Daniɛl 1:7 - BII BILA

⁷ Mí bolle vanaa masaa ndóò kɛsi kɔllo coo-a baŋ nda diola celen: mí Daniɛl sɔla diolan aa Bɛlsasar, Hanania aa Sadrak, Mikaɛl aa Mesak, Asaria aa Abɛd-Neko.

Daniɛl 1:7 Referans Kwoze

Daniɛl 5:12

Mɛɛ kɔl kaamaa kon, dɛnɛ sinaa pɛɛkaa a sinapɛngoo le lɔma sɔlaan a vunduan tɛɛsiaa co Daniɛl kon nin yɛ, o nda ke diolan aa Bɛlsasar-o pɛɛn, veelu ndu mò cɔm nɔm sɛvaa ho a kɔlɔ ndɔɔ.»

Daniɛl 4:8

Mí yɔm kon hindu taw, mó sɔla kpaayaa, mí bolle ndɔlen le tiiya háá o halataala. Nɛɛ-nɛɛ vanáà sim pɛ o ceendo coo, áà ce ndu.

Daniɛl 2:49

Mí Daniɛl ɲuna masaa le Sadrak, Mesak a Abɛd-Neko siinguuo simlacia le Babilɔn. Daniɛl pila va o masaa lo bɛɛ.

Daniɛl 1:3

Mí masaa dimul Aspenas, o va bolle vanaa baalaa masaa-o, le felengia piaandua fula o yungu lemasaa, te kon te o yungu lesalamaa nin-nda pum hɛlio o Israɛlla tɛɛn.

2Masaa 24:17

O kon, mí Nebukanɛsar masaa Babilɔn suili Matania vanayɛi Yehoyakin-nde masaa o fonda ndu Yehoyakin-ndo, mó mangala ndu diolan aa Sedekia.

2Masaa 23:34

O kon, mí Neko Faraɔnnɔ suili Eliakim po Yosia-o masaa o fonda Yosia fuɲa ndɔ-o. Mó mangala ndu diolan aa Yehoyakim. Mó cua Yoahas, mó kɔa a ndu o biyɔɔ nin Esipte, lon o lo ni mó vu.

Daniɛl 2:26

Mí Masaa ɲuna Daniɛl, o ndáà ke diolan aa Bɛlsasar-o aa: «A tiwba ma cɔm ya lɔma ya sɔl-lan a kɔlɔ ndɔɔ?»

O Kandɔɔ 41:45

Mó ke Yosɛf diolan aa Safnat-Panea, mó ke ndu lanɔɔ, diolan Asnat, cua Poti-Fera va vana-solia-lasálàá Ɔn-ndo. Mí Yosɛf can, mó kɔa lɛŋnde Esipte len mɛɛndanndo.

Daniɛl 1:19

Mí masaa dɔaw baltan a nda kpow, kɛ vana pilɛ bɛɛ ve maa Daniɛl, Hanania, Mikaɛl a Asaria o vanaa kan tɛɛn te. O kon, má kandu baalaa le ndu.

Daniɛl 10:1

O vɔsi yàándɔɔ nin o masale Siris, masaa Pɛrse len bɛngu, mí sɔɛi pum dimulun Daniɛl, o nda ke diolan aa Bɛlsasar-o. Sɔɛi ken va sɔɛi toɲɛi a sɔɛi cɔw bɛnduei ni. Mí Daniɛl bii sɔɛi kalɛi bila. Mó sina ndi pɛɛngu o vundulen nin.

Daniɛl 4:5

O mɛɛlulan, mí Daniɛl nda ke diolan aa Bɛlsasar mɛɛ diola hala nuu pilɔɔ la co yɛ-o bɛɛ tiiya o ya lo. Daniɛl kon pɛɛn, o nɔ kɔlkalu halaa diandaa nin-ndo. Mí cɔm ndu lɔma ya sɔl-lan.