Condii lisai 81:3 - BII BILA

³ La lɔɔ ɲɛm-caan: la lɔɔ dundoo, la lɔɔ banga diom kɛndɔɔ mì la lɔɔ bondomaa.

Condii lisai 81:3 Referans Kwoze

2Dɛnnda lemasalan 2:4

Cɛi-Hala ya co hunɔɔ tangul-lo bɛnda mò nɔ ɲamaa, kani Hala naa hiow vaa o bɔɔ a halaa celennda kpow ni.

Kundalan 15:3

mì la yeema le ya sálàla ŋɔa o yin-ndan solullo, o bɛnda mò va cɔlua bɛndua, te kon te cɔlua pɔmbɔa. Sálà ya tuɛi cun mì ɲɔɔ hɛnan ya-o co kon ni, o va sálà loamaa, o va sálà niaa soli le yoole niaa bàá len timbio-o, o va o niaa pila soli a yeemɛi niɛi-yo, o va o niaa soli o kafola niaalan o pilɛ coo-o,

2Dɛnnda lemasalan 13:14

Telen Yudaa mulin-ndo, má ca maa yaamɔɔa balu nda kundalan latiɔn: yaamɔɔa pum va nda laci, a pum va vɛlɛ nda a makɔɔ. O kon má solul Mɛlɛka diomndan le nda malaa, mí vanaa-solia-lasálàá hɔŋ bululan.

2Dɛnnda lemasalan 13:12

Sisa, Hala a vanaa ndɔa baalaa co naa isisi laci, vanaa-solia-lasálàà ndɔa co naa ikɛi nanu, a co bɛɛndianndo le bululan hɔŋndo mì n del niaa coo a cɔwvo. Lelan niaa Israɛlla, la cɔ́lɔ̀ba Mɛlɛka Hala fuɲaa niaa mamaa le, kani la tiwnin ba le.»

2Dɛnnda lemasalan 5:12

Kolala keesela fɛtufɛtulan la va leviaa va vanaa condaa-a kpow lekɔɔ: Asaf, Heman, Yedutun, poaa ndaa a puapilɛa ndaa. Má sim o fonda-loamaa-lasálàá ikɛi a ba paalen le can-ndo a kɛ́ŋndon, bɔ̀linndan a á bondomalan o laba. Mí vanaa-solia-lasálàà kɛmɛ bidiiŋaa va nda ikɛi vɛlɛ-a va bululan hɔŋndo.

1Dɛnnda lemasalan 16:42

Mí Heman nda Yedutun a vanaa va nda ikɛi-ya va bululan hɔŋndo, kɛ́ŋndon a ɲɛm-caan celen lɔɔ, le condun Mɛlɛka-on solio. Poaa Yedutun-nda va kpalilaa cumulaa ladioa ni.

1Dɛnnda lemasalan 16:6

Vanaa-solia-lasálàá: Benaya nda Yahasiɛl, nda nda va bululan hɔŋndo o kesu kpema Hala-o hɔl-ndɔ.

1Dɛnnda lemasalan 15:24

Vanaa-solia-lasálàá va le bululan hɔŋndo kesu Hala-o laci-a va Sabania, Yosafat, Netaneɛl, Amasai, Sakari, Benaya a Eliesɛr ni. Obɛd-Edɔm nda Yehiya bɛɛ, kpalilaa cumulaa ladioa va simndan kesoo ikɛi kpɛɛlun-nda nda va ni.

2Masaa 4:23

O kon mí pɔnɔ ndɔ ɲuna ndu aa: «Vɛɛ hau kɔlan ndan o ndu lo? O co paangii sɛnɛi le, o co yɛ vɛlɛ paale pɛngiaa le.» Mó mulul ndu aa: «Hali ma buulan te.»

Tɔŋ miingua 16:15

O palɛi ndii ŋɔmmɛw bɛngu, la bɛnda mì la tosa kafoo le Mɛlɛka Hala niaa biiloo o fonda ndu pila hɛlinin-ndo. Kani o dɔawnin niaa duaa o valta niaalan nin kpow a o ɲɛ-ɲɛ niaa vanin tosaa nin, haliko mi la va a kɔlkɛndɔɔ taw.

Kundalan 28:11

«O ipaangu oo ipaangu kandɔɔ, la bɛnda mì la solul-la sálà loamaa a navaa tovaa téndéa nda ŋiɔn, saa kóndóó o pilɛ a saa téndéa nɔ vɔsio pilɛ-a nda ŋɔmmɛw, cɔlua kan kpow a bɛnda mà nɔ lenamta le.

Kolɔsea 2:16

Lelan vana-vana kialu niaa iyama le ɲɛ niaa co dioo-o le, te kon te le o niaa co kolɔɔ-o, le dɛnɛ lakafoo, dɛnɛ paangun sɛnɛiyo a le dɛnɛ palɛi pɛngiaa,

Cɛɛŋɔnnda Yeremi lan 2:6

Mó pial kunga nakɔ ndɔɔ, mó tɛɛmbuu fonda náà n cuungian ndu o hɔl-lo. Mí Mɛlɛka tosa mí vannda Siɔn pɔɛɛnun kafolan a cuungiannda palɛi pɛngiaalan. Mó tɛɛmbuu masaa a vanaa-solia-lasálàá bɛ̀ɛ̀lan a kɔltuw bɛndoo.

Condii lisai 98:6

La hɔŋ bululan a leelan, la yonda a ɲaaloo Mɛlɛka co Masaa-o o hɔl.

2Dɛnnda lemasalan 8:13

Maa mɛɛ Moise ndóò handu silalan le lepalaa-lepala o palɛi yɛ́-yɛ́i ken nin yɛ, mí Salomɔn va sálàla va le palɛi pɛngiɛi lan, sálàla va le paangun sɛnɛiyon-ndan a sálàla va le kafola bɛndula yɛ́-yɛ́lan ndan solio. Kafola lan la va lan ni: kafo bulu toosian a lɛvɛn too, kafo koavaa a kafo lakùùo.

1Dɛnnda lemasalan 15:16

Mí David dimul simlacia leviia le puapilɛa ndaa, vanaa solia n'condua dimullo maa a cua ɲɛm-caan o laba, bangalan, bondomalan a kɛ́ŋndon, ma va mun lɔɔ, haliko mi diom bɛndoo va fulaa le cɔmndo maa kɔlkɛndɛ bɛndoo co nda o lakɔl.

1Dɛnnda lemasalan 15:19

O vanaa solia n'condua tɛɛn, Heman, Asaf a Etan ndáà nɔ kɛ́ŋun cómulan nda cɔw a daɲan-ndon o laba ni.

1Dɛnnda lemasalan 25:1

Mí David nda simlacia vanaa cɔwva a siinguu poaa Asaf-a, poaa Heman-nda a poaa Yedutun-nda teengen le diom Hala-o tɛɛnguuo o condun Hala-on nin. A va bondomalan, bɔ̀linndan a kɛ́ŋndon lɔɔ. Vanaa va baala kon tosaa-a a yɔŋnun haa ni:

Condii lisai 33:2

La lisa Mɛlɛka a bondomaa, la sangala ndu a banga nɔ yoei tɔ́-o.

Condii lisai 149:3

La biilu ndu a yolan, la lɔɔ dundulan a bondomalan.