Condii kɛndɛ-kɛndɛi 6:4 - BII BILA

⁴ Caan ni laandoo sei, a naŋ bɔɔ, a naŋ bɔɔ maa kobio Tirsa. A connun o kɛndɛ válán maa Yerusalɛm, kɛ a vueinun bɔɔ maa vanaa cɔw.

Condii kɛndɛ-kɛndɛi 6:4 Referans Kwoze

Condii kɛndɛ-kɛndɛi 6:10

‹Nɛ̀ɛ́-nɛ̀ co yɛ hoo fulaa muɲɛɛ maa ɲɛ-tengaa paale siaa? Vanndo ho naŋ maa ipaangu, o dendu maa lepala, kɛ o vueinun bɔɔ maa vanaa cɔw›.

Condii lisai 48:2

Mɛlɛka co o bɔɔ! Le ndu lisaa kpow bɛnda o kobi Hala naa nin a o pembii ndɔɛi diandɛi coo ni.

1Masaa 14:17

O kon, mí lanɔɔ Yeroboam can, mó muungu Tirsa. Mó tiiya o ndu lo bɛɛ, kɛ cuaa dɔ́ɔ́ pelei le lueiyo cɛinin, mí poombɔɔ malnun kɔl.

Dɛnnda cɔɔmuanndan 21:2

Mí ca kobi diandaa, Yerusalɛm sɛnɛiyo tolɔɔ fulaa o halataala o Hala lo, o va o bɛɛndiaa mɛɛ nda bɛɛndiaa vanalanɔɔ le ndu yɔɔ o nɔu o pɔnɔ ndɔ lo nuaa yɛ.

Cɛɛŋɔnnda Yeremi lan 2:15

Vanaa co hiovɔɔ-a kpow a co balan lɔɔ le tambii nɔmnde, a co huiyon hɔŋndo, mà va bolle hiŋndo le nɔm mamɔɔ le dɛnɛ yɔŋnun nɔm kobio Yerusalɛm-ndo, mà va ɲunanndo aa: ‹Vɛ̀ɛ̀ kobio ho ndáà veelu paandu ni aa: Naŋɔɔ bɛndoo a Kɔlkɛndɛ lelɛŋndo?›

Condii kɛndɛ-kɛndɛi 4:7

Caan ni laandoo, a naŋ bɔɔ! A nɔ lenamta o dialun nɔmndon nin te.

Condii kɛndɛ-kɛndɛi 2:14

Éé poonpoon ni laandu nɔ vɛɛnnden o tɛɛngon nin o powta kpovalan tɛɛn-ndo, ó co o viannanndo nɛɛ feke-fekea-o. Cɔm ya hɔlaa nɔmnda, tosa mì tuei diom nɔmndo. Kani a naŋ bɔɔ diomndo, a naŋ bɔɔ vɛlɛ hɔlla.›»

Condii lisai 50:2

Hala fula ceen o kobi kɛndɛ-kɛndɔɔ Siɔn nin, ɲɛ-tengaa balu ndu pindo.

Efɛsea 5:27

Kani ndu pila ndóò yeema mì ndóò ce kunda vanaa laalannda o diandaa, o biilu ndɔ bɛndoo nin, o ve a isɔw le, o ve a sɔŋ te, o ve o ɲɔfɔliaa le, te kon te tambii súú oo súù.

2Korɛntea 10:4

Kani ɲɛm cɔvun naa n co cɔlɔbaa-on n co ɲɛm cɔvun n'vanndaciee le. Kɛ ɲɛm cɔvun kpaayan Hala yɔngu-on n co ni, n vana tɛɛmbuu fondala mayoomulan-ndon. Naa n co vanaa co tùúla fondolan tɛɛmbuuo-a ni.

Sakari 12:3

Paale len, i siinguunin Yerusalɛm maa pow lusulaa le vanaa-mangalaa-isɔɔa súúlan kpow. Vanaa cuanin ndu-a kpow boolunnin taw. Vanaa-mangalaa-isɔɔa kpow a cuungiannin le ndu cɔlɔbaa.

Condii kɛndɛ-kɛndɛi 5:2

I va o malɔ, kɛ kɔl nuu va lahɔl. Diom vanapɔnɔ ya kaola-o co dioo lɔɔ nuaa ni. Ndu co dimio nuaa ni aa: ‹Kumbil-la dioo, yemanndo, caan ni laandoo, poonpoon nuu, tivɔnndo caan ni, kumbil-la dioo mbɔ̀! Kani mɔ́mndo kumbu ya bollen mɔku-mɔku, yiiŋii nii yiwnannde lindan lingili a pɔɔpɔɔma deli icɔl-lan.›

Condii kɛndɛ-kɛndɛi 1:15

A naŋ bɔɔ hɔlla, nɔm caan ni laandoo, a naŋ bɔɔ mbɔ̀! Hɔlta nɔmndan la naŋ bɔɔ maa n'poonpoon.

Condii kɛndɛ-kɛndɛi 1:5

Cuaambɔa laandua Yerusalɛm sei, o tiŋi ya co ni, kɛ i naŋ taw. I co o tiŋi ŋɛlɛngi-ŋɛlɛngi maa cɛila-kolala-toandaalan Kedar, i naŋ maa cɛila pɔmbɔla Salomɔn-ndan.

1Masaa 15:33

Asa tosaa masalen vɔsilan tan yáá o tàndá Yuda-o coo, mí Baesa, po Ahiya-o siŋnun masa Israɛlla kpow. Tirsa o va icali ni, mó tosa masalen vɔsilan bidiin a lahiɔɔlu.

1Masaa 15:21

Lɔ́ɔ́ Baesa tuei sɔɛi ken-ndo, mó mal Rama kungaa, mó muungu, mó kɔ cal Tirsa.

Condii lisai 48:3

Yerusalɛm co o heelaa o naŋɔɔ nin, o co kɔlkɛndɔɔ yɔngoo o lɛŋnden kpow coo. O pembei Siɔn coo, i co a ba luaŋ-ndo-e, lon kobi Masa bɛndoo co ni.