Condii lisai 26:3 - BII BILA

³ I co kaola nɔmndo cɔu ya o hɔl, i co kelaa mɛɛ toɲa nɔmndo co yɛ.

Condii lisai 26:3 Referans Kwoze

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

2Masaa 20:3

«Éé Mɛlɛka! Loonun a kela sandaa ya kela nɔm o hɔl-lo, loonun a dɛnnda kɛndɛla ya tosa nɔm o hɔl-tan.» Mí Esekia caŋ fúkpàà-fùkpàà.

2Nsaŋ 1:4

Ɲɔɔ hɛnan ya taw lɔ́ɔ́ ya ce cuavaa nɔmnda pum kelaa o toɲaa coo-o, maa mɛɛ tɔŋ naa n sɔla Pua o ba-o co yɛ.

Efɛsea 4:32

La va vanaa kɛndɛa, mì la kaolian vellaa-velle. La malnan lahaki maa mɛɛ Hala mal niaa haki o Krista nin yɛ.

2Korɛntea 8:9

Kani la sínà kɛndɛi Maalii naa Yeesu Krista yɔŋ le niaa-e, ndu vana bolofaa, mó siŋnun vana bala fondoo, haliko mi la siŋnun vanaa bolofaa o bala fondola ndɔlan kɔɔli.

2Korɛntea 3:18

Lelan, naa kola vaan-vaan co o hɔl te-a kpow, biilu Mɛlɛka-o naa n co maa tofan ni. Nduyɛ, Mɛlɛka, o co Kɔl-Hala-o cii naa mangala le vaa velan ndɔɔ, n co hiovɔɔ laci tuŋ a biiloo sɔlaa. Vali Kɔl-Hala-o co tosaa-o co kon ni.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Luke 6:36

La va vanaa iɲííya mɛɛ Fuɲa niaa co vana iɲííyo yɛ.»

Esai 8:20

‹o bɛnda mì n mingul tɔŋndo a seilen hɔlla!› Te vana suu lende le, mɛɛ ɲɛ-tengaa paale siaa venin le ndu le.»

Esai 2:5

Niaa cuavaa Yakɔb-a, la hun mì n kɔɛnnun o ɲɛ-tengaa Mɛlɛka-o nin!

Condii lisai 119:142

Sandii nɔmnde co le fɛɛn a fɛɛn, toɲaa tɔŋ nɔmndo co ni.

Condii lisai 101:2

I yeema mì va kela kɛndɔɔ o ceen nuu nin. Lɔ́ɔ́ kuɛɛ n hun yɛnin o ya lo? I kelanin o sandei nin vanaa naa n cal nɛɛ pilɛa o hɔl.

Condii lisai 86:11

Éé Mɛlɛka! Pɛɛku ya nɛila nɔmndan, mì kela o toɲa nɔmndo coo. Ke ya kɔllo ndu pilɛ kpé, haliko mi vo diola nɔmndan.

Condii lisai 52:1

Condii David-e, í fula o condun simlacinɔ vanaa n'condua nin-nde.

Condii lisai 25:5

Yɔɔ ya o nɛi toɲa nɔmndo coo, mà pɛɛku ya, kani nɔm co Hala nɔ cinda nuu o ba-o ni. I co nɔm tiindanndo lepalaa-lapala.

3Nsaŋ 1:11

Caan ni ya kaola-o, del vanndo kɔɔli o dɛnɛ vɔɔndo tosaa nin te, kɛ o va o dɛnɛ kɛndɔɔ tosaa nin. Vana tosà pɛ dɛnɛ kɛndɔɔ, o Hala-o co kon ni, vana tosa pɛ dɛnɛ vɔɔndo, mɛɛ ndu sínà Hala le.