?»

2Masaa 14:10

Le tùú n nɔla Edɔmnda-o n heelu hɔlla nuaa ni nɛ? Cal o nɔm ndo ma kuundian mɛɛ n yeema yɛ. Le yɛɛ n yeema yɛ le dɛnɛ palaa tuisio nɔm pila a vanaa cɔwva Yuda coo?»

Tɔŋ miingua 8:14

fɔ mì la mandan, yɔŋii niaa luɛi yongaa mì la pɔɛɛnun Mɛlɛka Hala niaa. Nduyɛ, Hala kon soli niaa Esipte nɛɛ niaa va o cɛlen nin-nda ni.

Daniɛl 11:11

Masaa a ba too tuulunin kɔl a masaa o ba luaŋ-ndo, mò kuel ndu a cɔwvo. Masaa a ba luaŋ-ndo cuungiaanin vanaa cɔwva taw. Kɛ masaa a ba too soaŋnin nda, mò nɔla nda.

Daniɛl 11:13

Kani masaa a ba luaŋ-ndo muungunin, mò cuungiaa vɛlɛ vanaa cɔvaa celen hiovɔɔ a tasea. Vɔsila pum la hiow pɛ, o kuel ndu a vanaa cɔvaa sɛ́lɛ́a kan, a ɲɛm cɔwvon taw.