Daniɛl 1:8 - BII BILA

⁸ Mí Daniɛl kialun o kɔl maa o yeema mò nɔɔlian Mɛlɛka o hɔl o ɲɛdiaa pilɔɔ dioo nin a o mɔima pilɛan kolɔɔ nin nda masaa le. Lelan, mó tɛɛlun Aspenas aa o baŋ ndu nɔɔlianndo a ɲɛm mun te.

Daniɛl 1:8 Referans Kwoze

Condii lisai 141:4

Cɛ̀l mì dɛnɛ vɔɔndo bii ya kɔllo, mì tosa dɛnnda vɔɔnndan naa vanaa yɔŋ vɔɔnda latulu le. I yeema mì tosa o nda yeema-o le.

1Korɛntea 7:37

Kɛ te o kelun pɛ o kɔl, mì vana beŋ ndu le, mì ndu pila bii kɔl ndɔɔ, mò manda balufaa ndɔ sínà vɔ dɛnɛ vanapɔnɔ loo, mɛɛ ndu hiow caa tosa.

Condii lisai 119:115

La faŋan ya ikɛi, niaa vanaa yɔŋ vɔɔnda ha, haliko mi tiwba tɔŋnda Hala nuu mandaa.

Condii lisai 119:106

I cii mɛnan, ɛɛ nduyɛ, mɛɛ mì tosa, i vanin tɔŋnda nɔmnda sandaalan biyɔɔ.

Daniɛl 1:5

Mí masaa dimi le ɲɛdiaa ndu pila va dioo-o a mɔima ndu pila va kolɔɔ lepalaa-lepala-an nda yɔngoo a le nda pɛɛkoo o vɔsilan tan yáá bɛngu. O vɔsila lan mɛɛlulan, ndáà kandu niko baalaa tosaa le ndu.

Dɛnnda kiilaa 11:23

Mɛɛ o tiiya, mó ca mɛɛ Hala va nda kɛndɛi tosallo yɛ, mó dɔawnun ɲaale, mó luei nda kpow yoomuan le lou a yiinan-nda a Maalii o kɔl pilɔɔ nin.

2Korɛntea 9:7

Lelan, vana-vana yɔngu mɛɛ o kelun o kɔl-lɛ, o va a imɔnɔ le, te kon te maa baŋɔɔ le nda baŋ ndu le, kani Hala kaola vana yɔngu a ɲaaloo-o.

Tɔŋ miingua 32:38

Kuɛɛ nɛ halaa va visin macuɛin cɔlua sálàá dioo a mɔima sálàn kolɔɔ-a co yɛ? A cɔn niko ma mala niaa va! A cɔn niko ma ven niaa va!

Condii lisai 106:28

Má mulin piɔmndo Baal-Peɔr sooloo, má dia visin nda va vanvílɛ́iya lalalan solullo-on.

1Masaa 5:5

Tuma Salomɔn va masaa-o, Yudaa nda Israɛlla kpow a vannun a kɔlɲuloo. Cɔnɔnndo Dan tiiyaa Bɛɛr-Seba, vana-vana va calnɔnndo o rɛsɛŋun ndɔn bɛngu a o voosun ndɔn bɛngu.

Dɛnnda kiilaa 15:20

Kɛ n sɛvɛlan nda sɛbɔɔ, mì n dimulun nda maa a dia ɲɛm vannda co halaa fondoa sálàlan solullo-on te, a suunda le, a dia visin visi nda kundikundi mì koovan ma lo ndu nin-ndo le, a dia vɛlɛ koovan te.

Talelan 23:3

Puulùn ɲɛdiaa ndɔ kɛndɔɔ le, o nɛí vana dɛnɛ kondu le.

Daniɛl 5:4

Mɛɛ nda kol mɔiyan, má kandu piɔmaa nda cɔw a sianion, a volin humbon, a daɲan, a cilinndon, a yɔmnde a á powtan-nda lisaa.