Condii kɛndɛ-kɛndɛi 8:12 - BII BILA

¹² Ya ya, le ya nakɔ n'rɛsɛn nuu co ni. Ya pila co ndu mandaa ni. Nɔm Salomɔn, nɔm nɔ volin latámán vàá pilɛ, kpalilaa cumulaa nɔ volin latámán kɛmɛ lediin.

Condii kɛndɛ-kɛndɛi 8:12 Referans Kwoze

Condii kɛndɛ-kɛndɛi 1:6

La tófà yáw ni tiŋio le, paalen le piimiaa ya ni. Mɛɛ yemaa nia tuulu kɔl a ya, má siinguu ya vana mandaa lanakɔ n'rɛsɛnndo, nakɔ n'rɛsɛn ni ya pilaa niko, i manda lɛ kon te.

1Tesalonikea 2:19

Kani niaa naa n tiindan ni, o niaa nin naa n dɔawnun ɲaale ni. Telen Maalii Yeesu hunnin-ndo, niaa vanin tɔɔmasele cɔ̀m maa n nɔla-o ni.

2Korɛntea 5:15

Nduyɛ le vanndacieea kpow o vi vu kon ni, haliko vanaa co yoomua va lɛ yoomu le nda pila le, kɛ le vana vi mó tendul le nda-o.

1Korɛntea 6:20

Hala pendu niaa a vɔngu bɛndoo ni. Lelan la biilu ndu a dialun nian a á kɔlta niaalan.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Talelan 4:23

Manda kɔl nɔmndo hiovɔɔ ɲɛm tɔ̀un kpow coo, kani lon yoomu nɔmndo cɛn tum ni.

Talelan 27:18

Vana caa pɛ tɔlɔɔ biyɔɔ, a de kɔmnde ndɔlen. Vana baalaa diikun pɛ vana ndɔ bɛndoo o sɔla bɛɛlen.

Condii kɛndɛ-kɛndɛi 2:3

«Mɛɛ yɔm pomiee co yɔmnde tɛɛn o bundɔɔ nin yɛ, lende koni vana ya kaola hoo-o co felengia piaandua tɛɛn ni. Ɲɔɔ hɛnan ya le calle o vundule ndɔlen bɛngu, kɔmnde ndɔlen le yeela ya o sondo taw.

Condii kɛndɛ-kɛndɛi 8:11

Salomɔn ndóò nɔ nakɔ n'rɛsɛnndo Baal-Hamɔn, mó sɔaa nakɔ kon kpalilaa cumulaa o ba. O nda tɛɛn, vana-vana va ndu volin latámán vàá pilɛ cuuo le rɛsɛŋun ndɔn.

Condii kɛndɛ-kɛndɛi 8:13

Nɔm vanalanɔ co icali o nakɔlan nin-ndo, caaŋaa naa co nilan yaŋɔɔ le diom nɔmndo tueyɔɔ. Kɛ, o bɛnda ma dimi aa: