Condii kɛndɛ-kɛndɛi 5:2 - BII BILA

² I va o malɔ, kɛ kɔl nuu va lahɔl. Diom vanapɔnɔ ya kaola-o co dioo lɔɔ nuaa ni. Ndu co dimio nuaa ni aa: ‹Kumbil-la dioo, yemanndo, caan ni laandoo, poonpoon nuu, tivɔnndo caan ni, kumbil-la dioo mbɔ̀! Kani mɔ́mndo kumbu ya bollen mɔku-mɔku, yiiŋii nii yiwnannde lindan lingili a pɔɔpɔɔma deli icɔl-lan.›

Condii kɛndɛ-kɛndɛi 5:2 Referans Kwoze

Dɛnnda cɔɔmuanndan 3:20

Tofa vɔ, i co isisi o dio, i co dioo lɔɔ. Te vanndo tuei pɛ diom nuu, mò kumbi dioo, i luɛinin ndu coo, mì n de ɲɛdiaa naa ndu latulu.

Condii kɛndɛ-kɛndɛi 2:14

Éé poonpoon ni laandu nɔ vɛɛnnden o tɛɛngon nin o powta kpovalan tɛɛn-ndo, ó co o viannanndo nɛɛ feke-fekea-o. Cɔm ya hɔlaa nɔmnda, tosa mì tuei diom nɔmndo. Kani a naŋ bɔɔ diomndo, a naŋ bɔɔ vɛlɛ hɔlla.›»

Sakari 4:1

«Mí mɛlɛkanɔ va suukanndo a ya-o muungu nɛɛ ya va-a, mó hun tindi ya mɛɛ vana tindi vana co o malɔ-o nuaa yɛ.

Condii kɛndɛ-kɛndɛi 6:9

Kɛ ya ya, ndu pilɛ kpé co poonpoon nuu ni, ndu pilɛ kpé co o tiwnun le ya-o ni. Ndu pilɛ kpé co kala ndɔ o ba ni, kala velu ndu-o kaola ndu taw. Cuaambɔa laandua ce ndu pɛ, a dimi aa caando pɛl tɔnɔ. Laandua a sámáá masaa bɛɛ a co ndu lisaa aa:

Condii lisai 119:1

Duaa co le vanaa co kelaa o nɛila sandaalan coo a o tɔŋ Mɛlɛka-o coo-a!

Matie 8:17

O kon mí sɔɛi Esai vana-tɛɛngaa-diom Hala-o dimi-e peelun aa: «O cua namtale naalen, mó siilun nààla naalan.»

Esai 52:14

Mɛɛ o yɔŋnun vana vannda taw a yɔŋ siòònde-o yɛ, hɔlaa ndɔa ve lɛ maa hɔlaa vanaciee le, ndóò ve lɛ maa vanndacieaa tɔ̀a le.

Esai 50:6

Mí mal kɔɔ nuu vanaa va ya lɔɔ-a o ba, mí mal kuula nilan vanaa va ya siaiye suingio-a o ba. I vin vanaa va ya bɛ̀ɛ̀lan tɛɛmbuuo-a, a vanaa va ya lɔluan tufɔɔ o hɔl-la hɔlaa niaa le.

Condii kɛndɛ-kɛndɛi 8:7

Hali mɛmma bɛnduan mà nɔla kaolaa ɲumi le, peela bɛndulan bɛɛ la tiwba ndu mɛiyia le. Hali vanacieo pisi bɛɛ ɲɛm ndɔn kɛndɔn kpow le kaolaa piondɔɔ, pɛɛsaa koni o tuisinnin coo ni.

Condii kɛndɛ-kɛndɛi 7:9

Lelan ya dimi ni aa: ‹I co helɔɔ o vawvo coo mì kɔ piilian tamaron koaman› Màá mɛɛma nɔmndan ma va maa kpɔ̀nyɔ̀la n'rɛsɛn, mì hoeyii co fulaa nɔm o milin-nde i naŋ cun maa cun kɛndɛ kɔmnde yɔm pomiee.

Condii kɛndɛ-kɛndɛi 5:11

Vana ca ko bolle ndɔlen aa sianin diandan ni, yiiŋii ndɔɛi co iyiwnannde maa kɔmii vaw, i co itiŋi maa bɔɔla basabasakoende.

Condii kɛndɛ-kɛndɛi 4:9

A hiilu ya kɔllo nin, yemanndo, nɔm ya co cuaa o nɔu nin-ndo. Tofaa ya lepilɛ sii ma hiilu ya kɔllo nin! Kɛsii n co hee yomɔɔ-e hiiluu ya kɔllo nin kpede.

Condii kɛndɛ-kɛndɛi 4:7

Caan ni laandoo, a naŋ bɔɔ! A nɔ lenamta o dialun nɔmndon nin te.

Condii kɛndɛ-kɛndɛi 3:1

«Tuma ya va ihini icɔllo o kpele nuu coo-o, mí nuwviaa vanapɔnɔ kɔl nuu kaola hoo taw-vo, mí nuwviaa ndu, kɛ i seelun ndu le.

Condii kɛndɛ-kɛndɛi 2:10

Vanapɔnɔ ya kaola-o co sɔɛi o ya lo, o co ya dimullo aa: ‹Caan ni laandoo sei, cɔn! Hun, caan ni laandu naŋ hɔlla-o.

Condii kɛndɛ-kɛndɛi 2:8

«Diom vanapɔnɔ ya kaola-o ya co tueyɔɔ ho ni. Tofa vɔ ndu, ndu co hunɔɔ nuaa ni. Ndu co hunɔɔ a huuloo o pembon coo nuaa ni, ndu co icilian-ciliannde o pembun pɔmbɔn coo nuaa ni.

Talelan 23:26

Po nuu sei! Yɔngu ya kɔl nɔmndo, mì ɲɔɔ hɛnan nɔm le kelala nilan mɛɛndanndo.

Condii lisai 81:10

O bɛnda mi hala celen va niaa tɛɛn te. La biilu halaa celennda le!

O Kandɔɔ 29:20

Mí Yakɔb tosa vallo vɔsilan laŋɔmmɛw le Rasɛl kɛsio o nɔ̀u ndu o ba. Kɛ mó ca vɔsila ŋɔmmɛwla lan maa palɛi bingi, kani ndóò kaola bɔɔ Rasɛl.

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Dɛnnda cɔɔmuanndan 3:4

Kɛ nduyɛ, a nɔ vannda pum Sarde, a nɔɔliaa volɔɔla ndala cuɛinanndan te-a. Nda nda, n kɔanin naa ndaa latulu o volɔɔla humbulan nin, kani nda bɛnda le ken ni.

Efɛsea 5:14

Hiovɔɔ o kon coo, ɲɛ-ɲɛ fula pɛ ceen kpendekele, ndu siŋnun ɲɛ-tengaa. Lelan o co o sɛvaa ni aa: «Tiondu, nɔm vana co hoo o lɔan-ndo, cɔn mà fula vanvílɛ́iya tɛɛn, mì Krista tosa, mì ɲɛ-tengaa va niaa diondɔɔ coo.»

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Nsaŋ 10:4

O cii pɛ a ndɔa soli kpede, o sim nda laci le kɔlan, a del ndu kɔɔli, kani a sina ndu diomndo.

Luke 22:44

Mí Yeesu buulan taw, mó piɛi a kpaayaa taw-taw, mí lalle muungu ndu maa makòó, mí i va delio lɛŋ maa matoŋtoŋ.

Luke 9:32

Piɛr a vanaa va ndu kɔɔli-a a vannun o lɔan cundun. Kɛ ndáà tiondɔɔ, má ca biilu Yeesu-o a vanaa ŋiɔŋaa va ndu isisi ikɛi-ya.

Luke 6:12

O telen kon, mí Yeesu kɔa o pembei coo le piɛilen, mó lɔl Hala piɛiyo pii.

Marke 1:35

Idiiyo púŋ, ɲumndan ma va vɔ, mó can le kɔlan o lɛŋnde veselɛilen lepum nin, mó kɔ va piɛilen.

Daniɛl 8:18

Tuma o va sɔɛi-yo, i va o kuumbuan o kɔl coo, mí siŋnun maa vana vovɛi. Mó pilan ya, mó cua ya, mó simi ya nɛɛ ya va-a.

Matie 7:8

Kani vana-vana piɛi pɛ, ndu sɔla. Vana nuwviaa pɛ, ndu saalun. Nduyɛ vana lɔaa dioo-o nda kumbil ni.

Condii kɛndɛ-kɛndɛi 1:16

A naŋ bɔɔ hɔlla, nɔm caan ni piaandoo, mbɔ̀ a naŋ bɔɔ! Maa bil puiyaa kpele naa hinia co ni.

Condii kɛndɛ-kɛndɛi 5:6

Mí kumbil vanapɔnɔ ya kaola hoo-o dioo, kɛ ndóò kɔɛnnun nin, o ve lɛ o dio le. Tuma o va sɔɛi o ya lo-o, i ve o ya pila nin te few. Mí fula nuwviaa ndu, kɛ i seelun ndu le. Mí veelu ndu, kɛ o cɛl te.