20 Lɔ́ɔ́-lɔ́ɔ̀ masaa ndóò ɲuuniaa nda pɛ o sɔɔn dɛnɛ sinan a o sɔɔn kɔlkalon coo, ndóò ce maa ndáà hiow vanaa mangalaa a vanaa viamaa yavaa va o lɛŋnde ndɔlen nin-nda kpow bɛmbɛ tɔ́.
Yiyan Esiptea laasiannin nda tɛɛn. I laasiaanin sɔɔn lelɛŋun ndan. A kɔanin ma kɔ sooluu piɔmnda, ma kɔ viom yavalan o mandea lo, o vanaa suukan a vanvílɛ́iya-a lo a o vanaa dimi siɔdii lacio-a lo.
vanaa-vanaa ce haa biilu nuu a sɔɔn kaaman ya tosa o lɛŋnde Esipte len nin a o lɛŋnde veselɛilen nin-ndon, a kon kpede, má tɔɔndan ya bɛmbɔɔ tɔ́, má kɛɛ le sɔɛi nii biyɔɔ-a,
Idiiyo, mó va buulanndo taw, mó veelu vanaa viamaa yavaa a vanaa kɔlkalua Esipte kpow, mó tombolal nda lɔma sala tiɔmma o sɔl man-ndan. Kɛ vana pilɛ bɛɛ nɔ́lá ndu kɔlɔ lɔma sɔlaama man tɛɛsiallo le.
Mí Daniɛl cua sɔɛi, mó mulul ndu aa: «Manda ɲɛm-kéan nɔmndon, te kon te yɔngu vanaa celen ɲɛm nɔm kɛndɛn mun. Ya yɛ, i co nɔm sɛvaa ho tɛɛsial, mì cɔm nɔm kɔlɔ ndɔɔ.
Mí Hala ke felengia hiɔɔlua kan sinapɛngoo a dɛnɛ sinaa pɛɛkaa o sɔɛi mangalɛi a o kɔlkaloo nin. Daniɛl ndóò nɔla vɛlɛ vunduan a lɔma sɔlaan kɔlɔɔ sinaa.