Condii kɛndɛ-kɛndɛi 8:8 - BII BILA

⁸ N nɔ pɔmbɔ naa laandoo pum, mɛɛma pe vɔ ndu o ibuŋ te. Paale vanndo fulanin ndu kɔɔli le nɔu len, yɛɛ nɛ naa n tosa yɛnin a pɔmbɔ naa laandu kon?

Condii kɛndɛ-kɛndɛi 8:8 Referans Kwoze

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

Condii lisai 2:8

Ɲuna ya, mì yɔngu nɔm vanaa-mangalaa-isɔɔa kpede kɛ́ɔ, mì ke nɔm lɛŋnden háá o mɛɛlula ndɔlan, mì le va ɲɛ nɔm pɛ́-pɛ́.

Dɛnnda kiilaa 22:21

O kon mí Maalii dimul-la aa: ‹Kɔ, i viamnin nɔm o vanaa co N'Yuifi le-a lo.›»

Dɛnnda kiilaa 16:9

Icɔllo pum, mí Pol ca vundulen: mí Maseduannɔɔ pum sim ndu o hɔl, mó tɛɛlun ndu aa: «Hun Maseduan mà mala naa.»

Dɛnnda kiilaa 10:1

Langbanɔ pilɛ va Sesaree diolan Kɔrnɛil, ndu va simlacinɔ kunda vanaa cɔvaa kɛmɛa rɔmnda ni, kunda ndáà veelu vɛlɛ aa: «Kunda fula o lɛŋnde Italii len nin-ndo» pɛɛn.

Dɛnnda kiilaa 7:38

Telen vannda ndáà cuungian o lɛŋnde veselɛilen nin-ndo, ndu koni va vɛlɛ kiilalen mɛlɛkanɔ nda va suukanndo o pembei Sinai coo-o tɛɛn nda fuɲaa naa mamaa ni. Mí Moise sɔla sɔɔn yɔngu vana cindaa-on Hala o ba le naa mun tɛɛngullo.

Nsaŋ 10:16

I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.

Luke 19:44

À co kobi niaa tɛɛmbuu a vana-vana co lenin, hali powvo pilɛ a mɛinin o pow celen coo le, kani la sina tuma Hala hin o niaa lo le niaa malaa-o le.»

Esekiɛl 23:33

Nɔm Oholiba, a pumnin mɔiyan, ma pim vɛlɛ mɔnɛi, kani taala kólaa imɔnɔɔ a taala kólaa dɛnɛ palaa taala kólaa Samari bɛ nɔm-ndo co ni.

Esekiɛl 16:61

A loonunnin a kela nɔmndo o kɔɔ mì siɛmbulan la bii nɔm lɔ́ɔ́ n sɔɔnguunin bɛndaa nɔmaa laandua a à pɔmbɔa ikɛi-yo. I yɔngunin nɔm nda mà siŋnun maa cuavaa nɔmaa laandu, kɛ o co le kpema co naa tɛɛn naa nɔmndo le!

Esekiɛl 16:46

Bɛ nɔm laandoo, o co nɔm a maluaŋ-ndo co Samari a cieon balu ndu-on ni, pɔmbɔ nɔm laandu co nɔm a too-o co Sodɔm a cieon balu ndu-on ni.

Esekiɛl 16:7

Mí vangala nɔm taw-taw, má kui maa billo yondoo nin, má can o boondei coo, má hindu, má naŋ naŋɔɔ pila. Mí mɛɛma nɔmndan má kiilian nɔm o ibuŋ, mí yiiŋii nɔmnde del kɛpuu-kɛpuu. Kɛ tum fondo fúú n va ni, a vannun kɔɔle fondo fúú.

Esai 49:6

O dimul-la aa: «O co dɛnɛ pɔmbɔ, le nɔm siŋnɔnndo vana ni baalaa daama, le polama cuavaa Yakɔb-a mingio toosiaa a le Israɛlaa lo vɔ yoomu-a mingio o nda lo. Kɛ handɔɔ o kon coo, i kɛsi nɔm le vaa ɲɛ-tengaa le vanaa-mangalaa-isɔɔa, haliko mi nda bɛɛ sɔla cinda nuu háá nɛɛ lɛŋnden le mɛɛlu-a.»

Condii kɛndɛ-kɛndɛi 8:10

Ya, kpakio ya co ni, maa cɛila coocoo mɛɛma nian ma co ni. I yɔŋnun ndu o hɔl maa vanalanɔ yɔngu kɔlɲuloo-o.

Condii kɛndɛ-kɛndɛi 7:3

Vana ca ko pule nɔmnden aa taala kólaa tiilanndo ni, ò mɔima cun kɛndɛan ma cuu nin too. Vana ca ko dembe nɔmndo aa malun kundan bil kɛndɛ-kɛndɔɔ balu pindo-on ni.

Condii kɛndɛ-kɛndɛi 4:5

Vana ca ko mɛɛma nɔmma miɔnndan aa púwvɛa cuawva nda ŋiɔn ni. Vana ca ko man aa púwvɛa pɛndua co diolan o bil kɛndɛ-kɛndɔɔ nin ni.

Condii kɛndɛ-kɛndɛi 8:9

Te kpakio o co ni, n cɔawnin cɛila cumulaalan lecoo a volin humbon. Kɛ te dio cɛiyo o co le vanpiaandua kpow ni, n kindanin ndu a pɛngɛi yɔm Sɛɛdre.