Condii kɛndɛ-kɛndɛi 5:16 - BII BILA

¹⁶ Sondo ndɔɔ yeela bɔɔ o vɔɛiyo, o hɛnan ya taw o tofaa. Lende vanapɔnɔ ya kaola hoo-o co ni, lende caan ni kon co ni, mbɔ̀ alɛ, felengia laandua Yerusalɛm!»

Condii kɛndɛ-kɛndɛi 5:16 Referans Kwoze

Condii lisai 45:2

Kɔllo co ya yusaa nin le sɔɔn kɛndɔn dimio, i co dimio aa: Le masaa dɛnnda nilan la co ni. Màá diɛɛmule nilen le siŋnun maa kpɛ̀kile vana sɛvaa kɔlkaloo!

Condii kɛndɛ-kɛndɛi 7:9

Lelan ya dimi ni aa: ‹I co helɔɔ o vawvo coo mì kɔ piilian tamaron koaman› Màá mɛɛma nɔmndan ma va maa kpɔ̀nyɔ̀la n'rɛsɛn, mì hoeyii co fulaa nɔm o milin-nde i naŋ cun maa cun kɛndɛ kɔmnde yɔm pomiee.

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

Nsaki 2:23

Nuaa o sɛvan-ndo peelun ni aa: «Abraham laalan Hala, mí kon cɔmnun ndu coo maa dɛnɛ sandaa, má veelu ndu aa caangoo Hala.»

Filipea 3:8

Dɛnndan kpow la co macoaa ya o hɔl maa delɔɔ, le naŋɔɔ bɛndu ya ce o Maalii nuu Yeesu Krista sinaa nin-ndo. Le ndu, mí cɛl, mí ɲɛ-ɲɛ hialun ya, mí ca ɲɛm mun kpow maa bil nda viow o sállo coo-o, haliko tuŋ i sɔla Krista,

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Osee 3:1

Mí Mɛlɛka dimul-la aa: «Kɔ kaola vɛlɛ vanalanɔ nɔ sámáá mò va suundaa-o, mà kaola ndu mɛɛ ya Mɛlɛka kaola Israɛlla yɛ. Hali a co bɛɛ kɔlan halaa celen sooloo mà va dɛɛla toosian a rɛsɛnndon-ndan yeemaa nuaa.

Yeremi 15:16

Mí candu sɔɔn nɔmndon, o kon mí dia mun. N co ya kɔllo nɛŋio, kani le nɔm ya co ni, nɔm Mɛlɛka, Hala-Nɔ-Kpaayaa-Kpow-vo.

Yeremi 3:20

Kɛ niaa Israɛlla, mí la hui ya mɛɛ vanalanɔɔ kɛɛ lou o lediom coo a pɔnɔ ndɔ yɛ. Ya Mɛlɛka co sɔɛi nuaa ni.

Condii kɛndɛ-kɛndɛi 6:3

Le vanapɔnɔ ya kaola hoo-o ya co ni, le ya ndu bɛɛ co ni. O bil kɛndɛ-kɛndɔɔ nin o yaa cɔlua ndɔa diólan ni.

Condii kɛndɛ-kɛndɛi 2:16

«Vanapɔnɔ ni ya kaola taw-vo co le ya, ya bɛɛ i co le ndu. O bil kɛndɛ-kɛndɔɔ tɛɛn o yaa cɔlua ndɔa diólan ni.

Condii kɛndɛ-kɛndɛi 2:3

«Mɛɛ yɔm pomiee co yɔmnde tɛɛn o bundɔɔ nin yɛ, lende koni vana ya kaola hoo-o co felengia piaandua tɛɛn ni. Ɲɔɔ hɛnan ya le calle o vundule ndɔlen bɛngu, kɔmnde ndɔlen le yeela ya o sondo taw.

Condii kɛndɛ-kɛndɛi 2:1

«Peengela kɛndɛla co o dɛngbɔɔ Saron nin-ndan ya co ni, bil pungaa co o bóltan nin-ndo pɛɛn.»

Condii kɛndɛ-kɛndɛi 1:16

A naŋ bɔɔ hɔlla, nɔm caan ni piaandoo, mbɔ̀ a naŋ bɔɔ! Maa bil puiyaa kpele naa hinia co ni.

Condii kɛndɛ-kɛndɛi 1:2

«Màá kɔman ya ma sɔsa ya sondoo! Kani kaola nɔmndo hiow ya biyɔɔ a mɔiyan.

Condii lisai 148:13

la lisa Mɛlɛka. Kani diola ndɔlan kínɛí vana sangala ni, naŋɔɔ ndɔɔ co o tivaa o lɛŋnden coo a o halataala.

Condii lisai 119:103

Sɔɔn nɔmndon n yeela bɔɔ ya o lediɛɛmu, n hiow lɛan yeelaa ya o sondo.

Condii lisai 89:6

Éé Hala, màá mɛlɛkaa a mel nɔm balika o halataala le dɛnnda kɛndɛla n tosa lan a le lo n lo o lediom coo-o!

Condii lisai 19:10

Siòòŋii Mɛlɛka-e nɔu naŋ bɔɔ. Kon lonin tosanndo le vɔsilan kɛmɛlan o kɛmɛlan nin. Sɔɔn Mɛlɛka kialu-on co sɔɔn kpeekpei, sɔɔn sandan kposon n co ni.

2Samiɛl 1:23

O ceen ndaa kpow nin, kaolianndo pila Saul nda Yonatan ndáà kaolian ni. Hali o piɔ́m ndaa nin, a cɛl le sɛyanndo le. Ndáà hiow kovɛa keleŋaa, ndáà hiow yàlàá yoomuan.

Condii kɛndɛ-kɛndɛi 1:5

Cuaambɔa laandua Yerusalɛm sei, o tiŋi ya co ni, kɛ i naŋ taw. I co o tiŋi ŋɛlɛngi-ŋɛlɛngi maa cɛila-kolala-toandaalan Kedar, i naŋ maa cɛila pɔmbɔla Salomɔn-ndan.

Condii kɛndɛ-kɛndɛi 4:3

Vana ca ko cɔcɔn nɔmndon aa kɛi siaŋa sɔɔtɔtɔɔ ni. Sondo nɔmndo naŋ bɔɔ mbɔ̀! Vana ca ko kuula nɔmndan ningilaa o kola vaan-vaan n kuumbun o lebol-lo bɛngu aakrenadeon ni.