Condii kɛndɛ-kɛndɛi 6:11 - BII BILA

¹¹ I co tolɔɔ o nakɔ yɔmii koamaa nin le peengela kɛndɛla co o bóllo nin-ndan tofaa, le tofaa te rɛsɛnndon co vulɔɔ, te krenadiee co yandɔɔ.

Condii kɛndɛ-kɛndɛi 6:11 Referans Kwoze

Condii kɛndɛ-kɛndɛi 7:12

Hun n kɔ, nɔm vanapɔnɔ ya kaola hoo-o, n fula mì n kɔɛ yondoo nin, n kɔ mì n kɔ va lɔan o sɔndɔkɔltan.

Dɛnnda kiilaa 15:36

Telen pum o kon kɔɔli, mí Pol dimul Barnabas aa: «N muungu mì n kɔ yil puapilɛa naa o kobila naa n kei sɔɛi Maalii-e dimi lan nin kpow, mì n sina mɛɛ nda koma va yɛ.»

Marke 11:13

Ndóò cɔu voosu tum puiyaa lándán, mó kɔ tofa te ndóò saalunnin ɲɛ lecoo. Kɛ ndóò sɔɔnguuo macɛlu, mó ca maa pei daama va lecoo ni, kani o ve telen voosun koam te.

Condii kɛndɛ-kɛndɛi 6:2

Vanapɔnɔ ya kaola-o tol o nakɔ ndɔɔ nin, o kɔɛ o bungɛi nakɔɛi ɲɛm cun kɛndɔn co nin-nde nin le cɔlua ndɔa yɔɔ diólan o nakɔlan nin, a le yandɔɔ bil kɛndɛ-kɛndɔɔ kiɔndɔɔ.

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

O Kandɔɔ 2:9

Mó soli yɔmnde súúlan kpow o nakɔ kon nin, í naŋ o tofaa mi ì yeela o dioo-e. Mó soli yɔm cindaa o nakɔɔ tɛɛn déŋ, mó soli vɛlɛ yɔm tosa mì vana siná dɛnɛ kɛndɔɔ a dɛnɛ vɔɔndo-o.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Luke 13:7

O kon, mó dimul vana va nakɔ n'rɛsɛn kon mandaa-o aa: ‹Tofa vɔ, vɔsilan tan yáá co hoo ni, i co hunɔɔ voosun koaman nuwviaa o vosoo ho coo, kɛ i co ɲɛ-ɲɛ komal te. Kiolu ndu. O bɛnda mò bii fondaa o lɛŋnden coo fúú le!›

O Kandɔɔ 40:10

lɛwvon va o rɛsɛn kon coo mún yáá. Mó kandu dɔ́ɔ́ kuumiaa, mó yandu, mí rɛsɛŋun va o kpɔ̀nyɔ̀lan-ndon diw.

Condii kɛndɛ-kɛndɛi 6:12

I co lɛ ɲɛ-ɲɛ bila biyɔɔ le, a mingi ya vana tálákúláá-o, ya fula hoo o yungu latɔ́ɔ́-tɔ́ɔ́ nin-ndo.»

Condii kɛndɛ-kɛndɛi 7:13

O kon paalen le sɛ dɔ́ɔ́ pɛ, n kɔɛnnun o nakɔla n'rɛsɛnndan nin. N canin te rɛsɛnndon co yandɔɔ, te n co talunndan solio, te peengelan la kandu fulaa o yandɔɔ, te krenadiee bɛɛ co yandɔɔ. Lon ya kenin nɔm kaola nuu ni.