Condii kɛndɛ-kɛndɛi 6:2 - BII BILA

² Vanapɔnɔ ya kaola-o tol o nakɔ ndɔɔ nin, o kɔɛ o bungɛi nakɔɛi ɲɛm cun kɛndɔn co nin-nde nin le cɔlua ndɔa yɔɔ diólan o nakɔlan nin, a le yandɔɔ bil kɛndɛ-kɛndɔɔ kiɔndɔɔ.

Condii kɛndɛ-kɛndɛi 6:2 Referans Kwoze

Condii kɛndɛ-kɛndɛi 5:13

Vana ca ko kuula ndɔlan aa fonda nda tɔl bil kɛndɛ-kɛndɔɔ-o ni. Vana ca ko cɔcɔn ndɔn aa bil nɔ yandɔɔ kɛndɛ-kɛndɔɔ-o ni, nɛɛ mir co talaa-a.

Dɛnnda cɔɔmuanndan 7:17

Kani Saa téndé co o kpɛŋɛ lemasaa tɛɛn-ndo nɔnin nda hɔlten coo. O simnin nda laci le nda yɔɔ o soonnda kólaala mɛmma yoomaalan. Hala vɔɔsuunin nda mɛmɛan kpow o lahɔl.»

Nsaŋ 17:24

Pua, i yeema mì vanaa n ke ya-a bɛɛ va naa ndaa latulu nɛɛ ya co-a, haliko ma mɛɛndian biilu nuu, o n ke ya-o pɛɛn, kani lɔ́ɔ́ pá mì ceendo cɔawnun, nɔm óò kaola nin ya.

Nsaŋ 14:3

Lelan, te i kɔɛ pɛ mì kɔ bɛɛndial niaa fondaa, i muungunin, mì hun kɔ a niaa, haliko mi niaa bɛɛ la kɔ va nɛɛ ya co-a.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Matie 18:20

Kani nɛɛ vanaa ŋiɔn, te kon te vanaa yaa cuungian pɛ o diola nilan, i co nda tɛɛn.»

Sofoni 3:17

Kani Mɛlɛka, Hala niaa co niaa tɛɛn. Kuubanɔ co niaa baŋaa-o o co ni. O co a kɔlkɛndɔɔ taw le niaa, o mingi kaola ndɔɔ o sɛnɛi le niaa. A toɲa, o yonda a kɔlkɛndɔɔ mó dɔawnun ɲaale le niaa

Esekiɛl 34:23

O kon, i sɔɔ nda vana mandaa n'saa o ba, o vanin nda yɔɔ diólan-ndo. Vana ni baalaa David pɛɛn, ndu vanin nda yɔɔ diólan ni, ndu vanin vana mandaa ndaa ni.

Esai 61:11

Kani mɛɛ lɛŋnden le soli ɲɛ vul lecoo-o yɛ, mɛɛ nakɔɔ soli ɲɛ tɔlnun lecoo-o mò vil nuaa yɛ, lende koni Maalii Hala tosanin ni, mì dɛnɛ sandaa a lisaa vil vanaa-mangalaa-isɔɔa kpow o hɔl.

Esai 58:11

Ya Mɛlɛka simnin niaa laci telen oo telen, i piminin niaa o fondala vesɛilan nin, mì mingi yoomuan o dialun niaan nin. La vanin maa nakɔ nda co pɔɔliaa ɲɛkɛndɛi-yo, mì la siŋnun maa pee lebol mɛnndan ma vela nin too.

Esai 57:1

Vanaa sandaa co piɔ́mndo sɔlaa, kɛ vana-vana co saalan le vu nda co kon ndo le, vanaa tosaa dɛnɛ kɛndɛa co cuuo, kɛ vana-vana co bila biyɔɔ maa le dɛnɛ vɔɔndo hiɔlɔnndo le nda co cuu kon te.

Esai 40:11

O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.

Condii kɛndɛ-kɛndɛi 6:11

I co tolɔɔ o nakɔ yɔmii koamaa nin le peengela kɛndɛla co o bóllo nin-ndan tofaa, le tofaa te rɛsɛnndon co vulɔɔ, te krenadiee co yandɔɔ.

Condii kɛndɛ-kɛndɛi 4:12

Nakɔ co o kindaa kpaŋ-ndo n co ni, yemanndo, nɔm ya co cuaa o nɔu nin-ndo. Mɛmma itɛɛnguma co makindan-ndan n co ni, soon kólaa co o kungaa-o lekɛ́ndɛi n co ni.

Condii kɛndɛ-kɛndɛi 2:16

«Vanapɔnɔ ni ya kaola taw-vo co le ya, ya bɛɛ i co le ndu. O bil kɛndɛ-kɛndɔɔ tɛɛn o yaa cɔlua ndɔa diólan ni.

Condii kɛndɛ-kɛndɛi 4:5

Vana ca ko mɛɛma nɔmma miɔnndan aa púwvɛa cuawva nda ŋiɔn ni. Vana ca ko man aa púwvɛa pɛndua co diolan o bil kɛndɛ-kɛndɔɔ nin ni.

Condii kɛndɛ-kɛndɛi 4:16

Hoeyii fula a ba luaŋ-ndo-e, cɔn! Hoeyii fula a ba too-e, hɔŋ! La hɔŋ o nakɔ nuu coo haliko mi cun ndɔ kɛndɔɔ tiw kpow. Màá vanapɔnɔ ya kaola hoo-o luɛi o nakɔ ndɔɔ nin, mò de kɔmnde yeelɛilen!»

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.