Condii lisai 101:3 - BII BILA

³ I tosanin dɛnnda sendu le lan te. Dɛnnda vanaa nɔ laalan te-a la nɛinun ya bɔɔ, i nɔ mako a lan te.

Condii lisai 101:3 Referans Kwoze

Condii lisai 119:37

Tosa mì faŋa hɔlla ɲɛm fondon kɔɔli, mì tosa hɛnan nɔmndo.

SƐBƐ YƆB-O 31:1

«Náà n cii nin cɛlan naa hɔlta nilan, yáà bɛnda lɛ mì yáà tofa cua laandoo tofa iyeema le.

Talelan 6:25

Fúlà naŋɔɔ ndɔɔ lehɔl o kɔl nɔmndo nin te. Del o tɔɔndan nin le hɔlta koongola ndɔlan te.

Matie 5:28

Kɛ ya, i co niaa dimul: vana-vana tofa pɛ vanalanɔɔ tofa yeemɛi vɔɔndo, mɛɛ ndu cii suunda a vanalanɔ kon o kɔl ndɔɔ nin.

Condii lisai 40:4

O vow ya condii sɛnɛiye o sondo, condei le Hala naa lisaa. Vanaa bɔɔ-bɔɔ canin dɛnɛ kon, mì siòònde bii nda, mà laalan Mɛlɛka.

Fulaa 20:17

La fúla cɛi pilaa lehɔl te. La fúla lanɔ pilaa lehɔl te, la fúla cɛ piaandu pilaa, cɛ laandu pilaa, naw pilaa, sofɛlɛ pilaa lehɔl te. La fúla ɲɛ-ɲɛ co ɲɛ pilaa lehɔl te.»

Tɔŋ miingua 15:9

La mandan le yiyan vɔɔndo sɔlaa o kɔlta niaalan nin mì la dimi aa: ‹Vɔsi ŋɔmmɛwndɔɔ bendu lɛ le tiiyaa le, vɔsi vana mal vannda haki le kueelan-ndo›, yɔŋii niaa tofa puapilɛ niaa co o kuɛi nin-ndo tofa vɔɔndo, mì la tuŋ ndu ɲɛm niaan. Te la tosal ndu pɛ lende, mò koŋul o Mɛlɛka lo a niaa o sondo, mɛɛ hakio niaa tosa lende ni.

2Piɛr 2:21

Ɲɛ ndóò va fisa le nda-o co ni, hali mì ndáà sina nɛi dɛnɛ sandaa le, a ndu sinaa tɛ́ɛ́ ma muungu ma mulul tɔŋ diandaa ndóò tiiyalan nda-o kɔɔ.

Kalatea 4:9

Kɛ sunsun, la sínà Hala, o co yɛ niaa le sínà Hala le, ndu sínà niaa ni. Le yɛɛ niaa co yɛ vɛlɛ sɔɔn fondon nɔ mun tɔnɔ lon hɔlla mulullo? La yeema mì la muungu vɛlɛ mun o ba bɛngu?

Rɔmnda 12:9

Kaolaa bɛnda mò va a muulɔnndo le. La kpakpala dɛnɛ vɔɔndo, mì la kaola dɛnɛ kɛndɔɔ.

Yeremi 22:17

Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Vana Kɔlkaloo 6:9

Ɲɛ vana ca a lehɛl-lo co fisa a ɲɛ yeemɛi viam vana yiyanndo coo-o. Kon vɛlɛ bɛɛ, sanga fondoo fúú, ɲɛ fondoo kiltan kɔɔli co kon ni.

Yosue 23:6

Kɛ nduyɛ, la bii sɔɔn co n'sɛvaa o sɛbɛ tɔŋ Moise-o nin-ndon kpáŋ, mì la kela lecoo. La sei o ba kɛndɛ coo le, la sei o ba mɛl coo le.

Hebreea 10:39

Naa, n co vanaa muungu a makɔɔ le lou o ɲánndávàà le naa n co le, kɛ vanaa laalan Hala le cindaa sɔlaa-a.

Condii lisai 119:113

Vanaa kɔlta muuluannda hɛnan ya le, kɛ tɔŋ nɔmndo ya kaola ni.

Condii lisai 78:41

A va Hala ciŋilanndo tuŋ, a va O-Diandaa Israɛlla kɔllo tɛɛmbuuo.

Condii lisai 14:3

Kɛ nda kpow a mal nɛiyo, nda kpede a laasian latulu. Vana-vana co dɛnɛ kɛndɛ tosa le. O pilɛ bɛɛ!

Fulaa 32:8

A keŋela bɔɔ nɛi ya cɔm nda-o malɔɔ. A cɔw piɔmndo a sianion maa naw téndé, má baŋ vulan ndu o labɛngunin, má solul ndu sálàlan, má dimi aa: ‹Israɛlla, mì la ce hala niaa, ndu soli niaa o lɛŋnde Esipte len nin ni.›»

Misee 2:2

Yondolan lapum bɛɛ la hɛnan nda ni, a poonda. Cɛilan lapum bɛɛ nda fula hɔlten ni, a hɛlu. Delɔɔ nda del vanacieo coo a cɛi ndɔɔ kpow ni, ma de ndu a kɛ́ ndɔɔ kpede.

Esai 33:15

Fɔ vana co kelaa o dɛnɛ sandaa coo-o, vana co sɔɛi a sandei lɔ́ɔ́-lɔ́ɔ̀-o, o kɛɛ ɲɛm sɔlan delɔɔ coo-o, o koaŋ bala ndɔlan mo kɛɛ luɛyɔɔninndo-o, o kinda nila ndɔlan yɔŋii o tuei sɔɔn diyaa n'vanndon-ndo, o kinda hɔlta ndɔlan yɔŋii o cɔ dɛnɛ vɔɔndo tosanndo-o.

Esai 30:11

La faŋan o nɛi kpeekpeiyo coo, la mal nɛi sandaa mí la sei. La faŋa O-Diandaa Israɛlla naa o hɔlla!»

Condii lisai 39:1

Condii David-e, í fula o condun simlacinɔ vanaa n'condua nin-nde, Yedutun pɛɛn.

Condii lisai 125:5

Kɛ, o bɛnda mí nɔm óò faŋa vanaa co kelaa o nɛila tunduanndan coo-a a vanaa co dɛnnda vɔɔnndan tosaa-a kpow. Màá Israɛlla sɔla kɔlɲuloo!

Condii lisai 97:10

Niaa vanaa kaola Mɛlɛka-a, la kɛɛ yɔŋ vɔɔndo, Mɛlɛka co yoomula vanaa lo o lediom coo-a mandaa, o co nda baŋaa vanaa yɔŋ vɔɔnda o ba.

Condii lisai 78:57

Má muungu kelala vɔɔnndan maa fuɲaa ndaa mamaa, a lo o lediom coo a Hala le, má laasian maa kpaasiaa yoole kiolɛi.

Condii lisai 36:3

Kuundianndo hiow ndu bɔɔ ba! O sinà tɛɛmbuu ndɔɔ le, o mel ndu le.

1Samiɛl 15:11

«Mɔnɛi bii ya le hɛli ya hɛli Saul mí siinguu ndu masaa-o. Kani o mulul-la kɔɔ, o tosa sɔɔn ya dimul ndu le tosaa-on te.» Mí sɔɛi ken hiilu Samiɛl kɔllo taw, mó lɔl ɲinkon Mɛlɛka koŋullo o lani pii.

Tɔŋ miingua 13:17

Mì la cuungiaa bolofaa vanin o kobi kon nin-ndo kpow o falii ndɔɛi tɛɛn, mì la lom kobi kon a bolofaa kon kpow le Mɛlɛka Hala niaa. Kobi kon bɛnda mò lo ciee pɔmndo le fɛɛn a fɛɛn, vana mingi lɛnin ndu tangul te.

1Nsaŋ 2:19

Naa n tɛɛn nda fula ni, kɛ a ve vanaa naa le, kani te ndáà va pɛ vanaa naa, a va lo latulu naa ndaa. Kɛ i tósan lende haliko mi n sínà maa vana-vana o nda tɛɛn co o naa le.

Condii lisai 41:9

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»

Condii lisai 139:22

Vanaa kan nɛinun ya bɔɔ, a siŋnun yaamɔaa nia.

Talelan 6:12

Vana fondoo vana sendu loo co ni. A còòlan o sondo o kelaa ni.

Talelan 6:13

O co hɔlten kindaa le caanda palaa, o co sɔɛi a n'pelu, o co sɔɛi a tuuliaa a n'su.

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

Sakari 8:17

La túù le dɛnɛ vɔɔndo tosalanndo niaa pila tɛɛn vellaa-velle le. La yéémà mɛɛniannda lacòòvalan te. Kani dɛnnda lan kpede la nɛinun ya ni. Ya Mɛlɛka dimi lende ni.›»