Daniɛl 1:17 - BII BILA

¹⁷ Mí Hala ke felengia hiɔɔlua kan sinapɛngoo a dɛnɛ sinaa pɛɛkaa o sɔɛi mangalɛi a o kɔlkaloo nin. Daniɛl ndóò nɔla vɛlɛ vunduan a lɔma sɔlaan kɔlɔɔ sinaa.

Daniɛl 1:17 Referans Kwoze

Nsaki 1:5

Te vana pum nɔ kɔlkalu niaa tɛɛn te, mɛɛ o ɲuna Hala yɔngù vannda kpow ɲɔɔn a kɛndɛi-yo, o co a isɔw le, o kon mò yɔngun ndu.

1Masaa 3:12

i co nɔm ɲɛ n piɛi ya-o ke, i co nɔm kɔlkaloo a sinapɛngoo ke, ò vana-vana sɔla vɔ paandu nɔm laci loo, o vana-vana sɔla lɛnin vɛlɛ o nɔm kɔɔli loo.

Daniɛl 2:21

Ndu yɛlɛmiaa telenndan a tumalan ni, ndu faŋa masaa o masalen coo ni, ndu suili masaa ni. Ndu yɔngu vanaa kɔlkalua kɔlkaloo ni, mò yɔngu vanaa dɛnɛ sinaa sinapɛngoo.

SƐBƐ YƆB-O 32:8

Nduyɛ, o kpeekpeiyo nin, Kɔl co vanacieo nin-ndo, ndu kìndì ndu kɔl ni, mò ke ndu taasio.

Daniɛl 2:23

Nɔm Hala fuɲaa nia mamaa, i co nɔm sangalaa a nɔm balikaa mello le yɔngu n yɔngu ya kɔlkaloo a kpaayaa-o. Tofa vɔ! A cɔm naa ɲɛ naa n ɲuna nɔm-ndo, a cɔm naa sɔɔn dɔw masaa kɔndɔfili-on.»

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

Talelan 2:6

Kani Mɛlɛka yɔngu kɔlkaloo ni. Ndu o sondo sinapɛngoo a dɛnɛ sinaa fula ni.

Dɛnnda kiilaa 6:10

Kɛ a tiwba ndu simullo le, kani a kɔlkalu Hala Kɔl-Diandaa ke ndu-o o va sɔɛi ni.

Nsaki 1:17

Ɲɛm-kéan kɛndɔn kpow a ɲɛm-kéan peelunndon kpede, coocoo n co fulaa ni, Pau Hala o ba. Vana cɔw ɲɛ-tengaa kpow-vo. Nduyɛ, o màngàlannin te, hali ɲɛ-pɔmbɔ.

Dɛnnda kiilaa 7:22

O kon mí Moise pɛɛku dɛnɛ sinaa Esiptea kpow, mó siŋnun vana kpaayaa o sɔɔn ndɔn a o dɛnnda ndɔlan nin.

Daniɛl 10:1

O vɔsi yàándɔɔ nin o masale Siris, masaa Pɛrse len bɛngu, mí sɔɛi pum dimulun Daniɛl, o nda ke diolan aa Bɛlsasar-o. Sɔɛi ken va sɔɛi toɲɛi a sɔɛi cɔw bɛnduei ni. Mí Daniɛl bii sɔɛi kalɛi bila. Mó sina ndi pɛɛngu o vundulen nin.

Esekiɛl 28:3

A co yiyanndo maa a hiow Daniɛl kɔlkaloo, a nɔ o kɔl maa ɲɛ-ɲɛ ve o viannan a nɔm te.

2Dɛnnda lemasalan 26:5

Telen Sakari, vana va ndu pɛɛkoo a sɔɛi Hala-e o kɔɔ-o va yoomu-o, Osias va kelaa o hɛnan Mɛlɛka-o coo. Le hee, mí Hala va kpekula ndɔlan nɛŋio.

Kundalan 12:6

Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.

Dɛnnda kiilaa 7:10

Mí Hala soli ndu o sangalan kpow nin. Mó ke ndu kɔlkaloo, mí ɲɔɔ hɛnan masaa Esipte a ndu. Mí masa kon siinguu ndu masa ibungaa le lɛŋnde Esipte len kpow a le yungu ndɔɔ kpow.

Daniɛl 7:1

O vɔsi tase Baltasar va o masalen coo Babilɔn-ndo. Daniɛl va o kpele ndɔɔ coo, mó sɔl lɔan, mó ca vunduan o yiyan ndɔɔ nin. Mó sɛva lɔma ndɔma man,

Daniɛl 2:19

Mí dɛnɛ kaamaa kon cɔmnun Daniɛl o vundulen nin icɔllo. O kon, mó lisa Hala co o halataala-o aa:

Luke 21:15

Kani i sɔaanin niaa sɔɔn o lasondo, mì ke niaa kɔlkaloo, o yaamɔaa niaa nɔlanin niaa simul mà sɛɛngiaa niaa loo.

Esai 28:26

Hala ndɔɔ pɛɛku ndu nɛi o bɛnda le kɔlan coo-o, o yɔngu ndu silalan le kelaa lecoo.

Vana Kɔlkaloo 2:26

Vana hɛnan Hala-o, ndu Hala ke kɔlkaloo, dɛnɛ sinaa a kɔlkɛndɔɔ ni. Kɛ vana lahakio ndu, Hala pei ndu pɛ yiyanndo nin, o nuwviaa, o cuungiaa le vana hɛnan Hala-o yɔngoo. Kon vɛlɛ bɛɛ sanga fondoo fúú, ɲɛ fondoo kiltan kɔɔli pɛɛn.»

2Dɛnnda lemasalan 1:10

Ke ya niko kɔlkaloo a sinapɛngoo, haliko mi caa kelaa vannda ha o hɔl. Kani te o co kon te, vana-vana tiwba mò tosa masalen vanaa nɔmaa sɛ́lɛ́ bɛndua ha coo le.»

1Masaa 3:28

Mí Israɛlla kpow a tuɛi a yamɛi Salomɔn ndóò kelu ken-nde o kɔɔ. Mí vannda kpow a vo ndu taw, kani má sina maa kɔlkalu Hala-o va ndu nin le yaman kiolɔɔ o sandei nin.

Daniɛl 8:1

«O vɔsi yàándɔɔ nin o masale Baltasar len bɛngu, ya Daniɛl, mí ca vundulen lepum o letasele ya ce len kɔɔli.

Daniɛl 5:14

I tuei maa a nɔ kɔlkalu halaa, ɲɛ-tengaa a dɛnɛ sinaa, a nɔ kɔlkaloo hiovɔɔ ba.

2Dɛnnda lemasalan 1:12

Lelan, i ke nɔm kɔlkaloo a sinapɛngoo. I ke nɔm vɛlɛ bolofaa taw, ɲɛ-sɔlaa a biiloo, hiovɔɔ masaa tosa masalen nɔm tase-a a masaa vanin nɔm kɔɔli-a coo.»

Daniɛl 1:4

Felengia kan ndáà bɛnda mì ndáà va n'namta le, mì ndáà naŋ hɔlla, mì ndáà nɔ taasio, mì ndáà pɛ a kɔlkaloo, a dɛnɛ sinaa a á sinapɛngoo, haliko mi ndáà nɔla baalaa tosaa o cɛi lemasaa nin. Ndáà bɛnda mi ndáà pɛɛku nda sɛva Kaldea a sɔɛi ndɛi mangalɛi.

Daniɛl 1:18

Tuma masaa Nebukanɛsar kelu le felengia nda hɛli kan-nda ndu cuuo-o tiiya, mí bolle vanaa baalaa masaa hun a nda o ndu lo.

Daniɛl 1:20

Lɔ́ɔ́-lɔ́ɔ̀ masaa ndóò ɲuuniaa nda pɛ o sɔɔn dɛnɛ sinan a o sɔɔn kɔlkalon coo, ndóò ce maa ndáà hiow vanaa mangalaa a vanaa viamaa yavaa va o lɛŋnde ndɔlen nin-nda kpow bɛmbɛ tɔ́.

Daniɛl 2:30

Ya yɛ, dɛnɛ kaamaa ho cɔmnun ya, kon co dimi le maa ya hiow vannda kpow kɔlkaloo ni. Kɛ o cɔmnun ya haliko mi kɔlɔ ndɔɔ cɔmnun nɔm, ma sina yiyannda co nɔm o kɔl-tan.

Daniɛl 4:6

Mí dimul ndu aa: ‹Bɛlsasar, bolle vanaa mangalaa, i sina maa a nɔ kɔlkalu halaa diandaa nin, nduyɛ dɛnɛ viannan súú-súù kindu a nɔm te. Tofa vɔ lɔma ya sɔl-lan, cɔm ya kɔlɔ ndɔɔ.