Condii kɛndɛ-kɛndɛi 8:6 - BII BILA

⁶ Hol-la o kɔl nɔmndo coo maa tampɔm, manda ya mì va nɔm ikɛi maa kelɛi ba n sɛva diola nɔmndan coo-e. Kani mɛɛ piɔ́mndo nɔ yoomuan yɛ, lende koni kaolaa bɛɛ nɔ yoomuan ni. Mɛɛ ciee-piɔ́m kendu nuaa yɛ lende koni paŋalaa bɛɛ kendu ni. Vana nɔla ndu tundɔɔ le. Vana ca ko yelenyelen paŋalaa aa yelenyelen leyinndo ni, yinnde fula o Mɛlɛka lo len pɛɛn.

Condii kɛndɛ-kɛndɛi 8:6 Referans Kwoze

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

Esai 49:16

Kani la tofa vɔ, i sɛva niaa o bala nila kɔltan coo, kpakila niaalan la co ya o hɔl telen oo telen.

Aasee 2:23

Paale len, ya Mɛlɛka-Nɔ-Kpaayaa-Kpow-vo co sɔɛi nuaa ni, i cuanin nɔm Sorobabɛl po Sealtiɛl-lo, nɔm vana ni baalaa pɛɛn, ya Mɛlɛka-Nɔ-Kpaayaa-Kpow-vo co sɔɛi nuaa ni, mì siinguu nɔm maa kelɛi tampɔŋii lemasa, kani nɔm ya hɛli ni. Diom ya Mɛlɛka-Nɔ-Kpaayaa-Kpow-vo soo-o co kon ni.»

Condii kɛndɛ-kɛndɛi 5:8

Felengia laandua Yerusalɛm, i tɛɛlun niaa, te la bɔŋan pɛ a vanapɔnɔ ya kaola hoo-o, vɛ̀ɛ̀ niaa dimul-lɛnin ndu kpeekpei? La dimul-la ndu aa i co a nàà kaolaa.

Yeremi 22:24

Ya Mɛlɛka i co yoomu! Sɔɛi fula ya o sondo-e co hee ni aa: «Hali Konia po Yokim masaa Yuda-o ndóò va bɛɛ kelɛi sui lemasɛi vana vownun o ba kɛndɔɔ-e, i va ndi solin o isu.

Talelan 6:34

Kani paŋalaa lueì vanapɔnɔɔ o yolɛi ni. Paale o vanin màá mingio len, ɲíí biinin ndu le.

Condii lisai 84:2

Éé Mɛlɛka-Nɔ-Kpaayaa-Kpow-vo, i kaola bɔɔ cɛi nɔmndo!

Tɔŋ miingua 32:21

A tindi paŋala nuu ya nin a ɲɛ co hala loo, a tuulu ya kɔllo a piɔmaa ndaa fondoa. Lelan, ya bɛɛ, i co nda paŋalaa luei o kɔl a vanaa-mangalaa-isɔaa co vanaa sɔvɛ le-a, i co nda kɔllo tuulu a vanaa kindu lakɔl te-a.

Kundalan 5:14

Te paŋalaa bii pɛ pɔnɔ ndɔ, mò ciiku laa ndɔ a sɔɛi vaa lende, laa ndɔ tósá dɛnɛ nɔɔlɛi vaa lende, ò tósà ndu le,

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

Condii lisai 120:4

Kɔɔn cɔvun luɛyaa mɛnndonndon a dɛngulta leyinnda sɔngɔɲɔnndan o cucunin niaa coo ni.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

Rɔmnda 12:20

Lelan, «Te yiaan ma nɛi pɛ yaamɔɔ nɔmndo, ke ndu ɲɛdiaa, te kolɔɔ bii ndu pɛ, ke ndu mò kol. Taa tosa pɛ lende, maa ladɛngulta biyaalan n co ndu dengeliaa o lebol lende ni.»

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Sakari 3:9

Kani pow ya kɛsi Yosue laci-o, kpengon mún ŋɔmmɛw n co o pow pilɛ kon ni. Ya pila sɛvanin sɛva vanin lecoo-o ni. Ya Mɛlɛka-Nɔ-Kpaayaa-Kpow-vo dimi lende ni. O paalen len pilɛ bɛngu ya co haki lɛŋnden nden faŋa ni.

Talelan 25:22

Kani dɛngultan biyaalan n co ndu dengelaa o lebol lende ni. O kon Mɛlɛka dɔawnin nɔm vɔ̀ngɔ̀.

Kundalan 25:11

«Pineas, po Eleasar-o, po imamaa Aarɔn-ndo faŋa kɔl ni tuwvo Israɛlla coo, kani o tosa paŋalaa le ya o nda tɛɛn. Kon tosa ni, i cii Israɛlla diw a kɔltuwvo le paŋalaa le.

Fulaa 28:21

Mì diola poaa tɔ́ a à ŋiɔŋaa Israɛl-la la va lasialaa lecoo mɛɛ nda sial sɛvaa o powvo le ndu siinguuo tampɔnndo nuaa yɛ. Mì pow oo pow nɔ diola vana pilɛ o poaa tɔ́ a à ŋiɔŋaa Israɛl-laa kan tɛɛn.

Condii lisai 63:1

Condii David soli-e, telen o va Yuda o lɛŋnde veselɛilen nin-ndo.

1Dɛnnda lemasalan 11:18

O kon mí kuubaa yáá-aa kan dimi aa: «Mɛɛ la va pɛ la va!» Má kɔa cɔ́-cɔ́, má kɔ luɛi a kpaayaa o dɔ́ɔ́ngɔ́ɔ̀ Filistia nin, má kɔandu mɛmma kalan. Má muungu a man, má kɔ yɔngu David. Kɛ David cɛl le man kolɔɔ le, mó solul Mɛlɛka man sálàá, mó cuiŋi man lɛŋ.