Daniɛl 10:11 - BII BILA

¹¹ Mó dimul-la aa: ‹Daniɛl, nɔm vana Hala kaola hoo taw-vo, bii sɔɔn ya co nɔm dimullo-on bila. Cɔn ma sim, kani o nɔm ndo nda vem ya ni.› Mɛɛ o dimi diomnda lan, mí can a ɲiiyaa.

Daniɛl 10:11 Referans Kwoze

Dɛnnda kiilaa 26:16

Kɛ cɔn mà sim. Ya cɔmnun nɔm ni. I cii nɔm hɛli mà siŋnun vana baala nuu. A vanin sei nuu le vanaa celen dɛnnda n ce hau lan ndan tiiyallo, mà dimul nda vɛlɛ la n canin-ndan.

Marke 16:8

Má fula o sɛiyo nin, má ɲaanun, má va ɲiiyaa a siòònde, kɛ a dimul vana-vana ɲɛ-ɲɛ le, kani siòònde va nda. [

Esekiɛl 2:1

Mó dimul-la aa: «Nɔm Po vanacieo sei, cɔn mà sim o pelun nɔmndon coo, i co isɔɔ o nɔm ndo.»

Dɛnnda kiilaa 9:6

Kɛ cɔn mà kɔɛ ciee. A kɔ dimulnin nɔm ɲɛ n bɛnda ma tosa-o.»

Nsaŋ 21:20

Piɛr mulinndo, mó cannun kaandennɔ Yeesu ndóò kaola-o nda kɔɔli, ó va o sɛɛŋan Yeesu o ibuŋ telen nda va ɲɛdiaa icɔllo dioo mi ndóò ɲuna Yeesu-o aa: «Maalii, nɛ̀ɛ́-nɛ̀ mal-lɛnin nɔm vannda o ba?»

Nsaŋ 13:23

Kaandennɔ pilɛ, o Yeesu ndóò kaola taw-vo va ndu Yeesu icali ikɛi,

Daniɛl 10:19

Mó dimul-la aa: ‹Siòòŋii bii nɔm te, nɔm po Hala kaola taw-vo. Vannun a kɔlɲulu. Kindikindin mà sɔla yoomuan.› Tuma o va sɔɛi-yo, mí kandu yoomuan sɔlaa, mí dimul ndu aa: ‹Soo, Maalii nuu! Kani a luei ya yoomuan.›

Daniɛl 10:3

I ve ɲɛdiaa hɛnan ya-o dio le, i ve n visi dio le, i ve mamɔi kolɔɔ le, i ve vɛlɛ macuɛi suunɔn te, háá mí lɔ́ɔ́la yáálan la cuu.

Condii lisai 45:11

Nɔm cua sei! Tofa vɔ, yaŋ-ndɔ nilan. Pɔɛɛnun vanaa nɔmnda a yungu fuɲa nɔmndo.

SƐBƐ YƆB-O 37:1

«Lelan kɔllo co ya lɔɔ ni, mò va ɲiiyaa ya nin.

Condii kɛndɛ-kɛndɛi 7:10

Màá sondo nɔmndo va maa mɔima kɛndɛ-kɛndɛ! … Mɔima kɛndɛan ma co fulaa taw le vanapɔnɔɔ ya kaola hoo-o, ma co talaa vanaa co o lɔan-nda o n'cɔcɔ.

Esekiɛl 14:14

te vanaa yáá-a ha: Noe, Daniɛl a Yɔb a va pɛ nda tɛɛn, nda pila kínɛí baŋanin yoomula ndalan le dɛnɛ nda sandaa ni. Ya Maalii, ya co Mɛlɛka-o soo nuaa ni.