Condii lisai 1:3 - BII BILA

³ Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

Condii lisai 1:3 Referans Kwoze

Yeremi 17:8

Vana kon co maa yɔm co o tɔalaa o peo kɔngɔ-o, ò puundun ndɔn talataliaa háá o mɛnndan nin di-o. Hangullo va bɛɛ hunɔɔ siòòŋii bii ndu le, Pei ndɔɛi co ikiyɛi lɔ́ɔ́-lɔ̀ɔ́. O va bɛɛ o vɔsi valo bɛndoo nin, o buulan te, o sanga a komɔɔ le.

Esekiɛl 47:12

Yɔmii koamɛi súú-súù ka i vulnin o pee pɔmbɔ kon coo, o kɔngɔla ndɔla tiɔnndan kpede coo. Pei yɔmii ken i ɲɔfɔliaanin te, kɔmnde ndalen bɛɛ le cuunin lecoo le. Ipaangu oo ipaangu yɔmii ken vanin tàlonndan solio, kani o cɛi-kola-toandaa diandaa nin mɛmma pee pɔmbɔ kon ma vanin cɔnɔnndo ni. Kɔmnde yɔmii ken le vanin le baloo dɔwnɔnndo, pei ndɛi ndi vanin le nààlan cɛwvo.»

Condii lisai 92:14

Le tùú nda co a tɔalaa o Cɛi-Hala-o nin-ndo, a kuinin o Hala naa lo bɛɛ.

Nsaŋ 15:6

Vana lo o ya nin te, ndu viownun o bɛ́ɛ̀ maa ilɛw, o kon o vesa, a cua ndu mɛɛ nda tingu ɲaandan vesɛiyon yɛ, a kɔ mal ndu o yin, o ŋɔɛ.

Esekiɛl 19:10

Maa rɛsɛn tum tɔlnun o mɛnndan kɔngɔ-o kala nɔm vannun ni. O va kɔmnden a puiyo taw-taw le tùú mɛnndan ma vannun ndon taw-vo.

O Kandɔɔ 39:23

O ve lɛ Yosɛf lehɔl kɔɔli le, kani Mɛlɛka va Yosɛf ikɛi, ɲɛ-ɲɛ o va tosaa, mí Mɛlɛka va ndu nɛŋio.

Dɛnnda cɔɔmuanndan 22:2

Yɔm yoomaa va o falii kobio tɛɛn a o kɔngɔla tiɔnnda pee kon coo, tɔ́ a lediin yɔm kon koam ni, ipaangu oo ipaangu o kom lepilɛ. A pei yɔm kon vanaa-mangalaa-isɔɔa sɔ̀la siongɔɔ ni.

Esekiɛl 17:8

O va o tɔalaa o lɛŋnde kɛndɛlen coo, o mɛmma bɛnduan ikɛi, haliko mi ndóò pui taw-taw mi ndóò kom kɔmnden pila, mi ndóò siŋnun rɛsɛn tum kɛndɛ-kɛndɔɔ.›

Matie 13:6

Kɛ mɛɛ paalen le fula, mí n ɲɔfɔliaa, mí n vesa, kani puundun ve le.

2Dɛnnda lemasalan 31:21

O dɛnnda o va tosaa le baala Cɛi-Hala-o, le Tɔŋ Hala-o a le silala Hala lan-ndan nin kpow, mó va Hala ndɔɔ nuwviaa a kɔl ndɔɔ kpow. Ɛ̀ɛ̀ nduyɛ, mí la bɛnda ndu o ba.

O Kandɔɔ 39:3

Mí Potifar sina maa Mɛlɛka va Yosɛf ikɛi, ɲɛ-ɲɛ Yosɛf va tosaa, mí Mɛlɛka va ndu nɛŋio.

Condii lisai 128:2

A dianin vali nɔmndo tɔnɔ, a dɔawnunnin duaa, mì dɛnndan kpow la bɛnda nɔm o ba.

Esai 3:10

La yonda mì la dimul vana sandaa maa o sɔlanin dɛnɛ kɛndɔɔ, bau o dianin kɔmnde dɛnnda ndɔlan tɔnɔ.

Esai 44:4

A vulnin ma hindu maa o bil nin, maa yɔmii pɔmbɔɛi co o peelan kɔngɔ-e.

SƐBƐ YƆB-O 14:9

mɛnndan ma del ndu dɔ́ɔ́ pɛ, o muungu o pui, o soli vɛlɛ lɛwvon maa tɔlɔɔ sɛnɛi.

Matie 21:34

Telen kiandaa n'rɛsɛnndo tiiyaa, mó viam buɛyaa ndɔa o vanaa tósà baalaa o nakɔ n'rɛsɛnndo nin-nda lo haliko mi ndóò sɔla tɔnɔ fula o nakɔ kon nin-ndo o ndɔɔ.

Matie 21:19

Mó ca voosu tumndo o nɛiyo lekɔɔ, mó sɔɔnguu, kɛ o komal ɲɛ-ɲɛ lecoo le, fɔ pei daama. O kon mó dimul ndu aa: «Nɔm a kum-ndɛ fɛɛn a fɛɛn te!» Fɔ́ɔ́fɔ̀, mí voosu kon vesa.

Yude 1:12

Nda kpeekpei co niaa palaa le ɲɛdiaa diom pilɛ niaa dioo ni, le dio lepulu nda dia-o, siɛmbula bii nda le, a nda pila koni nda buulan ni. Mɛɛ piɔɔ hel nuaa mì hoeiye hɔŋ, mò hiow o se le yɛ nda co ni. A co ko vɛlɛ kpen maa yɔm kɛɛ le komɔɔ hali a telen koamaa-o, ma va vɛlɛ a vílɛ́i maa yɔm nda sungu-o.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Matie 21:41

Má mulul ndu aa: «O diwnin vanaa diuvaa n'vanndacieaa kan o venin a iɲíí le, mò yɔngu vanaa baalaa celen nakɔ kalaa le mandaa, á kenin ndu tɔnɔ nakɔɔ o telen bɛnda-o-a.»

1Dɛnnda lemasalan 22:11

Lelan, po nuu, maa Mɛlɛka va nɔm ikɛi, haliko ma tiwba Cɛi-Mɛlɛka Hala nɔmndo tangullo, maa mɛɛ o dimi sɔɛi ken le nɔm yɛ!

Condii lisai 129:8

Vana hiavan-ndo diminin te aa: «Màá Mɛlɛka dɔw nɔm duaa!» O diola Mɛlɛka lan naa n co niaa duaa dɔvɔɔ nuaa ni.

2Dɛnnda lemasalan 32:23

O kon, mí vanaa bɔɔ-bɔɔ a yoo Mɛlɛka sálàlan Yerusalɛm, má yoo vɛlɛ Esekia va masaa Yuda-o ɲɛm-kéan taw. Kandɔɔ o telen kon, mí Esekia siŋnun vana vanaa-mangalaa-isɔɔa kpow a ke bɛɛlen-ndo.

Kundalan 24:6

Calta niaalan la kɔɛnnun kɛ́-kɛ̀ maa ladɛɛla. Vana ca lan ko aa nakɔla tɔlnun o peo kɔngɔ lan ni. Vana ce pɛ aa yɔmii aloɛs Mɛlɛka tɔl-le ni. Vana ca ko aa yɔmii sɛɛdrei co hindɔɔ o mɛnndan kɔngɔ-e ni.

Tɔŋ miingua 28:8

Mɛlɛka Hala niaa tuisinin duaa o ɲɛm niaa heelunin o lakonda-on coo, o dɔawnin valta niaalan kpow duaa. A toɲa, o dɔawnin niaa duaa taw o lɛŋnde o yɔngu niaa len nin.

2Masaa 18:7

Lelan, mí Mɛlɛka va ndu Esekia ikɛi, mí kpekula ndɔlan kpow la va diondɔɔ. Mó simul masaa Asiri, mó kɛɛ le vaa ndu o ba bɛngu.

1Dɛnnda lemasalan 22:13

Taa bii pɛ silalan a tɔŋnda Mɛlɛka yɔngu Moise le Israɛlla lan, mà kela lecoo, mɛɛ dɛnnda nɔmndan kpow la naŋnin. Lueí yoomuan ma sim yili. Siòòŋii bii nɔm te, ɲiiya le.

SƐBƐ YƆB-O 22:28

Ɲɛ-ɲɛ n tuu nin pɛ le tosaa, o biinun bila. Nɛi nɔmndo vanin nɛi diandaa válán.

Condii lisai 92:15

A vanin kɔmnden o yuuvɛi ndɛi nin, a naŋnin mà pui ɲɛkɛndɛi.

Esai 58:11

Ya Mɛlɛka simnin niaa laci telen oo telen, i piminin niaa o fondala vesɛilan nin, mì mingi yoomuan o dialun niaan nin. La vanin maa nakɔ nda co pɔɔliaa ɲɛkɛndɛi-yo, mì la siŋnun maa pee lebol mɛnndan ma vela nin too.

Esekiɛl 31:5

Lelan yɔm sɛɛdre kon ndóò bandu ni mó hiaw yɔmii va yondoo nin-nde faw. Mí lɛvun ndɔn kui taw-taw, mí n pɛngɛlan ɲɛkɛndɛi le mɛmma bɛnduma va hunɔɔ lebɛngu-an.