Condii lisai 99:3 - BII BILA

³ Màá vannda biilu nɔm, nɔm Hala bɛndoo a Hala lakaamaa! A toɲa, nɔm pilɛ kpé co Hala kpeekpeiyo ni.

Condii lisai 99:3 Referans Kwoze

Esai 6:3

Má va yondaa vellaa-velle a dimio aa: «O diandaa, O diandaa, O diandaa Mɛlɛka-Nɔ-Kpaayaa-Kpow-vo co ni, lɛŋnden kpow le pɛ cá a biilu ndɔɔ.»

Tɔŋ miingua 28:58

Te la bìí sɔɔn tɔŋndo ho kpow, mì la kela lecoo le, sɔɔn sɛvan mun o sɛbɔɔ nin-ndon pɛɛn, te la yɔ́ŋ siòònde a diola lebɛɛla kpúlúnkùmala Mɛlɛka Hala niaa le,

Condii lisai 111:9

O tosa mí vanaa ndɔa sɔla baŋaa, mó yiilu nda kpema fɛɛn-fɛɛndo. Mɛlɛka dendu, vana lakaamaa o co ni.

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

Nsaŋ 17:11

I co lɛ va o ceendo coo le, kɛ nda co vɔ va o ceendo coo. Ya i co hunɔɔ muungu o nɔm ndo. Fuɲa ni diandaa, manda nda o diola nɔmndan, diola n ke ya lan, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Condii lisai 145:17

Mɛlɛka sandu o nɛila ndɔlan kpow coo, o lo o lediom coo o dɛnnda o co tosaa lan kpow nin.

Condii lisai 66:3

La dimul Hala aa: «Dɛnnda nɔmndan la co bɔɔ dɛnnda kaamaala bɛndu! Le kpaaya nɔm bɛndoo, yaamɔaa nɔmnda co nɔm lisaa

Nehemi 4:14

Nɛɛ-nɛɛ niaa tuei pɛ buloo diom, la cɛn o fonda niaa co và-o, la komal naa lon. Hala naa tosanin cɔwvo le naa.›

Nehemi 1:5

Mí dimi aa: «Éé Mɛlɛka! Nɔm Hala co o halataala-o, Hala bɛndoo a Kpúlúnkùmaa, nɔm Vana yii kpemaa má o lo o lediom coo a vanaa kaola nɔm, má va silala nɔmndan biyɔɔ-a-o!

Yosue 24:19

O kon kɔɔli, mí Yosue mulul nda aa: «La nɔlanin Mɛlɛka baalaa tosal te, kani Hala diandaa o co ni, Hala paŋalaa o co ni, o melnin nila kalula niaalan a hakila niaalan haki le.

Tɔŋ miingua 7:21

La yɔŋ isiòòn mì la ɲiiya nda o hɔl te, kani Mɛlɛka Hala niaa, o co niaa tɛɛn-ndo, Hala bɛndoo a kpúlúnkùmaa o co ni.

Condii lisai 76:1

Condii Asaf-e, í fula o condun simlacinɔ vanaa n'condua nin-nde. A ɲɛ-caa iyoo o soli condei he ni:

1Samiɛl 2:2

Vana co o diandaa maa Mɛlɛka le, Hala naa ndu pilɛ kpé co pow kpovaa ni. Hala celen co o ndu kɔɔli le.

Yeremi 20:11

Kɛ nɔm Mɛlɛka co ya ikɛi, a co cɔlɔbaa le ya a kpaayaa. Lelan vanaa co ya yɛlen tollo-a boŋnin, a nɔlanin tosaa mɛɛ nda yiyan a ya yɛ le. Siɛmbulan la biinin nda le bumba nda bumbanin ya-o. Siɛmbula lan la vanin nda lɔ́ɔ́-lɔ́ɔ̀, vana-vana pɔɛnunnin a lan o kɔɔ le.

Condii lisai 76:12

La cua ciɛ́ɔn o Mɛlɛka Hala niaa lo, mì la peelu ciɛ́ɔn mun! Niaa vanaa balu ndu-a kpow, la cuu Hala kpúlúnkùmaa ɲɛm-kéan.

Nehemi 9:32

Nɔm Hala naa, a co o bɔɔ, Hala kpaayaa a kpúlúnkùmaa n co ni. Nɔm manda kpema n yii a naa-o ni, má lo o lediom coo. Yandi, yiyan sangala vanaa nɔmnda sɔla lan coo, sangala masaa naa, simlacia naa, vanaa-solia-lasálàà naa, vanaa-tɛɛngaa-diom Hala-a naa, fuɲaa naa imamaa a sangala naa pila n sɔla lan pɛɛn, kandɔɔ o telen masaa Asiri-o háá hau.

Nehemi 9:5

O kon kɔɔli mí leviia: Yosue, Kadmiɛl, Bani, Hasabnia, Serebia, Hodia, Sabania a Petahia dimi aa: «La cɔn mì la mel Mɛlɛka Hala niaa balika. La mel ndu balika le fɛɛn a fɛɛn.» «Màá diola nɔmnda tɔ́ɔ́lan la sɔla biiloo, kani diola hiow naŋɔɔ lan la co ni.

Condii lisai 100:4

La luɛi o ndu lo cɛinin mì la mel ndu balika, la luɛi o ndu lo bɛɛ a condon, la mel ndu balika mì la lisa diola ndɔlan.

Condii lisai 103:1

Condii fula o condun David-on nin-nde. Éé kɔl nuu, mel Mɛlɛka balika! I yeema mì mel Hala diandaa balika a kɔl nuu kpow.