Condii kɛndɛ-kɛndɛi 5:15 - BII BILA

¹⁵ Vana ca ko pelun ndɔn aa sungbuma nda cɔw a pow humboo-an ni, ma nda tɔl tumndan o sianin diandan nin-ndan pɛɛn. Vana ca ko hɔlaa ndɔa aa pembon Liban ni. O naŋ bɔɔ maa yɔm sɛɛdre.

Condii kɛndɛ-kɛndɛi 5:15 Referans Kwoze

1Timote 3:16

A toɲa, sɔɛi viannannde he i co i bɔɔ le laalan naa: Yeesu cɔmnun maa vanaciee, mí Hala Kɔl-Diandaa ke ndu di, mó cɔmnun mɛlɛkaa, mí vannda kɔ dimi sɔɛi ndɔɛi vanaa-mangalaa-isɔɔa tɛɛn, mí vannda laalan ndu o ceendo coo, mó helnun o halataala o biiloo nin.

Dɛnnda kiilaa 2:28

A cɔm ya nɛila ke vana cindaa lan, ɲaaloo vanin ya o kɔl taw nɔm o hɔl.›»

Matie 28:3

Vanáà ce ndu pɛ aa piɔɔ-volia ni, volɔɔla va ndu lekɔɔ lan la va lahumbu few-few.

Matie 17:2

Mó mangalan nda o hɔl, mí hɔlla muungu ndu volio maa lepala, mí volɔɔla va ndu lekɔɔ lan la muungu lahumbu maa ɲɛ-tengaa.

Sakari 9:17

Mbɔ̀ ɲɔɔ naŋnin bɔɔ! Ɲɔɔ yeelanin bɔɔ! Maalon tosanin mì felengia hindu, mì mɔima sɛnɛiyan ma tosa mì cuaambɔa laandua dɔwnun yálá.»

Osee 14:7

Lɛvun ndan puinin taw, à sɔlanin naŋɔɔ maa yɔmii oliviee, cun ndaa vanin maa lasikɔlɔ cun kɛndɔɔ Liban.

Condii kɛndɛ-kɛndɛi 7:4

Vana ca ko mɛɛma nɔmma miɔnndan aa kialaa cuawva nda ŋiɔn ni, vana ca man ko aa cuavaa pɛndua púvɔ́ɔ́ kom-nda ni.

Condii kɛndɛ-kɛndɛi 4:11

Òó nɔm vanalanɔ ya co cuaa o nɔu nin-ndo! Cɔcɔn nɔmndon, lɛan ma fula lon ni. Lɛan a nɔnɔan ma co o diɛɛmule nɔmnden coo ni. Vana tuɛi ko volɔɔla nɔmnda cuɛinanndan cunndo aa lasikɔlɔ cun kɛndɛ yɔmnde Liban ni.

Condii kɛndɛ-kɛndɛi 2:14

Éé poonpoon ni laandu nɔ vɛɛnnden o tɛɛngon nin o powta kpovalan tɛɛn-ndo, ó co o viannanndo nɛɛ feke-fekea-o. Cɔm ya hɔlaa nɔmnda, tosa mì tuei diom nɔmndo. Kani a naŋ bɔɔ diomndo, a naŋ bɔɔ vɛlɛ hɔlla.›»

Condii lisai 92:12

I co yaamɔɔa cɔu tambei, i co vanaa yɔŋ vɔɔnda tueyɔɔ cɛɛŋɔnndo.

Masaa kialaa n'yamaa 13:6

Mí vuɛɛn kon muungu o ndu lo, mó kɔ downun pɔnɔ ndɔ kona aa: «Vana Hala-o pum cɔmnun ya. Vanáà ce ndu pɛ aa mɛlɛkanɔ Hala-o ni, kani kɔndɔfillo ndóò bii vana o ndu tofaa ni. I ɲuna ndu nɛɛ o fula-a le, ndu bɛɛ dimul-la diola ndɔlan te.

Fulaa 26:19

Ma toosiaa ɲɛla pɛngɛn mun kɛsinin tumndan nin-ndan belehiɔɔlu a volin humbon le pɛngɛn bidiin mun, ma handu lan latiɔn-tiɔnndan o pɛngɔn n'pilɛn-pilɛnndon bɛngu, le ɲɛla tiɔnnda bii pɛngɔn tumndo o kpengon-ndan tɔlɔɔ lenin.

Condii lisai 80:10

Má toosiaa fondaa le ndu, mó soli dumbon, mó tiw o lɛŋnden kpow nin.

Esekiɛl 17:23

I tɔalnin ndi o pembii bɛndu-bɛnduei coo o lɛŋnde Israɛl-ten nin. I dɔawnunnin fuma, mì i kom taw-taw, o kon kɔɔli, i siŋnunnin yɔm sɛɛdre kɛndɛ-kɛndɔɔ. Yowva súúlan kpow a vanin kɔlan pɛngio lecoo, a calnin o vunduma lɛvun ndɔn bɛngu.

Esekiɛl 31:8

Yɔmii sɛɛdrei o nakɔ Hala-o nin kpede ndíì siiman a ndu le, yɔmii siprɛsiei ndíì sulan a lɛvun yɔm kon te, hali yɔmii platannde ndíì ve maa lɛɛndun ndɔn te, yɔm oo yɔm ve o nakɔ Hala-o nin, o ndóò sulan naŋɔɔ a yɔm sɛɛdre bɛndu kon-ndo le.

Condii lisai 92:13

Vanaa sandaa co yandɔɔ maa mavaw, a co bandei maa sɛɛdrei Liban.

Cɛɛŋɔnnda Yeremi lan 4:7

Vanaa ndaa bɛndua ndáà hiow fengbɔɔ diondɔɔ, ndáà hiow nɔnɔɔ diondɔɔ. Kɔɔle ndalen léè hiow ningilaa a pow kpɔlɔkaa. Hɔlaa ndaa va tengaa maa pow safir.