Condii lisai 102:1 - BII BILA

¹ Piɛile vana dɛnɛ palaa nɔ lɛ mayoomu loo piɛi len. Mó cɔm Mɛlɛka cɛɛŋɔnnda ndɔlan lenin aa:

Condii lisai 102:1 Referans Kwoze

Condii lisai 18:6

Yoei piɔ́mnde ndíì cii ya nin yiwyiw, yala piɔ́mndo va ya o toandaa laci.

Condii lisai 61:2

Éé Hala, tuei cɛɛŋɔnnda nilan, yaŋnun piɛile nilen.

Condii lisai 39:12

Le vanacieo mingio o nɛi n bandìla ndu ni, ma tuisi ndu sangaa coo le tɛɛmbuula ndɔlan, ma siɔŋi ɲɛ o kɛsi kɔllo coo-o mɛɛ kaangoa sɔam ɲɔɔ nuaa yɛ. Hoeiye daama vanacieo co ni.

Fulaa 2:23

Mɛɛ ɲɔɔ viow tei, mí masa va kon Esipte-o vu. Israɛlla va o cɛle len nin tuŋ, a va kuŋndan a koŋullo. Mí Hala tuɛi somisomin ndaa.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

Luke 22:44

Mí Yeesu buulan taw, mó piɛi a kpaayaa taw-taw, mí lalle muungu ndu maa makòó, mí i va delio lɛŋ maa matoŋtoŋ.

Cɛɛŋɔnnda Yeremi lan 3:44

Má viannun o yumbuyumboo nin, yɔŋii piɛile naalen le tiiyaa o nɔm ndo.

Cɛɛŋɔnnda Yeremi lan 3:8

I sanga yondaa haa le malaa sɔlaa, o cɛl mì piɛile nilen le tiiya le.

Condii lisai 143:7

Kpòkóó Mɛlɛka! Mulul-la cɔ́-cɔ́, diallon vi ya kpow. Faŋal-la hɔlaa nɔmnda le, yɔŋii ya siŋnun maa vana co tolɔɔ o soondo nin-ndo.

Condii lisai 143:4

Diallon vi ya, i tiw lɛ ba mì tosa ɲɛ-ɲɛ le.

Condii lisai 5:2

Éé Mɛlɛka! Yaŋnun sɔɔn nun mun, ma bii cɛɛŋɔn nuu bila.

2Dɛnnda lemasalan 30:27

O mɛɛlulan, mí leviaa-solia-lasálàá can, má dɔaw vannda duaa. Mí Hala tuɛi nda diom, mí piɛile ndalen le tiiya háá o halataala, o Calta diandaala Mɛlɛka lan pɛɛn.

1Samiɛl 9:16

«Siɔdii a telen vaa nuaa kpafii, i cɔmnin nɔm langbanɔɔ pum, fulaa o polale Bɛnyamɛn-nden nin. Ndu n pɔlanin le siŋnɔnndo masaa vanaa nia coo ni, Israɛlla pɛɛn. Ndu baŋanin nda Filistia o ba ni. Kani i yiyan caŋnda vanaa nia co ya o lani le nda malaa lan.»

Masaa kialaa n'yamaa 10:16

Mí Israɛlla faŋan piɔmaa nda va sooloo-a kɔɔli, má muungu vɛlɛ Mɛlɛka biiloo. Le hee, mí Mɛlɛka yiyan nda coo le sangala bɛndula nda va lan-ndan.

Condii lisai 145:19

O co vanaa nɔ siòòŋii ndɔɛi-ya o nda yeema-o yɔngoo, o co cɛɛŋɔnnda ndalan tuieyɔɔ mo va nda ciindiaa.

Condii lisai 77:3

Ɲin dɛnɛ palaa komal-la pɛ, i nuwviaa Maalii. Lɔan pii, i pɛngi balan heeloo o ndu lo le, I cɛl mì vana ɲɔɔlu ya le.

Condii lisai 62:8

Cinda nuu a bɛɛle nilen le co Hala o ba. Ndu co pow kpovaa a nɛɛ nia viannannda ni.

Condii lisai 42:4

Idii a icɔl, i co mɛmɛan pumndo. Vannda co ya ɲuuniaa tuŋ aa: «Kuɛɛ nɛ Hala nɔmndo co yɛ?»

Condii lisai 12:5

Vanaa kan co dimio aa: «A diɛɛmui nɛi naa n sɔla kpaaya ni, cɔcɔn naan co naa malaa, siòòŋii co naa a vana-vana le.»