Condii kɛndɛ-kɛndɛi 8:9 - BII BILA

⁹ Te kpakio o co ni, n cɔawnin cɛila cumulaalan lecoo a volin humbon. Kɛ te dio cɛiyo o co le vanpiaandua kpow ni, n kindanin ndu a pɛngɛi yɔm Sɛɛdre.

Condii kɛndɛ-kɛndɛi 8:9 Referans Kwoze

Dɛnnda kiilaa 15:16

‹O kon kɔɔli, i hunnin vɛlɛ mì mingi cɛi David del-lo toosiaa, i minginin ndu tangul, mì mingi ndu simi.

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

Matie 16:18

Ya, i co nɔm dimul, Piɛr n co ni, powvo pɛɛn, o powvo ho coo ya tangulnin kunda vanaa laalaŋaa nia ni, kpaaya piɔ́mndo nɔlanin kunda kon ɲɛ-ɲɛ tosa le.

Esai 61:4

A minginin tangullo o ɲɛla koombiaa paandu lan coo, mà mingi bémbéla paandulan cɔvɔɔ, a kobila vannun fondo lan, la va nin pɔmndan sindɛ pa lan pɛɛn.

Esai 60:17

Yɔŋii ya hun a daɲan, i hunnin a sianion, yɔŋii ya hun a cilinndon, i hunnin a volion, yɔŋii ya hun a yɔmnde, i hunnin a daɲan, yɔŋii ya hun a powtan, i hunnin a cilinndon. I handunin kɔlɲuloo le nɔm hɔlla landɔɔ coo, mì handu dɛnɛ sandaa le nɔm masalen tosaa coo.

Esai 58:12

Vanaa niaa minginin bémbéla paandulan tangul, mà siownin baalala vanaa hiow sindɛ-a ndáà kandu lan, (vannda) veelunin niaa aa vanaa baŋulaa n'tɛɛngua, vanaa co nɛila pɔmbɔlan mingio toosiaa-a, a co lɛŋnden mingio toosiaa le vannda calle lenin-nda.»

Condii kɛndɛ-kɛndɛi 2:9

Vanapɔnɔ ya kaola-o velan a púvɔ́ɔ́ te kon te a kial cuaa. Tofa vɔ ndu! O co o cìì cɛi naa kɔɔli, o co tofaa o dio-pɔmbɔɔ, o co mɛɛndanndo o tɛɛngon.

1Masaa 6:15

mó kumbu cììn Cɛi kalaa lenin a pɛngɛn sɛɛdreon, kandɔɔ lɛŋ helɔɔ háá o kpóŋndán. Mó yɛɛmbuu pɛngɛn siprɛsion lɛŋ le Cɛiyo lenin kpow kumbɔɔ.

Tɔŋ miingua 22:8

Taa tangul pɛ cɛi sɛnɛiyo, a bɛnda ma balu kpakio cɔvɔɔ o yindɔɔ coo sɔ́, yɔŋii vanndo hiɔlun ndon mo del mo vi, mì sɔɛi piɔ́m ndɔɔ i hel nɔm o lebol.

Condii kɛndɛ-kɛndɛi 1:11

N co nɔm yɔɔva n'sianio tosal mì n mɛli yɔɔvama volin humbuan lenin mapilɛn-pilɛn.