Daniɛl 10:14 - BII BILA

¹⁴ I hin nihau le nɔm ɲɛ hun yɔŋnunin yungu nɔmndo o siɔdii lacio nin-ndo dimullo, kani vundulen le co vɛlɛ le telen kon.›

Daniɛl 10:14 Referans Kwoze

Daniɛl 8:26

Vundule n ce o telenndan, icɔl a idii, coo len, toɲaa le co ni. Kɛ nɔm, vion vundule len kpíŋ o kɔl nɔmndo nin, dimul vana-vana le. Kani telen ndɔɔ bandu vɔ taw.›

Daniɛl 2:28

Kɛ Hala pilɛ co o halataala, o cɔɔmuu sɔɔn kɔndɔfillon-ndo. Ndu cɔmnin nɔm masaa Nebukanɛsar ɲɛ yɔŋnunnin siɔdii laci-o ni. Lɔma n sɔl-lan a vunduma n ce o kpele nɔmndo coo-an ma yɔŋnun man ni:

Habakuk 2:3

Kani telen vundulen nden le peelunnin-ndo co nin o tuaa, o co nin kpɛɛlun le tiiyaa, o venin sɔɛi yom lɔ́ɔ́ le. Hali, ɲɔɔ viow bɛɛ mɛ̀ɛ́-mɛ̀ɛ́, nɔm calnun ka sii, ma cum. Kani fɔ mì sɔɛi ken hun peelun kangalan.

Daniɛl 12:9

Mó mulul-la aa: ‹Daniɛl, kɔ! Sɔɔn mun n lonin n'viannanndon háá o telen mɛɛlaa.

Daniɛl 12:4

Nɔm Daniɛl-lɛ, mandan sɔɔn mun o kɔl kpíŋ mà kinda sɛbɔɔ, mà yikpa ndu kpiliki háá o palɛi mɛɛlɛi. Vannda taw a pɛɛkunin ndu, mì dɛnɛ nda sinaa kui taw.»

Misee 4:1

«Palɛi pum co hunɔɔ tiiya, mì pembii Cɛi-Mɛlɛka-o co coo-e i hiow pembun bɛndon bandei, mì i hiow pembun pɔmbɔn kpow helɔɔ. Lon vannda súúlan kpow a vanin kɔlan ifili-filiei ni.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Esai 2:2

Ɲɔɔ yɔŋnunnin o palɛi co hunɔɔ siɔdii laci-e nin, mì pembii Cɛi-Mɛlɛka-o co coo-e sim o pembun bɛndon kpow bollen, mì i bandu háá mì i hiow pembun pɔmbɔn. O kon, vanaa-mangalaa-isɔɔa kɔanin ndon sɛ́lɛ́ bɛndoo taw.

Tɔŋ miingua 4:30

Te sangala lan kpow la kei pɛ niaa coo mì la ŋɔɔcian, o kon kɔɔli la muungu o Mɛlɛka Hala niaa lo, la bii diom ndɔɔ.

O Kandɔɔ 49:1

Mí Yakɔb veelu poaa ndɔa, mó dimul nda aa: «La cuungian nɛɛ pilɛ mì cɔm niaa ɲɛ yɔŋnunnin niaa siɔdii laci-o.

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.

2Timote 3:1

Sínà maa o palɛi mɛɛlɛi, sangala vɔɔn-vɔɔnndan la vanin.

Daniɛl 10:1

O vɔsi yàándɔɔ nin o masale Siris, masaa Pɛrse len bɛngu, mí sɔɛi pum dimulun Daniɛl, o nda ke diolan aa Bɛlsasar-o. Sɔɛi ken va sɔɛi toɲɛi a sɔɛi cɔw bɛnduei ni. Mí Daniɛl bii sɔɛi kalɛi bila. Mó sina ndi pɛɛngu o vundulen nin.

Daniɛl 9:22

Mó hun dimul-la aa: ‹Daniɛl! I hin le nɔm kɔlkaloo a sinapɛngoo yɔngoo ma bii bila.

Tɔŋ miingua 31:21

Te sangalan a dɛnnda palaalan taw la tol niko nda coo pɛ, condei he vanin seilen le nda ni. Kani cuavaa ndaa imamaa pɔɛɛnunnin ndi le, a pɛnginin ndi solio le. Bau i cii nihau ɲɛ co vannda ha o kɔllo sina, i luei-yɔ nda bɛɛ fɔlɔn o lɛŋnde ya yiilu nda kpemaa mí mɛnan-nden nin te, mí sina yiyannda ndalan.»

Tɔŋ miingua 31:29

Kani i sina maa te i vi pɛ, la co koma laasian, mì la faŋan o nɛi ya cɔm niaa-o coo. La tɛɛmbuunin Mɛlɛka kɔllo siɔdii laci a dɛnnda niaala vɔɔnnda niaa vanin tosaa lan, mì dɛnɛ palaa tol niaa coo taw-taw.»

Esekiɛl 12:27

«Po vanacieo sei, tuei-yɔ mɛɛ cuavaa Israɛlla co dimio yɛ aa vundule o nɔ len, ɲɔɔ bandu vɔnin le len peelɔnndo, o co diom Hala-o tɛɛnguuo. Kɛ ɲɔɔ bandu vɔ bɔɔ le diom nda co kon tɛɛnguuo-o peelɔnndo.»

Daniɛl 8:16

Mí tuɛi diom vanacieo deŋio o pee bɛndoo Ulai coo aa: ‹Kabriɛl, tɛɛsial ndu kɔlɔ vundulen-nden!›

Kundalan 24:14

Lelan sisa, i co hunɔɔ muungu yungu nuu o ibuŋ. Kɛ telen pá ya kɔa, hun mì dimul nɔm ɲɛ vannda ha tosalnin vanaa nɔmnda siɔdii laci-o.»

Esekiɛl 38:16

A heelunin mà kuel, vanaa nia, Israɛlla maa yumbuyumbu co kɔlan lɛŋnden kumbɔɔ mɔku-mɔku-o. O telenndan mɛɛlulan ken tosannin ni. I yaanin nɔm le kɔlan lɛŋnde nilen delɔɔ coo, haliko mi vanaa-mangalaa-isɔɔa sina ya, lɔ́ɔ́ ya cɔmnin nda diondɔɔ nuu a nɔm o kɔɔ-o, nɔm Kɔk pɛɛn!›