Daniɛl 10:12 - BII BILA

¹² Mó dimul-la aa: ‹Siòòŋii bíì nɔm te, Daniɛl, kani kabi paale tasele n yiyan le sɔɔn co yɔŋnɔnndo-on sinaa a le tuisinndo tootoo Hala o hɔl-ten, mí Hala tuɛi nɔm diom. Lelan ya hin o nɔm ndo ni.

Daniɛl 10:12 Referans Kwoze

Daniɛl 10:19

Mó dimul-la aa: ‹Siòòŋii bii nɔm te, nɔm po Hala kaola taw-vo. Vannun a kɔlɲulu. Kindikindin mà sɔla yoomuan.› Tuma o va sɔɛi-yo, mí kandu yoomuan sɔlaa, mí dimul ndu aa: ‹Soo, Maalii nuu! Kani a luei ya yoomuan.›

Esai 58:9

O kon, telen niaa veelunin-ndo, ya Mɛlɛka mululnin niaa. Te la hun yonda pɛ, i diminin aa: «Yoo! I co nanu!» Te la pɛngi pɛ vannda volɔɔla lusulaalan handɔɔ o lebol, te la mal pɛ dɛnnda kɔngɔlanndan, a tombola tɛɛmbuu vana kɔllo-o,

Matie 28:5

Kɛ mí mɛlɛkanɔɔ cua sɔɛi, mó dimul vanlaandua aa: «Niaa, siòòŋii bii niaa le. Kani i sina maa Yeesu nda baŋ o yɔm singafilaa coo-o niaa co nuwviaa ni.

Esai 65:24

O kon, telen pá mì nda piɛi ya, mì ya sina pɔɔ piɛile len.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Esai 41:14

Lelan, la yɔŋ isiòòn te, niaa londopoloa pɔmbɔa Yakɔb-a ha. I co niaa Israɛlla sɔɔnguu ikɛi mì mala niaa.» Mɛlɛka dimi lende ni, O-Diandaa Israɛlla, vana niaa baŋaa pɛɛn.

Esai 35:4

La dimul vanaa kɔltan la hiilun nin-nda aa: «La lueí yoomuan, siòòŋii bii niaa le! La tofa vɔ, Hala niaa co hunɔɔ le màá mingio a le vana-vana sala dɛnnda ndɔlan keo. Ndu pila hunnin le niaa ciindiaa ni!»

Luke 24:38

Kɛ mí Yeesu ɲuna nda aa: «Le yɛɛ niaa co yɛ buulanndo? Le yɛɛ niaa co yɛ sikaa o kɔlta niaalan nin?

Tɔŋ lasálàá 16:31

La bɛnda mì la niinu pɛngio ɲinkon kpɛŋ, mì la bii sumndo. Tɔŋ niaa bɛnda le biyɔɔ le fɛɛn a fɛɛn-ndo co kon ni.

Tɔŋ lasálàá 16:29

Tɔŋ niaa bɛnda mì la bii le fɛɛn a fɛɛn-ndo co hoo ni: o paale tɔ́ndɔlen coo o paangii ŋɔmmɛwndɔɛi nin, kandɔɔ a cuavaa pilacieea Israɛl, kɔ bii a mialaa co niaa o bɛngu coo-a, la bɛnda mì la mal valtan kpow, mì la bii sumndo.

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

Dɛnnda kiilaa 27:24

mó dimul-la aa: ‹Siòòŋii bii nɔm te Pol. Mɛɛ mà kɔ sim masaa Sesar o hɔl. Tofa vɔ, Hala tosal nɔm dɛnɛ kɛndɔɔ niaa vanaa niaa co kɔlan o mɛnndan coo-a kpow.›

Condii lisai 69:10

Hala, kaola ya nɔ le Cɛi nɔmndo-o co ya lomɔɔ maa leyin. Yeowla vannda co nɔm-ndan yeowla lan koni nda co ya ni.

Luke 2:10

Kɛ mí mɛlɛkanɔɔ dimul nda aa: «Siòòŋii bii niaa le. Kani Yoongu kɛndɔɔ ya hin niaa tiiyallo nuaa ni, ó vanin dɛnɛ ɲaale bɛndoo le vannda kpow-vo.

Luke 1:30

O kon mí mɛlɛkanɔɔ dimul ndu aa: «Yɔŋ isiòòn te Mari, kani Hala ce nɔm ɲia.

Luke 1:13

Kɛ mí mɛlɛkanɔɔ dimul ndu aa: «Siòòŋii bii nɔm te Sakari, kani piɛile nɔmnden le mulin. Elisabɛt laa nɔm vilulnin nɔm hɔ́ɔ́ piaandoo, mà ke ndu diolan aa Nsaŋ.

Marke 16:6

Mó dimul nda aa: «Siòòŋii bii niaa le, Yeesu Nasarɛt niaa co nuwviaa ni, o ndáà baŋ o yɔm singafilaa coo-o. O tendu fulaa vanvílɛ́iya tɛɛn, o co nanu le, la tofa vɔ fonda ndáà yambu ndu-o.

Matie 28:10

O kon mí Yeesu dimul nda aa: «Siòòŋii bii niaa le, la kɔ dimul puapilɛa nia le kɔlan Kalile, lon nda canin ya ni.»

Daniɛl 10:11

Mó dimul-la aa: ‹Daniɛl, nɔm vana Hala kaola hoo taw-vo, bii sɔɔn ya co nɔm dimullo-on bila. Cɔn ma sim, kani o nɔm ndo nda vem ya ni.› Mɛɛ o dimi diomnda lan, mí can a ɲiiyaa.

Kundalan 29:7

«O paale tɔ́ndɔlen coo o paangii ŋɔmmɛwndɔɛi nin, la bɛnda mì la cuungian le kaannden tosaa. Mì la bii sumndo ɲinkon, la tosa paale len vali niaa tosà paandu-o le.