Condii kɛndɛ-kɛndɛi 5:6 - BII BILA

⁶ Mí kumbil vanapɔnɔ ya kaola hoo-o dioo, kɛ ndóò kɔɛnnun nin, o ve lɛ o dio le. Tuma o va sɔɛi o ya lo-o, i ve o ya pila nin te few. Mí fula nuwviaa ndu, kɛ i seelun ndu le. Mí veelu ndu, kɛ o cɛl te.

Condii kɛndɛ-kɛndɛi 5:6 Referans Kwoze

Condii kɛndɛ-kɛndɛi 5:2

I va o malɔ, kɛ kɔl nuu va lahɔl. Diom vanapɔnɔ ya kaola-o co dioo lɔɔ nuaa ni. Ndu co dimio nuaa ni aa: ‹Kumbil-la dioo, yemanndo, caan ni laandoo, poonpoon nuu, tivɔnndo caan ni, kumbil-la dioo mbɔ̀! Kani mɔ́mndo kumbu ya bollen mɔku-mɔku, yiiŋii nii yiwnannde lindan lingili a pɔɔpɔɔma deli icɔl-lan.›

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

Marke 14:72

Fɔ́ɔ́fɔ̀, mí kongillo koova vɛlɛ o diinndɔɔ. O kon, mí Piɛr yiyan sɔɛi Yeesu ndóò dimul ndu-e maa: «Lɔ́ɔ́ pá kongillo koova lediin, a vuununnin leyáá maa a sina ya le.» O kon mó caŋ.

Matie 26:75

O kon, mí Piɛr yiyan sɔɛi Yeesu ndóò dimul ndu-e aa: «Lɔ́ɔ́ pá kongillo koova, a vuununnin leyáá maa a sina ya le.» Mí Piɛr fula, mó kɔ caŋ taw.

Sakari 7:13

Mó dimi aa: Le tùú ya va nda veeloo má kɛɛ le nilan yaŋɔɔ-o, nda bɛɛ a veelunin ya, kɛ i yeŋnin nda lani le. Ya Mɛlɛka-Nɔ-Kpaayaa-Kpow-vo soo nuaa ni.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

Osee 5:6

A cuanin saa ndaa a navaa ndaa mà kɔɛ Mɛlɛka nuwviaa a nda. Kɛ a seelunnin ndu le, kani o kɔɛ nda levil.

Cɛɛŋɔnnda Yeremi lan 3:8

I sanga yondaa haa le malaa sɔlaa, o cɛl mì piɛile nilen le tiiya le.

Esai 58:2

A co ya nuwviaa lepalaa-lepala, a yeema ma sina nɛila nilan, maa vanaa-mangalaa-isɔɔa tosa dɛnɛ sandaa-a, a mel sandii Hala nda-e le-a. A co ya ɲunaa le yaman sandan kiolɔɔ, a yeema ma va ya Hala macɛlu kpɛɛlun.

Esai 57:16

Kani o co lɔ́ɔ́-lɔ́ɔ̀ le ya sɛɛngiaa le, o co le fɛɛn a fɛɛn te ya manda kɔl ni tuwvo le, yɔŋii yiyannda (vannda) la laasian, yɔŋii ɲaa yoomaa ya cɔw-va vunnun kpede.

Esai 50:2

Lɔ́ɔ́ ya hin-ndo, le kɔlɔ yɛɛ vana ve nanu le? Tuma ya veelu-o, le yɛɛ nɛ vana cɛl te? Mò va maa o bingi ba nuu co, mì bumba niaa baŋa ni? Vɛ̀ɛ̀ i nɔ yoomuma bɔɔ le baŋaa le? Tofa vɔ, i kɔngɔlan pɛ, i veeliaa mɛmma ihɛllan, i veeliaa peelan kokolo, suwva vi le kolɔɔ iyeemaa, a sɛ le mɛmma lepɛŋndan.

Esai 12:1

«La diminin paale len aa: ‹Éé Mɛlɛka! I co nɔm lisaa. Kani nɔm óò tuulu kɔl a ya, kɛ kɔl nɔm tuwvo ɲulul, má ɲɔɔlu ya.

Esai 8:17

Ya ya, i co Mɛlɛka tofa, o vin cuavaa Yakɔb-a hɔlaa ndɔa-o pɛɛn. Ndu ya tiindan ni.

Condii kɛndɛ-kɛndɛi 6:1

«Éé nɔm vanalanɔ hiow vanlaandua naŋɔɔ-o, kuɛɛ vanapɔnɔ n kaola hoo-o kɔɛ yɛ? A kpengii kuɛɛ o bii yɛ nɛiyo? N co nɔm ndu mala nuwviaa.

Condii kɛndɛ-kɛndɛi 5:4

Mɛɛ vanapɔnɔ ya kaola hoo-o kei ba ndɔɔ o tɛɛngei le dio kumbio, mì kɔllo ɲiiya ya nin le ndu.

Talelan 1:28

la veelunin ya le niaa malaa, kɛ ya bɛɛ i cɛlnin te. La nuwviaanin ya, kɛ la seelunnin ya le.

Condii lisai 80:4

Éé Hala, mingi naa nɔm o ibuŋ. Bíí naa biyɔɔ kɛndɔɔ, mì n sɔla cindaa.

Condii lisai 77:3

Ɲin dɛnɛ palaa komal-la pɛ, i nuwviaa Maalii. Lɔan pii, i pɛngi balan heeloo o ndu lo le, I cɛl mì vana ɲɔɔlu ya le.

Condii lisai 69:3

I co mɔɔvaa o loolio yingilaa nin, fonda kɛsiaa n'pelu le simndan bɛɛ co le. I co mɔɔvaa o mɛmma yingilan nin, tindian ma co kɔnndan a ya.

Condii lisai 30:7

Telen ya vannun a kɔlɲuloo-o, nuaa yáà yiyan ni aa: «I del-lɛnin lɔ́ɔ́-lɔ́ɔ̀ le.»

Condii lisai 28:1

Condii David-e. Mɛlɛka, o nɔm ndo ya co yondaa nuaa ni. Nɔm Pow kpova nuu, meílùl-la le. Kani taa meilul-la pɛ, i siŋnun maa vanvílɛ́yaa co tolɔɔ o sɛiyo nin-nda.

2Samiɛl 16:10

Kɛ mí masaa mulul ndu aa: «Niaa poaa Seruya-a, le yɛɛ nɛ niaa co yɛ sondoo vowvo o sɔɛi he nin? Te o yeow ya pɛ, mɛɛ Mɛlɛka vem ndu ni aa o yeow ya David. Te lende yɛ ni, nɛ̀ɛ́ nɔla yɛnin mò ɲuna ndu aa ‹Le yɛɛ n co hee tosaa?›»

1Samiɛl 28:6

Mó ɲuna Mɛlɛka, kɛ Mɛlɛka mulul ndu le, o mulul ndu o lɔma sɔlaa nin te, o mulul ndu o urim nin te, o suu o vanaa-tɛɛngaa-diom Hala lo le ndu sɔɛi ken dimul te few.

O Kandɔɔ 42:28

Mó dimul puapilɛa ndɔa aa: «A mingul-la volin nun, má cè mun o bɔlɔ nuu nin.» O kon mí kɔltan la fula nda, mí siòònde bii nda taw, má va ɲuunianndo vellaa-velle aa: «Yɛɛ nɛ Hala tosal-lɛ naa hoo?»