Daniɛl 10:6 - BII BILA

⁶ Kɔɔle ndɔlen le va maa pow krisolite, hɔlaa ndɔa va maa piɔɔ-volia, hɔlta ndɔlan maa yinnde biyaa. Congúla ndɔlan a pelun ndɔn va n'diandaa maa daɲan kpɔlɔkaa, diom ndɔɔ maa diom sɛ́lɛ́ bɛndu.

Daniɛl 10:6 Referans Kwoze

Dɛnnda cɔɔmuanndan 19:12

Hɔlta ndɔlan la va sandei maa leyin, mɔsilta lemasalan taw la va ndu o lebol. Ndóò nɔ diolan lapum lasɛvaa, vana-vana ndóò sina lan te, mɛɛ ndu pila.

Matie 17:2

Mó mangalan nda o hɔl, mí hɔlla muungu ndu volio maa lepala, mí volɔɔla va ndu lekɔɔ lan la muungu lahumbu maa ɲɛ-tengaa.

Esekiɛl 10:9

Mɛɛ ya tofa, mí ca bɛngula tiilanndan tan hiɔɔlu mɛlɛkaa kanda ɲɛm Hala-on-nda ikɛi. Mɛlɛkanɔ oo mɛlɛkanɔ bɛngu tiilanndo o pilɛ va ndu ikɛi ni. Bɛngula tiilannda lan la va iŋɛlɛngi-ŋɛlɛngiei maa pow krisolite.

Esekiɛl 1:24

Te ndáà va pɛ kɔlan, yáà tuei kumbannda ndalan diom maa mɛɛ mɛmma bɛndu-bɛnduan ma và kuŋndo nuaa yɛ, maa mɛɛ diom Vana-Kpaayaa-Kpow co yɛ. Vanáà tuɛi ko ɲɔɔ sɔɛi ivɔkɔ-vɔkɔɛi aa bɔɔluu vanaa cɔwva ni. Te ndáà sim pɛ, ndáà liima kumbannda ndalan.

Esekiɛl 1:16

Hɔlaa bɛngula ɲɛ ɲaanannda lan a mɛɛ la toosian yɛ, vanáà ca ko lan deŋio aa a pow krisolite ndáà toosiaa lan ni. Mɛɛ láà va yɛ a mɛɛ láà toosian yɛ, tan hiɔɔlu kpede láà velan taw. Vanáà ca ko aa bɛngu ɲɛ ɲaanan oo bɛngu ɲɛ ɲaanan va o luɛyaa o bɛngu ɲɛ ɲaananndo pilɔɔ nin.

Esekiɛl 1:14

Ɲaa yoomaa kan va kɔlan a hunɔɔ a kiltan maa mɛɛ taŋnden le keleŋa nuaa yɛ.

Dɛnnda cɔɔmuanndan 21:20

o ŋuɛɛnundɔɔ a sardonis, o ŋɔmpumndɔɔ a sarduan, o ŋɔmmɛwdɔɔ a krisolite, o ŋɔmaandɔɔ a beril, o ŋɔmahiɔɔlundɔɔ a topase, o tɔ́ndɔɔ a krisoprase, o tɔ́ a ò pilɛndɔɔ a iyasɛnt, o tɔ́ a o diinndɔɔ a dametiste.

Dɛnnda cɔɔmuanndan 10:1

Mí ca mɛlɛkanɔ celen tolɔɔ fulaa o halataala, ndóò nɔ kpaayaa. Yumbuyumboo va ndu o balaa sɔ́. Ninginangaa ndóò kilan ndu yɛwve o lebol pindo, hɔlla va ndu maa lepala, mí pelun ndɔn va maa sungbuma leyin.

Luke 9:29

O lo Hala piɛiyo, mí hɔlaa ndɔa mangalan, mí volɔɔla ndɔlan la muungu lahumbu few-few.

Esekiɛl 1:7

Pelun ndan va n'sandaa sanaa-sanaa, bɛngula ndala kɔltan la va maa buukula naw téndé, la va volio ŋɛlɛngi-ŋɛlɛngi maa daɲɛi kpɔlɔkaa.

Fulaa 28:20

O polale hiɔɔlundɔlen coo, ma hol krisolite, onikse a yaspe. Mì powta lan la va laholiaa o ɲɛla nda cɔw a sianion-ndan coo.

Matie 28:3

Vanáà ce ndu pɛ aa piɔɔ-volia ni, volɔɔla va ndu lekɔɔ lan la va lahumbu few-few.

Dɛnnda cɔɔmuanndan 2:18

«Sɛval mɛlɛkanɔ vanaa laalannda Tiatir aa: ‹Ɲɛ Po Hala-o, o nɔ hɔltan maa yinnde biyaa, mì pelon va ndu volio maa n'daɲa-o dimi-o co hoo ni aa:

Condii kɛndɛ-kɛndɛi 5:14

Vana ca ko bala ndɔlan aa kelan n'sianin nda muulian toosiaa a pow krisolite-o-on ni. Vana ca ko dialun ndɔn aa ciŋun kamaa nda kpɔlɔka ni má holi pow safir lecoo.

Esekiɛl 40:3

Mɛɛ o kɔɛ a ya a ba too lon, mí ca langbanɔɔ pum lon, hɔlla va ndu maa idaɲa, kɛi kola keesoo pilɛ a tindaa o pilɛ va ndu o ba le tuuvo, o va isisi o dio kobi kon ikɛi.

Esekiɛl 8:2

Mɛɛ ya tofa, mí ca ɲɔɔ pum maa vanaciee, kandɔɔ o fonda va maa caŋaa ɲɛ kon-ndo, kɔlan tiiya háá lebɛngu, ɲɔɔ va biyɔɔ sɔngɔɲɔn maa leyin. Kandɔɔ vɛlɛ a fonda va maa caŋaa ndɔa-o háá lecoo, ɲɔɔ va diondɔɔ maa ciliŋii siaŋa.