Condii lisai 127:2 - BII BILA

² Lende koni, niaa bɛɛ, la co cɔnɔnndo idii púŋ, mì la va kɛɔ yalaa lɔan fondo fúú, sangaa fúú niaa co le balo niaa sɔlaa ni. Kani vanaa Mɛlɛka kaola-a a vannun bɛɛ o lɔma nda, ndu Mɛlɛka kenin nda baloo. Cuawva co kɛ Mɛlɛka-o ni.

Condii lisai 127:2 Referans Kwoze

Vana Kɔlkaloo 5:12

Sanga bɛndu-bɛndu ya ce o lɛŋnden coo-o co ni, mì vana bolofaa manda ɲɛ-sɔlaa le dɛnɛ palaa ndɔɔ,

Condii lisai 4:8

Nɔm Mɛlɛka, a co kɔlkɛndɔɔ lueiyo ya o kɔl hiovɔɔ kɔlkɛndɛ nda sɔla tuma nda nɔ malun sɛnɛiyon a mɔima sɛnɛiyan-ndo.

SƐBƐ YƆB-O 11:18

A sɔlanin vɛlɛ kɔlkɛsiaa, kani tiindanndo vanin le nɔm. Hali siɛmbulan la bii nɔm bɛɛ nuaa, kɛ a hininnin, mà lɔlnun fɛ́ɛ́.

Condii lisai 3:5

I co diomndo heeloo o Mɛlɛka lo, o co ya mulullo o pembii ndɔɛi diandɛi coo.

Yeremi 31:26

Lelan vannda diminin aa: ‹Yáà tiondɔɔ mí ca maa lɔma ya lɔl-lan ma mala ya.›

Esekiɛl 34:25

I yiinin kpema kɔlɲuloo a nda mì faŋa visia yondoa biyaa o lɛŋnden nden nin. O kon saa nia calnin nila ɲulu o lɛŋnde veselɛilen nin, mà va lɔan o bundɛlan nin.

Vana Kɔlkaloo 1:14

Mí ca dɛnnda co tosanndo o ceendo coo nanu lan kpow. Dɛnnda lan kpede, sanga fondoo fúú, ɲɛ fondoo kiltan kɔɔli co kon ni.

Vana Kɔlkaloo 6:7

Le yeemɛi ndɔɛi peeloo daama vanacieo tosa baalaa nuaa ni, kɛ o hini kɔl lɔ́ɔ́-lɔ́ɔ̀ le.

Vana Kɔlkaloo 4:8

ndu co a vana co ndu pilɛ kpé-o o kɔɔ ni. O nɔ po le, o nɔ bɛndu le, o nɔ pɔmbɔ le. Kɛ o pɛngi a baalaa le, o co yeemaa le bolofaa sɔlaa tuŋ. Nduyɛ, o co ɲunanndo aa: Le nɛ̀ɛ̀ ya co yɛ sanganndo ho mì va kɛɛ yeemɛi nii tosa? Sanga fondoo co vɛlɛ kon ni, ceendo vili vɔɔndo pɛɛn.

Condii lisai 60:5

A tuisi vanaa nɔmnda sangala kálà-kálàlan coo, má koesi naa mɔima nɛyaa-nɛyan.

Talelan 10:22

Duaa Mɛlɛka-o kínɛí siinguu vana vana bolofaa ni. Kindikindin vanacieo cɔɔlu ɲɛ-ɲɛ lecoo le.