Condii lisai 127:1 - BII BILA

¹ Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde. Te o co mì Mɛlɛka baŋ cɛiyo le, mɛɛ sanga fondo fúú vanaa co ndu cɔvɔɔ-a co ni. Te o co mì Mɛlɛka kanda kobio le, mɛɛ sanganndo fúú vanaa co ndu kandaa-a co ni.

Condii lisai 127:1 Referans Kwoze

Talelan 16:9

Mì vanacieo tuu le ipum tosaa, kɛ Mɛlɛka tosa ni mò tiwba tuu kon peeloo.

1Korɛntea 3:7

Lelan, vana tɔl-lo nda vana pɔɔlia-o co ɲɛ-ɲɛ le, fɔ Hala, o tosa mó hindu-o.

Condii lisai 124:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. Te ndóò ve Mɛlɛka le, ɔ́ɔ̀ vana óò cɛwnin naa-o? La mingì sondo, niaa Israɛlla, mì la dimi aa:

Esai 62:6

Nɔm Yerusalɛm, i kɛsi kpalilla o kpakila nɔmndan coo, vanaa kan bɛnda mà mei sondo le few, o va ipala, o va icɔl. Niaa vanaa co Maalii veeloo le loonɔnndo a Yerusalɛm o kɔɔ-a, pɛngi co le niaa le!

1Dɛnnda lemasalan 28:10

Sina nihau maa Mɛlɛka cii nɔm hɛli, haliko ma tangul Cɛiyo, ó vanin Cɛi-Diandaa-o. Luei niko yoomuan mà tosa vallo.»

Yeremi 51:12

La heelu tɔɔmasele cɔwvo le kpakio Babilɔn simullo! La cɔɔlu fondala cumulaalan hɔlten handɔɔ coo, la kɛsi kpalilla. La kɛsi vannda le cumullo! Kani Mɛlɛka nɔ tuuvo pum, nduyɛ sɔɛi o tuu a Babilɔnnda-e, mɛɛ mò peelu ndi.

1Dɛnnda lemasalan 28:20

O kon, mí David dimul Salomɔn po ndɔ aa: «Lueí yoomuan, sim yili ma tosa baalaa. Yɔŋ isiòòn te, vu n'dial te. Kani Mɛlɛka Hala nuu co nɔm ikɛi. Háá mi baala Cɛi ndɔɔ kpow cuu, o melnin nɔm te, o faŋannin nɔm ikɛi le.

1Korɛntea 15:14

Nduyɛ te Krista tendul-lɛ le, mɛɛ pɛɛkuu fondoo fúú naa n co niaa ni, mɛɛ laalan niaa bɛɛ connun fúú.

Condii lisai 121:1

Condii vannda keì solio nɛi-tɛɛn o kɔlan-nde. I co tofaa a kpengii pembon. Ɔ́ɔ̀ vana malanin ya-o?

Condii lisai 123:1

Condii vannda keì solio nɛi-tɛɛn o kɔlan-nde. I heelu hɔlla mí tofa nɔm Mɛlɛka, nɔm co masalen tosaa o halataala-o.

Condii lisai 120:1

Condii vannda keì solio nɛi-tɛɛn o kɔlan-nde. Telen ya va o mɔnɛi nin-ndo, mí koŋul Mɛlɛka o lani, mó mulul-la.

Condii lisai 125:1

Condii vannda keì solio nɛi-tɛɛn o kɔlan-nde. Vanaa tiindan Mɛlɛka-a vanin maa pembei Siɔn, i kpeŋannin te, i vanin le lɔ́ɔ́-lɔ́ɔ̀.

Condii lisai 78:69

Mó cɔaw Fonda ndɔɔ Diandaa lon, mó cɔaw ndu o kálà-kálà maa halataalaa, mó toosiaa ndu mɛɛ o toosiaa lɛŋnden le lɔ́ɔ́-lɔ́ɔ̀ yɛ.

Esai 56:10

Kpalilaa cumulaa Israɛl, vanaa sumɛiya nda kpow co ni, a bii ɲɛ-ɲɛ bila le. Tunaa boboa kposon nda kpede co ni, a nɔla busɔɔ le, yiyannda lasiɛilan tuŋ la co nda o lakɔl ni, ihini tuŋ nda connun ni, a kaola bɔɔ lɔan dɔɔfɔlɔɔ.

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Condii lisai 126:1

Condii vannda keì solio nɛi-tɛɛn o kɔlan-nde. Telen Mɛlɛka míngí vanaa va Siɔn o biyɔɔ nin-nda nanu-o, mí n ca sɔɛi ken maa lɔma sɔlaa.

Condii lisai 122:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. I dɔwnun ɲaale a vanaa co ya dimullo aa: «N kɔnnun o Cɛi-Hala-o nin-nda.»

Esai 27:3

«Ya Mɛlɛka, ya co vana mandaa nakɔ kon ni, telen oo telen, i co ndu pɔɔliaa. Paalen a ɲumndan, i co cumullo le ndu mandaa, yɔŋii vannda hun luɛi lenin a kalan.

1Dɛnnda lemasalan 29:19

Ke Salomɔn po ni kɔl o tiindan nɔm-ndo, mò bii tɔŋndan, pɛɛkulan a silala nɔmndan, mò kela lecoo, haliko mo tangul Cɛi-Diandaa, Cɛi ya cuungiaa ɲɔɔn mun kpow le ndu tangullo-o.»

Kalatea 4:11

Siòònde co ya, te o co sanga fondo fúú le ya sanga sangaa ho le niaa le!

Condii kɛndɛ-kɛndɛi 5:7

Mi bɔŋan a kpalilaa cumulaa va kobio balɔɔ-a, má lɔaa ya, má booluu ya, má puu kola vaan-vaan yáà kuumbun o lebol-lo.

Condii kɛndɛ-kɛndɛi 3:3

Mí bɔŋan a kpalilaa cumulaa balu cumullo icɔl e kobio mɛɛndanndo-a, mí ɲuna nda aa: ‹La cil-la nihau vanapɔnɔ kɔl nuu kaola-o?›

Yeremi 51:31

Kiilaa co kɔannanndo kɔɔli, vanaa hivia layoongua co kɔlan a kiltan le masaa dimullo aa: «Kobi nɔmndo biinun kpede,

Condii lisai 72:1

Condii Salomɔm-nde. Éé Hala, tosa mì masaa caa yaman kiolɔɔ maa num pila. Tosa mì poaa masaa sina dɛnɛ sandaa.

Tɔŋ miingua 8:18

La bɛnda mì la loonun maa Mɛlɛka Hala niaa co niaa yoomuan yɔngoo le ɲɔɔn sɔlaa ni. O co kon tosaa hau le kpema o cuel fuɲaa niaa mamaa-o peeloo le niaa, ciɛ́ɔn o cuel nda mó mɛnan, mó yiilu nda kpemaa-on pɛɛn.

Yosue 2:2

Mí vannda kɔ dimul masaa Yeriko aa: «Poaa Israɛlla pum hin cɔɛllɛn nanu le lɛŋnden fɛfɛlaa.»

1Masaa 5:12

Talelan vàálan tan yáá o dimi ni. Condun o soli-on va vàá pilɛ a ŋuɛɛnu.